完整藏文原文 · 德格版页 当前仅加载第 43 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
སྲེག །ཤེན་པའི་གནས་ལ་ཁྱི་རྣམས་ལྟར། །མྱང་བར་འདུ་ཤེས་བྱིས་པ་རྣམས། །ཇི་ལྟར་སྒྲ་ཡིས་སྐྲག་པ་ལྟར། །མྱུར་དུ་སྡུག་བསྔལ་མྱོང་བར་འགྱུར། །རང་གི་ལས་ཀྱི་ཉེས་པ་ཡིས། །དེ་ལ་སྐྱོབ་པ་མེད་པ་ལྟར། །དེ་བཞིན་བདག་གི་
D73.043.0213b01.01ཉེས་པ་ཡིས། །སེམས་ཅན་རྣམས་ནི་ངན་འགྲོར་འགྲོ། །དེ་དག་སངས་རྒྱས་ཆོས་སྤངས་ནས། །བུད་མེད་རྣམས་ཀྱི་རྣག་ལ་སྟེན། །སེམས་ནི་རོ་ལ་ཆགས་གྱུར་པ། །དེ་ཡིས་ངན་འགྲོར་འགྲོ་བར་འགྱུར། །ཇི་ལྟར་སྤྲེའུ་ཞིག་ཤིང་ལས་ནི། །
D73.043.0213b02.01ཤིང་གཞན་དུ་ནི་རྒྱུ་བའི་ཚེ། །དེ་ནི་གནས་དེར་གཙེས་གྱུར་ན། །དེ་ཉིད་དུ་ནི་སྡུག་བསྔལ་འགྱུར། །དེ་བཞིན་འདོད་ལ་བརྐམ་པ་དང་། །སྡུག་བསྔལ་འདོད་ཆགས་སྟེན་པ་དང་། །གཏི་མུག་རྒྱ་ལ་ཐོགས་པ་རྣམས། །དུས་ནི་ཡང་དང་ཡང་དུ་
D73.043.0213b03.01འདའ། །མི་བཀྲེན་རྣམས་ནི་གསལ་ཤིང་ལ། །རབ་ཏུ་བཙུགས་ནས་འཕྱང་བ་ལྟར། །དེ་བཞིན་འདོད་ལ་ཆགས་པ་རྣམས། །ཤལ་མ་ལི་ནི་མཐོ་ལ་འཕྱང་། །ཇི་ལྟར་མོན་སྲན་སྡེའུ་དང་གྲེའུ། །ལྕགས་ཟངས་རྣམས་སུ་བླུགས་བྱས་ནས། །
D73.043.0213b04.01མེས་ནི་རབ་ཏུ་བསྲེགས་པ་ན། །དབུ་བར་བཅས་ཤིང་ཁོལ་བ་ལྟར། །དེ་བཞིན་དགེ་བ་མ་མཐོང་ཞིང་། །འདོད་ལ་ཆགས་པའི་སྐྱེ་བོ་རྣམས། །ཤི་ནས་ངན་སོང་འགྲོ་འགྱུར་ཞིང་། །ལྕགས་ཟངས་རྣམས་སུ་བཙོ་བར་འགྱུར། །མི་རྣམས་གང་དག་
D73.043.0213b05.01སྡིག་བྱེད་པའི། །སེམས་ཅན་སྡིག་པ་རྣམས་ཀྱི་གནས། །ཟངས་ནི་བྱེ་བ་དྲུག་ཅུ་དང་། །གཞན་ཡང་བཞི་པོ་དག་ཡིན་ནོ། །ཟངས་ནི་སོ་སོ་རེ་རེ་ལ། །ཚད་ནི་དམིགས་སུ་ཡོད་མིན་ཞིང་། །མེ་ཡི་ཕུང་པོར་ལྡན་རྣམས་སུ། །བསྐལ་པ་དུ་མར་
D73.043.0213b06.01བཙོ་བར་འགྱུར། །ཁ་ཅིག་ཟངས་རྣམས་དེ་དག་ཏུ། །རང་གི་ལས་ཀྱིས་བསྐལ་བརྒྱ་འམ། །ཉིས་བརྒྱ་སུམ་བརྒྱ་ཚང་བར་འཚེད། །ཡང་ན་བཞི་བརྒྱར་བཙོ་བར་འགྱུར། །ཕྲ་སྐམ་རྣོན་པོ་རྣམས་ཀྱིས་ནི། །བཟུང་ཞིང་ཡང་དང་ཡང་སྨྱུགས་པས། །
D73.043.0213b07.01