完整藏文原文 · 德格版页 当前仅加载第 42 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བྱང་ཆུབ་ཡོད་མ་ལགས། །རྒྱལ་པོ་གང་ཞིག་འདོད་པས་གཡེན་སྤྱོ་སེམས་འཁོལ་བ། །དེ་ནི་བསོད་ནམས་ཆུད་ཟ་དགའ་ཞིང་མཐོ་རིས་ལྡོག །འཚེ་བ་ཤིན་ཏུ་རྒྱགས་པ་ནམ་ཡང་སྤྱད་མི་བགྱི། །སྐོན་པར་བཅུག་པའི་བྱ་ལྟར་ཇི་ལྟར་དབུགས་ཕྱིན་འགྱུར། །ཁམས་རྣམས་སྦྲུལ་དང་འདྲ་ཞིང་ཕུང་པོ་གཤེད་མ་
D62.042.0248b01.01འདྲ། །ཟག་དང་བཅས་པའི་སེམས་ནི་དོན་མེད་གྲོང་སྟོང་མཚུངས། །རྒྱལ་པོ་འདི་ན་དུག་སྡོང་མེ་ཏོག་རྒྱས་འདྲའི་ལུས། །ཆུ་བོ་རྣམས་ཀྱིས་བདས་ན་བདག་འདིར་ཇི་ལྟར་དགའ། །རབ་ཏུ་གསལ་གནས་འབར་བ་ནམ་མཁའ་ལྟ་བུ་དང་། །འགྲོ་བ་ངན་ཞུགས་འགྲོ་བ་འདི་ལ་བདག་བལྟས་ནས། །
D62.042.0248b02.01རྒྱལ་པོ་དེ་རིང་འདིར་ནི་དེ་དག་དགྲོལ་བ་དང་། །གཉིད་ལོག་སད་པར་བགྱི་དང་ནད་པ་གསོ་བ་དང་། །ཟུག་རྔུ་རྩད་ནས་གདོན་དང་ལམ་ལོག་བཟློག་པའི་ཕྱིར། །བདག་གིས་ཞི་བའི་ཆོས་ཀྱི་གྲུ་ནི་མྱུར་དུ་སྦྱར། །སྟོང་ཆེན་དུ་ནི་བཅིངས་པ་རྣམ་གྲོལ་རབ་བསྒྲགས་ནས། །
D62.042.0248b03.01ལེགས་པར་བཤད་པས་རིང་ནས་དབུལ་བ་ཚིམ་པར་བགྱི། །ངན་འགྲོའི་ལམ་དུ་ལྷུང་བ་དག་ཀྱང་གདོན་པར་བགྱི། །ལོང་བ་མིག་སྦྱིན་སྲེད་པའི་འཁྲི་ཤིང་བསྐམ་པར་བགྱི། །རྣམ་གྲོལ་མཆོག་ཕྱིར་ཤེས་རབ་འོད་ཟེར་མར་མེ་བྱས། །དེ་ཡིས་སྲིད་གསུམ་གར་ལ་ལྟ་བ་འདྲར་
D62.042.0248b04.01མཐོང་འགྱུར། །བྱམས་དང་སྙིང་བརྩེ་སྙིང་རྗེ་ཕ་རོལ་ཕྱིན་པ་སྤྲིན། །སེམས་ཅན་བདེ་འབྲུག་ལྷག་མཐོང་གློག་གི་ཕྲེང་བ་དང་། །བྱང་ཆུབ་ཡན་ལག་བདེ་བསིལ་ཆར་རྒྱུན་འདྲ་བ་ཡིས། །འགྲོ་བ་ཡུན་རིང་དུས་ནས་གདུངས་པ་བསིལ་བར་བགྱི། །རྒྱལ་པོ་བདག་ནི་དེ་དྲན་གྱུར་ནས་
D62.042.0248b05.01འདིར་མཆིས་ཏེ། །བདག་ནི་འདུས་བྱས་འདོད་པ་ཀུན་ལ་སྨོན་མ་མཆིས། །བྱང་ཆུབ་དོན་གཉེར་སེམས་ཅན་ཆེད་དུ་འདིར་སྤྱད་བགྱི། །གཅིག་ཏུ་ངེས་ཏེ་བདག་ནི་སྲིད་ལ་དགའ་མ་མཆིས། །རྒྱལ་པོ་འདི་ན་ཤེས་བཞིན་སུ་ཞིག་དགྲ་ཁྲོད་གནས། །བློ་དང་ལྡན་པ་སུ་ཞིག་
D62.042.0248b06.01འཇིགས་བཅས་ལམ་དུ་འགྲོ། །མིག་དང་ལྡན་པ་སུ་ཞིག་འདི་ན་གཡང་སར་ལྟུང་། །བྱང་ཆུབ་ལམ་ཤེས་ནས་ནི་སུ་ཞིག་བག་མེད་འགྱུར། །འགྲོ་བ་ཐམས་ཅད་རྒྱུན་འགྲོ་བདག་ནི་རྒྱུན་ཟློག་པ། །རྒྱལ་པོ་ཚིག་ཙམ་གྱིས་ནི་བྱང་ཆུབ་ཐོབ་མི་ནུས། །ལྷུན་པོའི་རྩེ་ནས་
D62.042.0248b07.01