完整藏文原文 · 德格版页 当前仅加载第 43 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་ཆེན་པོ་འཕེལ་བར་འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པས་དེའི་ཚེ་གང་གིས་ལྷའི་བུ་དཔལ་{བཟངས་,བཟང་}དང་། ཐམས་ཅད་དང་ལྡན་པའི་འཁོར་དེ་དག་དགའ་ལྡན་གྱི་གནས་སུ་བཞུགས་པར་བདག་ཉིད་ཀྱིས་ཤེས་པ་དང་། ཉམས་དགའ་བའི་ཀུན་དགའ་ར་བ་དང་། ཉམས་དགའ་བའི་ཚལ་དང་།
D79.043.0274a01.01ཉམས་དགའ་བའི་རྫིང་དང་། ཉམས་དགའ་བའི་སྐྱེད་མོས་ཚལ་དང་། རིམ་པ་བདུན་དང་། བརྒྱད་དང་། བཅུ་དང་། ཉི་ཤུ་པའི་ཁང་པ་བརྩེགས་པ་བསིལ་ཁང་དང་། བ་གམ་དང་། སྟེགས་བུ་དང་། རྟ་བབས་དང་། སྐར་ཁུང་དང་ལྡན་པ་དེ་དག་ཀྱང་སྣང་བ་དང་། ལྷའི་བུ་མོ་རྐང་ལག་འཇམ་ཞིང་མཉེན་པ། གསེར་གྱི་དྲ་བ་ལྟར་
D79.043.0274a02.01འོད་རྣམ་པར་དག་པ། སྨིན་མ་ལེགས་པ། འཕྲལ་བ་ལེགས་པ། བཞིན་ལེགས་པ། མིག་པད་མ་འདབ་མ་བརྒྱད་པ་སྔོན་པོ་ལྟ་བུར་མཛེས་ཤིང་དྲི་མ་མེད་པ་ཤིན་དུ་ཡངས་པ། འདོད་པའི་སེམས་བསྐྱེད་པ། ཟླ་བ་ཚེས་པ་ལྟར་མངོན་པར་དགའ་བ། བཞིན་འཛུམ་པ་དང་བཅས་པ་དེ་དག་རྒྱུད་གཅིག་པ་དང་། པི་བང་
D79.043.0274a03.01དང་། སྒྲ་སྙན་དང་། ཁར་བའི་སིལ་ཁྲོལ་དང་། ཕེག་དང་། རྔ་ཟླུམ་དང་། རྫ་རྔ་དང་། རྔ་སྙན་པ་དང་། གླིང་བུ་དང་། གླུ་དབྱངས་དང་། རོལ་མོའི་དབྱངས་སྒྲ་དང་། གར་དང་། བཞད་གད་དང་། འཇོ་བ་དང་། སྒེག་པ་དང་། རྩེ་བས་རྒྱགས་ཤིང་དགའ་བ་དང་། རྩེ་བ་དང་། དགའ་མགུར་སྤྱོད་པ་དག་ཀྱང་སྣང་བ་དེ་ལྟ་བུའི་རྫུ་
D79.043.0274a04.01འཕྲུལ་མངོན་པར་བྱ་བ་མངོན་པར་བྱས་སོ། །དེ་འདྲ་བའི་བྱིན་གྱི་རླབས་ཀྱིས་བྱིན་གྱིས་རླབས་སོ། །དེ་ནས་ལྷའི་བུ་དཔལ་{བཟངས་ཀྱིས་,བཟང་གིས་}རང་གི་གནས་རྒྱན་ཐམས་ཅད་ཀྱིས་བརྒྱན་པ་ཡང་མཐོང་། རང་གི་གཡོག་འཁོར་རྣམས་ཀྱང་མཐོང་ངོ་། །མཐོང་ནས་ཀྱང་ངོ་མཚར་དུ་གྱུར་ཏེ། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་
D79.043.0274a05.01སོ། །འཇམ་དཔལ་བདག་ཅག་འདི་ལྟར་མྱུར་དུ་དགའ་ལྡན་གྱི་གནས་སུ་ཕྱིན་ཏེ། ཉམས་དགའ་བའི་ཀུན་དགའི་ར་བ་འདི་དག་དང་ཞེས་བྱ་བ་ནས། དགའ་བ་དང་། རྩེ་བ་དང་། དགའ་མགུར་སྤྱོད་པ་དང་། བདག་གི་རང་གི་གནས་འདི་དང་རང་གི་གཡོག་ཅེས་བྱ་བའི་བར་དུ་སྦྱར་ཏེ། འདི་དག་སྣང་བ་ངོ་མཚར་ཏོ། །དེ་
D79.043.0274a06.01ནས་ཚེ་དང་ལྡན་པ་རབ་འབྱོར་གྱིས་ལྷའི་བུ་དཔལ་{བཟངས་,བཟང་}ལ་འདི་སྐད་ཅེས་སྨྲས་སོ། །ལྷའི་བུ་ཁྱོད་ནི་འཁོར་གྱི་དཀྱིལ་འཁོར་འདི་ནས་གང་དུ་ཡང་མ་གཡོས་ལ། དགའ་ལྡན་གྱི་གནས་སུ་ཡང་མ་ཕྱིན་ཏེ། ལྷའི་བུ་འོན་ཀྱང་ཐམས་ཅད་དང་ལྡན་པའི་འཁོར་འདི་དགའ་ལྡན་གྱི་གནས་སུ་ཞུགས་པར་བདག་ཉིད་ཀྱིས་
D79.043.0274a07.01