完整藏文原文 · 德格版页 当前仅加载第 43 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
བུད་མེད་རྣམས་ལ་ཆགས་པ་ནི། །མི་གཙང་གནས་ལ་ཁྭ་བཞིན་ནོ། །གང་གིས་ངན་འགྲོར་རབ་འཇུག་པ། །དེ་ནི་བདུད་ཀྱི་སྤྱོད་ཡུལ་ཡིན། །རོ་མྱང་འདུ་ཤེས་ཆགས་གྱུར་པ། །ངན་སྐྱུགས་གནས་ལ་སྲིན་བུ་བཞིན། །གསང་བའི་གཤེད་མ་རྣམས་ཀྱིས་ནི། །ཇི་ལྟར་མི་
D73.043.0212b01.01ཞིག་བོར་བ་ལྟར། །ཤེས་ན་ཐར་པ་ཐོབ་འགྱུར་ཞིང་། །བུད་མེད་དབང་དུ་འགྲོ་མི་འགྱུར། །འདོད་པ་བུད་མེད་ལྟ་བྱེད་པའི། །ཀུན་ཏུ་སྦྱོར་ལས་འཇིགས་པ་སྐྱེ། །བྱིས་པ་མཚན་མར་འཛིན་པ་རྣམས། །འདོད་པའི་སྲེད་པ་རབ་ཏུ་འཕེལ། །སོས་ཀའི་དུས་ན་མི་ཞིག་ནི། །
D73.043.0212b02.01དགོན་པ་ཆེན་པོར་སོང་གྱུར་ནས། །བྱིས་པས་ལན་ཚྭའི་ཆུ་འཐུངས་ན། །སྐོམ་པ་ཕྱིར་ཞིང་རབ་སྐྱེད་ལྟར། །དེ་བཞིན་བདེན་པ་མ་མཐོང་བའི། །བྱིས་པ་རྨོངས་པས་འཚོ་བ་རྣམས། །འདི་ན་ཕྱིར་ཞིང་བུད་མེད་ལ། །འདོད་པའི་སྲེད་པ་བརྟན་པར་འགྱུར། །ཇི་ལྟར་མི་ལུས་
D73.043.0212b03.01མཛེ་ཅན་ལ། །སྲོག་ཆགས་རྣམས་ནི་ཟ་བ་ལྟར། །འདོད་བརྐམ་སོ་སོའི་སྐྱེ་བོ་རྣམས། །དེ་བཞིན་བུད་མེད་རྣམས་ཀྱིས་ཟོས། །མི་གཙང་བུམ་པ་ཁྲ་བོ་ཞིག །ཁ་དོག་ལྡན་པར་སྣང་མོད་ཀྱི། །ནང་ན་ཧ་ལ་ཧ་ལའི་དུག །དྲག་པོ་ཆེན་པོ་ཡོད་པ་ལྟར། །དེ་
D73.043.0212b04.01བཞིན་བུད་མེད་བརྒྱན་པ་དག །གང་དང་གང་ན་སྣང་བ་ཡང་། །གཅིན་དང་ཕྱི་སས་གང་བ་ཡི། །རྐྱལ་བ་རླུང་གིས་གང་བ་བཞིན། །འབྲུ་མར་གྱིས་ནི་བདར་བའི་མཚོན། །གོས་ཀྱིས་དཀྲིས་པ་ཇི་བཞིན་དུ། །དེ་བཞིན་བུད་མེད་བརྒྱན་པ་ཡང་། །རལ་གྲི་རླིང་བ་
D73.043.0212b05.01གཡོགས་པ་བཞིན། །ཇི་ལྟར་མེ་དོང་གང་གྱུར་ལ། །དུ་བ་མེད་ཅིང་འབར་ལྡན་ལྟར། །བུད་མེད་དེ་བཞིན་མེ་འདྲ་ཞིང་། །སྲིན་བུ་གཏུམ་པོ་བཞིན་དུ་གཡོ། །སྲེག་པའི་བསྐལ་པ་འདིར་བྱུང་ན། །ས་འདི་ཀུན་ཏུ་འབར་གྱུར་ལ། །རྩྭ་དང་གེལ་པ་འཇིག་འགྱུར་ཞིང་། །
D73.043.0212b06.01ཆུ་ཀླུང་དག་ཀྱང་སྐམས་པར་འགྱུར། །འབྱུང་པོ་ཆེན་པོའི་གནས་གྱུར་པ། །རྒྱ་མཚོ་ཡང་ནི་སྐམ་འགྱུར་ཞིང་། །རི་བོ་ཆེན་པོ་རྣམས་སྲེག་ལ། །དེ་བཞིན་ལྷུན་པོའང་འཇིག་པར་འགྱུར། །རྒྱལ་ཆེན་འབྱུང་པོ་འཛིན་པ་ཡི། །ས་འདིའང་རྣམ་པར་འཇིག་འགྱུར་ཞིང་། །
D73.043.0212b07.01