完整藏文原文 · 德格版页 当前仅加载第 43 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཡུལ་འཇུག་པ་མེད་ཅིང་ལྡོག་པ་མེད་ན་སངས་རྒྱས་ཀྱི་ཡུལ་ཇི་ལྟར་སེམས་ཅན་ཐམས་ཅད་ཀྱི་ཉོན་མོངས་པ་རྣམས་ལས་ཡོངས་སུ་ཤེས། གསོལ་པ། བཅོམ་ལྡན་འདས་ཇི་ལྟར་སངས་རྒྱས་ཀྱི་ཡུལ་འཇུག་པ་མ་མཆིས་ཤིང་ལྡོག་པ་མ་མཆིས་པ་དེ་བཞིན་དུ་ཉོན་མོངས་པ་དེ་དག་གི་རང་བཞིན་
D79.043.0268a01.01གང་ལགས་པ་དེ་ཡང་འཇུག་པ་མ་མཆིས་ཤིང་ལྡོག་པ་མ་མཆིས་པ་ལགས་སོ། །བཀའ་སྩལ་པ། འཇམ་དཔལ་ཉོན་མོངས་པ་རྣམས་ཀྱི་རང་བཞིན་ཇི་ལྟ་བུ། གསོལ་པ། བཅོམ་ལྡན་འདས་སངས་རྒྱས་ཀྱི་ཡུལ་གྱི་རང་བཞིན་གང་ལགས་པ་དེ་ཉིད་ཉོན་མོངས་པ་ཐམས་ཅད་ཀྱི་རང་བཞིན་ལགས་སོ། །བཅོམ་
D79.043.0268a02.01ལྡན་འདས་གལ་ཏེ་ཉོན་མོངས་པ་རྣམས་ཀྱི་རང་བཞིན་ཀྱང་གཞན་དུ་གྱུར་ལ། སངས་རྒྱས་ཀྱི་ཡུལ་གྱི་རང་བཞིན་ཀྱང་གཞན་ཞིག་ལགས་ན་ནི་དེ་བཞིན་གཤེགས་པས་ཆོས་ཐམས་ཅད་མཉམ་པ་ཉིད་དུ་མངོན་པར་རྫོགས་པར་སངས་རྒྱས་སོ་ཞེས་ཀྱང་བསྟན་པར་མི་འགྱུར་བ་ཞིག་ན། བཅོམ་ལྡན་འདས་འདི་ལྟར་ཉོན་མོངས་
D79.043.0268a03.01པ་རྣམས་ཀྱི་རང་བཞིན་གང་ལགས་པ་དེ་ཉིད་སངས་རྒྱས་ཀྱི་ཡུལ་གྱི་རང་བཞིན་ལགས་ཏེ། དེའི་སླད་དུ་དེ་བཞིན་གཤེགས་པས་ཆོས་ཐམས་ཅད་མཉམ་པ་ཉིད་དུ་མངོན་པར་རྫོགས་པར་སངས་རྒྱས་སོ་ཞེས་སྟོན་ལགས་སོ། །བཀའ་སྩལ་པ། འཇམ་དཔལ་ཁྱོད་ཀྱིས་དེ་བཞིན་གཤེགས་པ་མཉམ་པ་ཉིད་དུ་གང་གིས་
D79.043.0268a04.01གནས་པ་ཤེས་སམ། གསོལ་པ། བཅོམ་ལྡན་འདས་འཚལ་ལགས་སོ། །བཀའ་སྩལ་པ། འཇམ་དཔལ་དེ་བཞིན་གཤེགས་པ་མཉམ་པ་ཉིད་གང་གིས་གནས། གསོལ་པ། བཅོམ་ལྡན་འདས་བྱིས་པ་སོ་སོའི་སྐྱེ་བོ་རྣམས་མཉམ་པ་ཉིད་གང་ལ་གནས་ནས། འདོད་ཆགས་དང་། ཞེ་སྡང་དང་། གཏི་མུག་ཀུན་
D79.043.0268a05.01ཏུ་འབྱུང་བའི་མཉམ་པ་ཉིད་དེས་དེ་བཞིན་གཤེགས་པ་གནས་ལགས་སོ། །བཀའ་སྩལ་པ། འཇམ་དཔལ་བྱིས་པ་སོ་སོའི་སྐྱེ་བོ་རྣམས་མཉམ་པ་ཉིད་གང་ལ་གནས་ཏེ་འདོད་ཆགས་དང་། ཞེ་སྡང་དང་། གཏི་མུག་ཀུན་ཏུ་འབྱུང་། གསོལ་པ། སྟོང་པ་ཉིད་དང་། མཚན་མ་མ་མཆིས་པ་དང་། སྨོན་པ་མ་
D79.043.0268a06.01མཆིས་པ་མཉམ་པ་ཉིད་ལ་གནས་པ་རྣམས་ཀྱི་མཉམ་པ་ཉིད་དེས་དེ་བཞིན་གཤེགས་པ་གནས་ལགས་སོ། །བཀའ་སྩལ་པ། འཇམ་དཔལ་ཅི་སྟོང་པ་ཉིད་ལ་འདོད་ཆགས་དང་། ཞེ་སྡང་དང་། གཏི་མུག་ཡོད་དམ། གསོལ་པ། བཅོམ་ལྡན་འདས་མཆིས་པ་གང་གིས་སྟོང་པ་ཉིད་མཆིས་པའི་མཆིས་
D79.043.0268a07.01