完整藏文原文 · 德格版页 当前仅加载第 43 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
D79.043.0267a01.01ཀུན་དགའ་ར་བ་ན། དགེ་སློང་སྟོང་དུ་ཚང་པའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་ཁྲི་དང་ཐབས་ཅིག་ཏུ་བཞུགས་ཏེ། འདོད་པ་ན་སྤྱོད་པ་དང་། གཟུགས་ན་སྤྱོད་པ་ལྷའི་བུ་རྣམས་དང་། གནས་གཙང་མའི་ལྷའི་བུ་རྣམས་དང་ཡང་
D79.043.0267a02.01ཐབས་ཅིག་གོ །དེ་ནས་བཅོམ་ལྡན་འདས་འཁོར་བརྒྱ་སྟོང་དུ་མས་ཡོངས་སུ་བསྐོར་ཏེ་མདུན་གྱིས་བལྟས་ནས་ཆོས་སྟོན་ཏོ། །ཡང་དེའི་ཚེ་འཇམ་དཔལ་གཞོན་ནུར་གྱུར་པ་འཁོར་དེ་ཉིད་དུ་འདུས་པར་གྱུར་ཏེ་འདུག་གོ །ལྷའི་བུ་དཔལ་{བཟངས་ཀྱང་,བཟང་ཡང་}འཁོར་དེ་
D79.043.0267a03.01ཉིད་དུ་འདུས་པར་གྱུར་ཏེ་འདུག་གོ །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ངས་ཁྱོད་ལ་བསྐུལ་གྱིས། ཁྱོད་ཀྱིས་ཆོས་དང་ལྡན་པའི་གཏམ་ལས་བརྩམས་ཏེ། ལྷའི་འཁོར་འདི་དང་བྱང་ཆུབ་
D79.043.0267a04.01སེམས་དཔའ་འདི་དག་ལ་སྤོབས་པར་གྱིས་ཤིག །འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་ཅི་ལས་བརྩམས་ཏེ་སྤོབས་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཁྱོད་ཀྱིས་སངས་རྒྱས་ཀྱི་ཡུལ་
D79.043.0267a05.01ལས་བརྩམས་ཏེ་སྤོབས་པར་གྱིས་ཤིག །གསོལ་པ། བཅོམ་ལྡན་འདས་སངས་རྒྱས་ཀྱི་ཡུལ་ནི་གང་མིག་གི་ཡུལ་མ་ལགས་པ་དང་། གཟུགས་ཀྱི་ཡུལ་མ་ལགས་པ་དང་། རྣ་བའི་ཡུལ་མ་ལགས་པ་དང་། སྒྲའི་ཡུལ་མ་ལགས་པ་དང་། སྣའི་ཡུལ་མ་ལགས་
D79.043.0267a06.01པ་དང་། དྲིའི་ཡུལ་མ་ལགས་པ་དང་། ལྕེའི་ཡུལ་མ་ལགས་པ་དང་། རོའི་ཡུལ་མ་ལགས་པ་དང་། ལུས་ཀྱི་ཡུལ་མ་ལགས་པ་དང་། རེག་བྱའི་ཡུལ་མ་ལགས་པ་དང་། ཡིད་ཀྱི་ཡུལ་མ་ལགས་པ་དང་། ཆོས་ཀྱི་ཡུལ་མ་ལགས་པ་སྟེ། དེ་སངས་རྒྱས་ཀྱི་ཡུལ་ཞེས་བགྱིའོ། །བཅོམ་ལྡན་འདས་ཡུལ་
D79.043.0267a07.01