完整藏文原文 · 德格版页 当前仅加载第 43 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ཐམས་ཅད་སྟོང་པ་སྟེ། །དེ་ནི་མེད་པར་རྟོགས་པར་བྱེད། །འདི་ན་འཕོ་བ་འགའ་མེད་པ། །བྱང་ཆུབ་སེམས་དཔའ་ཞེས་ཀྱང་བྱ། །འདོད་ཁམས་གྲུབ་པ་མ་ཡིན་ཏེ། །རྣམ་པར་རྟོག་པས་ཀུན་ནས་བསླང་། །གཟུགས་དང་གཟུགས་མེད་དེ་བཞིན་ཏེ། །
D80.043.0309a01.01དེ་དག་ཐམས་ཅད་ཡོད་མ་ཡིན། །འདོད་ཆགས་སྤྱོད་དང་ཞེ་སྡང་སྤྱོད། །དེ་བཞིན་གཏི་མུག་སྤྱོད་པ་དང་། །སེམས་ཅན་སྤྱོད་པ་གང་ཡིན་པ། །ཐམས་ཅད་མཁས་པས་རྟོགས་པར་བྱེད། །སེམས་ཅན་ཐམས་ཅད་སེམས་ཅན་གཅིག །སེམས་ཅན་དེ་ཡང་ཡོད་མིན་པར། །
D80.043.0309a02.01ཤེས་རབ་ཅན་གྱིས་དེ་རྟོགས་ཀྱང་། །སེམས་ཅན་དེ་ལ་རློམ་སེམས་མེད། །ཆོས་རྣམས་ཀུན་གྱི་འབྱུང་བ་ནི། །ཕྱིན་ཅི་ལོག་ལས་སྐྱེ་བ་སྟེ། །གང་དག་ཕྱིན་ཅི་ལོག་རྟོག་པ། །དེ་ནི་ལོགས་པའི་མཚན་ཉིད་དོ། །ཤེས་པ་ཀུན་ལ་མཁས་པ་ནི། །གང་གི་སྒྲ་ལའང་ཆགས་པ་མེད། །
D80.043.0309a03.01ཆགས་པ་མེད་པར་རྟོགས་གྱུར་པ། །བྱང་ཆུབ་སེམས་དཔའ་ཞེས་ཀྱང་བྱ། །རང་གི་ཤ་རྣམས་གཏོང་བྱེད་ཀྱང་། །དེ་ལ་གནས་པ་ཡོད་མིན་ཞིང་། །ཇི་བཞིན་རྗེས་སུ་རྟོགས་གྱུར་པ། །བྱང་ཆུབ་སེམས་དཔའ་ཞེས་ཀྱང་བྱ། །ཚུལ་ཁྲིམས་ཕ་རོལ་ཕྱིན་གྱུར་ཀྱང་། །ཚུལ་
D80.043.0309a04.01ཁྲིམས་ལ་ནི་རློམ་སེམས་མེད། །སངས་རྒྱས་ཚུལ་དོན་གང་ཡིན་པ། །སྐྱེ་མེད་འབྱུང་བ་མེད་པ་ཡིན། །བྱམས་པས་སེམས་ཅན་ཁྱབ་བྱེད་ཀྱང་། །སེམས་ཅན་དམིགས་སུ་ཡོད་མ་ཡིན། །སེམས་ཅན་དོན་ནི་རྗེས་རྟོགས་པ། །དེ་ནི་མིང་གིས་བསྟན་པ་ཡིན། །འདུས་བྱས་ཀུན་ལ་རྣམ་
D80.043.0309a05.01སེམས་པའི། །བརྩོན་འགྲུས་རྩོམ་ལ་གནས་གྱུར་ཅིང་། །འཇིག་རྟེན་སྟོང་པར་རིག་ནས་ནི། །བྱང་ཆུབ་དམ་པ་རྟོགས་པར་བྱེད། །དེ་ནི་བསམ་གཏན་སྒོམ་བྱེད་ཀྱང་། །དེ་ལ་རྟེན་པ་ཡོད་མིན་ཞིང་། །གནས་མེད་དམིགས་པ་ཡོད་མིན་པ། །དེ་ལྟར་མཁས་པ་སྒོམ་པར་
D80.043.0309a06.01བྱེད། །བག་ཆགས་ལྟ་བའི་ཉོན་མོངས་རྣམས། །ཤེས་རབ་མཚོན་གྱིས་གཅོད་བྱེད་ཀྱང་། །ཆོས་ཀྱི་དབྱིངས་ལ་དབྱེ་བ་དང་། །གཅོད་པའི་རློམ་སེམས་ཡོད་མ་ཡིན། །
D80.043.0309a07.01