完整藏文原文 · 德格版页 当前仅加载第 43 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ལྕགས་ཀྱི་ཐུ་ལུམ་ཟ་བར་འགྱུར། །མི་རྣམས་སྡིག་པ་བྱེད་པ་དག །ལྕགས་ལས་གྲུབ་པའི་བྲག་ཆེན་དང་། །མི་སྡུག་རི་བོ་རྣམས་ཀྱིས་ནི། །དེ་ཚེ་ཀུན་ནས་ལུས་འཇོམས་བྱེད། །དེས་ནི་རང་གིས་ལས་བྱས་པའི། །འབྲས་བུ་དེ་འདྲ་ཐོབ་གྱུར་
D73.043.0214b01.01ཅིང་། །དེ་ཡིས་ཚོར་བ་མྱོང་བས་ན། །དེ་ལ་སྐྱོབ་པ་འགའ་ཡང་མེད། །ཇི་སྙེད་རྟེན་པ་ཐམས་ཅད་ནི། །བདག་གི་མདུན་དེར་འགའ་ཡང་མེད། །དེར་ནི་མགོན་མེད་བདག་གཅིག་པུ། །སྡུག་བསྔལ་ཚོར་བ་མྱོང་བར་བྱེད། །གང་དག་བདེ་
D73.043.0214b02.01ཕྱིར་དོན་མིན་པར། །སྔན་ཆད་ཉེས་པར་སྤྱད་བྱས་ཀྱང་། །ཕ་མ་དེ་དག་དེ་རིང་ནི། །རྣམ་པར་གྲོལ་བའི་མཐུ་ཡང་མེད། །གང་དག་བདེ་ཕྱིར་དོན་མིན་པ། །སྔན་ཆད་ཉེས་པར་སྤྱད་བྱས་ཀྱང་། །བུ་དང་བུ་མོ་ཆུང་མ་རྣམས། །དེ་རིང་
D73.043.0214b03.01བདག་ལ་འགྲོལ་མི་ནུས། །གང་དག་བདེ་ཕྱིར་དོན་མིན་པར། །སྔན་ཆད་ཉེས་པར་སྤྱད་བྱས་ཀྱང་། །མཛའ་བཤེས་ཉེ་དུ་དེ་དག་ཀུན། །རྣམ་པར་དགྲོལ་བར་ཡོང་མི་ནུས། །གང་དག་བདེ་ཕྱིར་དོན་མིན་པར། །སྔན་ཆད་ཉེས་པར་སྤྱད་བྱས་ཀྱང་། །
D73.043.0214b04.01བདག་གི་རྩ་ལག་དེ་དག་ཀུན། །དེ་རིང་འགྲོལ་བར་མི་ནུས་སོ། །འདོད་པ་དམན་པ་རྣམས་སྟེན་ཅིང་། །དམན་པའི་ཆོས་རྣམས་བསྟེན་ནས་ནི། །ཉེས་པའི་ལས་རྣམས་བྱེད་པ་དག །དེ་ཡིས་ངན་འགྲོར་འགྲོ་བར་འགྱུར། །ཤེས་རབ་འཆལ་
D73.043.0214b05.01པ་མནར་མེད་པར། །སོང་ནས་སྡུག་བསྔལ་ཚོར་བ་མྱོང་། །སངས་རྒྱས་རྣམས་ཀྱིས་བུད་མེད་དག །ཕྱི་སའི་དྲི་ལྟར་དམན་པར་བསྒྲགས། །དེ་ཕྱིར་དམན་པ་རྣམས་དང་ནི། །དམན་པའི་བུད་མེད་རྣམས་སྟེན་པ། །བྱིས་པ་དེ་ནི་ཕྱི་ས་ཡི། །
D73.043.0214b06.01རྐྱལ་པ་བཟུང་ནས་གནས་པ་ཡིན། །ཅི་འདྲའི་ལས་ནི་བྱེད་པ་ལྟར། །དེ་འདྲའི་འབྲས་བུ་ཐོབ་འགྱུར་ཏེ། །རྒྱལ་པོ་ཡི་ནི་ཆད་པ་དང་། །སྡུག་བསྔལ་བཅིང་བའང་མྱོང་བར་འགྱུར། །བུད་མེད་གཞི་ལས་སྐྱེས་པ་ཡང་། །གསང་དང་བཅིང་བ་མྱོང་
D73.043.0214b07.01