完整藏文原文 · 德格版页 当前仅加载第 43 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
མ་མེད་པ་ལས་མི་ལྡོག་གོ །སྨོན་པ་མེད་པ་ལས་མི་ལྡོག་གོ །དེ་བཞིན་ཉིད་ལས་མི་ལྡོག་གོ །ཆོས་ཀྱི་དབྱིངས་ལས་མི་ལྡོག་གོ །ཡང་དག་པའི་མཐའ་ལས་མི་ལྡོག་གོ །མཉམ་པ་ཉིད་ལས་མི་ལྡོག་གོ །ལྷའི་བུས་སྨྲས་པ། འཇམ་དཔལ་དེ་སྐད་ཅེས་བྱང་ཆུབ་སེམས་དཔའ་
D80.043.0298b01.01གང་རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པའི་ཆོས་དེ་དག་ལས་ལྡོག་པ་དེ་ནི་དེས་ན་ལྡོག་པ་ཞེས་བྱའོ་ཞེས་གསུངས་པ་དེ་ཅི་གང་དག་ལས་ལྡོག་པའི་ཆོས་དེ་དག་མཆིས་པ་ཞིག་གམ། འོན་ཏེ་མ་མཆིས་པ་ཞིག་གམ། འོན་ཏེ་མཆིས་པ་དང་མ་མཆིས་པ་ཞིག་གམ།
D80.043.0298b02.01འོན་ཏེ་མཆིས་པ་ཡང་མ་ལགས་མ་མཆིས་པ་ཡང་མ་ལགས་པ་ཞིག་ལགས། འཇམ་དཔལ་གྱིས་སྨྲས་པ། ལྷའི་བུ་གང་དག་ལས་ལྡོག་པའི་ཆོས་དེ་དག་ནི་ཡོད་པ་ཡང་མ་ཡིན། མེད་པ་ཡང་མ་ཡིན། ཡོད་པ་དང་མེད་པ་ཡང་མ་ཡིན། ཡོད་པ་ཡང་མ་ཡིན། མེད་པ་ཡང་མ་
D80.043.0298b03.01ཡིན་པ་ཡང་མ་ཡིན་ནོ། །ལྷའི་བུས་སྨྲས་པ། འཇམ་དཔལ་འོ་ན་གང་ལས་ལྡོག །འཇམ་དཔལ་གྱིས་སྨྲས་པ། ལྷའི་བུ་ཡང་དག་པ་མ་ཡིན་པར་འཛིན་པ་དང་། ལེགས་པ་མ་ཡིན་པར་འཛིན་པ་དང་། ལོག་པར་འཛིན་པ་གང་ཡིན་པ་དེ་འཛིན་པར་མི་བྱེད། ཡོངས་སུ་
D80.043.0298b04.01གཏོང་བར་མི་བྱེད། མཚན་མར་མི་བྱེད་པ་དེའི་ཕྱིར་ལྡོག་པ་ཞེས་བྱ་སྟེ། དེ་ནི་ཡོད་པར་ཡང་བསྟན་པར་མི་བྱ། མེད་པར་ཡང་བསྟན་པར་མི་བྱའོ། །དེ་ཅིའི་ཕྱིར་ཞེ་ན། གལ་ཏེ་ཡོད་པ་དང་མེད་པ་ལས་ལྡོག་པར་གྱུར་ན་དེ་ནི་སྐྱོན་དུ་འགྱུར་བའི་ཕྱིར་རོ། །དེ་ཅིའི་ཕྱིར་ཞེ་ན། གལ་ཏེ་
D80.043.0298b05.01ཡོད་པ་ལས་ལྡོག་པར་གྱུར་ན་རྟག་པར་འགྱུར་ལ་མེད་པ་ལས་ལྡོག་པར་གྱུར་ན་ཆད་པར་འགྱུར་བའི་ཕྱིར་རོ། །དེ་བཞིན་གཤེགས་པ་ནི་རྟག་པ་དང་ཆད་པའི་ཕྱིར་ཆོས་སྟོན་པར་མི་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཆོས་བསྟན་པ་ནི་རྟག་པའི་ཕྱིར་ཡང་མ་ཡིན། ཆད་
D80.043.0298b06.01པའི་ཕྱིར་ཡང་མ་ཡིན་ནོ། །ལྷའི་བུ་དེ་བཞིན་ཉིད་གང་ཡིན་པ་དེ་ནི་སྔོན་མ་བྱུང་བར་གྱུར་པའོ་ཞེས་འདུ་ཤེས་ཀྱིས་ཡོད་པ་མ་ཡིན་པར་ཡོངས་སུ་ཤེས་པར་ཟད་ཀྱི། དེ་ལ་ནི་ཆད་པ་ཡང་མེད། རྟག་པ་ཡང་མེད་དེ། ལྷའི་བུ་དེ་ལྟར་ན་བྱང་ཆུབ་སེམས་དཔའ་ལྡོག་པ་ཡིན་ནོ། །བསྟན་པ་
D80.043.0298b07.01