完整藏文原文 · 德格版页 当前仅加载第 44 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་ཞིང་དེ་གཉིས་ཀྱི་དབུགས་ཀྱིས་རི་རབ་ཀྱང་གཡོ་བར་བྱེད་དེ། དེ་གཉིས་ཇི་ལྟར་དུག་ཆེ་ལ་སྤྲོ་བ་ཆེ་ཞིང་ཡངས་པ་བཞིན་དུ་ནོར་རྒྱས་ཀྱི་བུ་དང་འཇོག་པོ་གཉིས་ཀྱང་དེ་དང་འདྲའོ། །སྨན་ཆེན་འདི་ཇི་སྙམ་དུ་སེམས། དེ་དག་གི་རྣམ་པར་ཤེས་པ་
D83.044.0088a01.01ཡང་གཞན་ལ། སྦྲང་བུའི་ཡང་གཞན་ནོ་སྙམ་ན་དེ་ལྟར་བལྟ་བར་མི་བྱ་སྟེ། སྨན་ཆེན་འདི་ལྟར་རྣམ་པར་ཤེས་པ་དེ་ཉིད་སྦྲང་བུའི་ཡང་ཡིན་ལ་དེ་ཉིད་དེ་དག་གི་ཡང་ཡིན་ནོ། །དཔེར་ན་དུག་བད་ས་ནཱ་བྷ་དང་། ཧ་ལ་ཧ་ལའི་ཐིགས་པ་ཆུང་ངུ་ཡང་ཀླུའི་རྒྱལ་པོ་དགའ་བོ་དང་། ཉེ་
D83.044.0088a02.01དགའ་ལ་སོགས་པ་དེ་དག་གིས་ཟོས་ན་དེ་དག་ཀྱང་འཆི་བར་འགྱུར་རོ། །སྨན་ཆེན་འདི་ཇི་སྙམ་དུ་སེམས། དགའ་བོ་དང་ཉེ་དགའ་ལ་སོགས་པའི་དུག་གང་ཡིན་པ་དང་། བད་ས་ནཱ་བྷ་དང་ཧ་ལ་ཧ་ལའི་དུག་གི་ཐིགས་པ་གང་ཡིན་པ་དེའི་ནང་ན་ཆེས་མང་བ་གང་ཡིན། གསོལ་
D83.044.0088a03.01པ། བཅོམ་ལྡན་འདས་དགའ་བོ་དང་ཉེ་དགའ་གཉིས་ཀྱི་དུག་ཆེས་མང་བར་བལྟ་བར་བགྱི་སྟེ། བད་ས་ནཱ་བྷ་དང་། ཧ་ལ་ཧ་ལའི་དུག་ནི་དེ་ལྟ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། སྨན་ཆེན་དེ་བཞིན་དུ་ལུས་ཆེན་པོ་གླང་པོ་ཆེ་དགུ་སྟོང་གི་སྟོབས་དང་
D83.044.0088a04.01ལྡན་པ་དེ་དག་གི་རྣམ་པར་ཤེས་པའི་ཁམས་ཀྱང་ཆུང་ཞིང་མི་གསལ་ལ་གཟུགས་ཅན་མ་ཡིན་པར་བལྟ་བར་བྱའོ། །རྣམ་པར་ཤེས་པ་དེ་ཡང་ལས་ཀྱི་རྐྱེན་གྱིས་ལུས་ཆེན་པོ་མངོན་པར་འགྲུབ་པར་བྱེད་དེ། དཔེར་ན་ཤིང་ནྱ་གྲོ་དྷའི་ས་བོན་ཆུང་ངུ་ལས་ཤིང་གི་རྒྱལ་པོ་མཐོ་ཞིང་
D83.044.0088a05.01རྒྱ་ཆེ་ལ་ཡལ་ག་དང་། ཡལ་ག་ཕྲེའུ་བརྒྱ་སྟོང་གིས་རྒྱས་པ་འགྲུབ་པར་འགྱུར་རོ། །སྨན་ཆེན་འདི་ཇི་སྙམ་དུ་སེམས། ས་བོན་དེའི་ཚད་ནི་ཇི་ཙམ། ཤིང་དེའི་ཚད་ནི་ཇི་ཙམ། གསོལ་པ། བཅོམ་ལྡན་འདས་ཡུངས་འབྲུའི་ནང་དང་བར་སྣང་བཞིན་ཏེ་ཁྱད་ཆེ་ལགས་སོ། །བཅོམ་ལྡན་འདས་
D83.044.0088a06.01ཀྱིས་བཀའ་སྩལ་པ། སྨན་ཆེན་དེ་བཞིན་དུ་ས་བོན་དེའི་ནང་ན་ཡང་ཤིང་མི་སྣང་ལ་ས་བོན་མེད་ན་ཡང་ཤིང་སྐྱེ་བ་མི་དམིགས་ཏེ། ཇི་ལྟར་ས་བོན་ཕྲ་མོ་ལས་ཤིང་ཆེན་པོ་སྐྱེ་བ་དེ་བཞིན་དུ་རྣམ་པར་ཤེས་པ་ཆ་ཕྲ་བ་ལས་གཟུགས་ཆེན་པོ་འགྲུབ་པར་འགྱུར་ཏེ། ལུས་ལ་ཡང་རྣམ་
D83.044.0088a07.01