完整藏文原文 · 德格版页 当前仅加载第 43 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
རང་སངས་རྒྱས་ཀྱི་སྤྱོད་པ་ལས་ལྡོག་གོ །རྟོག་པ་ལས་ལྡོག་གོ །འཛིན་པ་ལས་ལྡོག་གོ །མཚན་མ་ལས་ལྡོག་གོ །དངོས་པོར་འཛིན་པ་ལས་ལྡོག་གོ །ཆད་པར་ལྟ་བ་ལས་ལྡོག་གོ །རྟག་པར་ལྟ་བ་ལས་ལྡོག་གོ །བླང་བ་ལས་ལྡོག་གོ །དོར་
D80.043.0298a01.01བ་ལས་ལྡོག་གོ །བདག་ཏུ་འདུ་ཤེས་པ་ལས་ལྡོག་གོ །སེམས་ཅན་དུ་འདུ་ཤེས་པ་ལས་ལྡོག་གོ །སྲོག་ཏུ་འདུ་ཤེས་པ་ལས་ལྡོག་གོ །གང་ཟག་ཏུ་འདུ་ཤེས་པ་ལས་ལྡོག་གོ །ཡིད་ལ་བྱེད་པ་དག་ལས་ལྡོག་གོ །ཆགས་པ་དག་ལས་ལྡོག་གོ །ཕྱིན་ཅི་ལོག་དག་ལས་ལྡོག་
D80.043.0298a02.01གོ །འཇིག་ཚོགས་ལས་ལྡོག་གོ །འཇིག་ཚོགས་ལ་ལྟ་བ་ལས་ལྡོག་གོ །འཇིག་ཚོགས་ཀྱི་རྩ་བ་ལས་བྱུང་བའི་ལྟ་བའི་རྣམ་པ་དྲུག་ཅུ་རྩ་གཉིས་ལས་ལྡོག་གོ །སྒྲིབ་པ་དག་ལས་ལྡོག་གོ །ཕུང་པོ་ལྔར་འཛིན་པ་ལས་ལྡོག་གོ །ཕྱི་དང་ནང་གི་སྐྱེ་མཆེད་ཐམས་ཅད་ལས་
D80.043.0298a03.01ལྡོག་གོ །ཁམས་རྣམས་ལས་ལྡོག་གོ །སངས་རྒྱས་སུ་འདུ་ཤེས་པ་ལས་ལྡོག་གོ །ཆོས་སུ་འདུ་ཤེས་པ་ལས་ལྡོག་གོ །དགེ་འདུན་དུ་འདུ་ཤེས་པ་ལས་ལྡོག་གོ །བདག་སངས་རྒྱས་སུ་འགྱུར་རོ། །བདག་ཆོས་སྟོན་པར་འགྱུར་རོ། །བདག་སེམས་ཅན་གྲོལ་བར་
D80.043.0298a04.01བྱེད་པར་འགྱུར་རོ། །བདག་བདུད་འདུལ་བར་འགྱུར་རོ། །བདག་ཡེ་ཤེས་ཐོབ་པར་འགྱུར་རོ་སྙམ་པའི་འདུ་ཤེས་དེ་དག་ལས་ལྡོག་གོ །དེ་བཞིན་གཤེགས་པའི་སྟོབས་བཅུ་ལ་རྟོག་པར་མི་བྱེད་དོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་རྟོག་པར་མི་བྱེད་དོ། །དབང་པོ་
D80.043.0298a05.01རྣམས་དང་། སྟོབས་རྣམས་དང་། མི་འཇིགས་པ་རྣམས་ལ་རྟོག་པར་མི་བྱེད་དོ། །མཚན་རྣམས་ལ་རྟོགས་པར་མི་བྱེད་དོ། །སངས་རྒྱས་ཀྱི་ཞིང་བཀོད་པ་རྣམས་ལ་རྟོག་པར་མི་བྱེད་དོ། །ཉན་ཐོས་ཀྱི་དགེ་འདུན་ཕུན་སུམ་ཚོགས་པ་ལ་རྟོག་པར་མི་བྱེད་ཅིང་རྟོག་པ་ཐམས་ཅད་ལས་
D80.043.0298a06.01ལྡོག་སྟེ། ལྷའི་བུ་དེ་ལྟར་བྱང་ཆུབ་སེམས་དཔའ་གང་དེ་ལས་ལྡོག་པ་དེ་ནི་མི་ལྡོག་པ་ཡིན་ནོ། །ལྷའི་བུས་སྨྲས་པ། འཇམ་དཔལ་གང་ལས་མི་ལྡོག །འཇམ་དཔལ་གྱིས་སྨྲས་པ། ལྷའི་བུ་སངས་རྒྱས་ཀྱི་ཡེ་ཤེས་ལས་མི་ལྡོག་གོ །སྟོང་པ་ཉིད་ལས་མི་ལྡོག་གོ །མཚན་
D80.043.0298a07.01