完整藏文原文 · 德格版页 当前仅加载第 42 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འདུས་ཏེ་འཁོད་པ་རྣམས་དང་ཐབས་གཅིག་ཏུ་བཞུགས་སོ། །དེ་ནས་བཅོམ་ལྡན་འདས་དཔལ་གྱི་སྙིང་པོའི་སེང་གེའི་ཁྲི་ལ་བཞུགས་ཏེ། ལྷུན་པོ་ལྟར་འཁོར་གྱི་དཀྱིལ་འཁོར་ཐམས་ཅད་ལས་ནི་མངོན་པར་འཕགས། ཉི་མ་ལྟར་འཇིག་
D62.042.0228a01.01རྟེན་ཐམས་ཅད་ལ་ནི་སྣང་། ཟླ་བ་ལྟར་འགྲོ་བ་ཐམས་ཅད་ལ་སྣང་བ་ནི་མཛད། ཚངས་པ་ལྟར་རབ་ཏུ་ཞི་བར་ནི་བཞུགས། བརྒྱ་བྱིན་ལྟར་སྐུ་ནི་བསྙེན་པར་དཀའ། འཁོར་ལོས་སྒྱུར་བ་ལྟར་བྱང་ཆུབ་ཀྱི་ཡན་ལག་གི་རིན་པོ་ཆེ་བདུན་དང་ནི་ལྡན། སེང་གེ་ལྟར་
D62.042.0228a02.01ཆོས་ཐམས་ཅད་བདག་མེད་པ་དང་སྟོང་པར་ནི་སྒྲོགས། མེའི་ཕུང་པོ་ཆེན་པོ་ལྟར་འགྲོ་བ་ཐམས་ཅད་ལ་སྣང་བའི་སྐུ་དང་ནི་ལྡན། ལྷ་ཐམས་ཅད་སྣང་བའི་ནོར་བུ་རིན་པོ་ཆེ་ཀུན་ནས་བསྡུས་པའི་ནོར་བུ་རིན་པོ་ཆེའི་རྒྱལ་པོ་ལྟར་གཟི་བརྗིད་ཀྱིས་ནི་ཤིན་ཏུ་འབར་ཞིང་སྟོང་གསུམ་གྱི་སྟོང་
D62.042.0228a03.01ཆེན་པོའི་འཇིག་རྟེན་གྱི་ཁམས་ཐམས་ཅད་སྣང་བས་ཁྱབ་པར་མཛད་ནས། དོན་ཤིན་ཏུ་རྣམ་པར་ངེས་པ། ཆོས་ཐམས་ཅད་ཀྱི་དམ་པའི་ཕ་རོལ་དུ་བྱོན་པ། འཁོར་གྱི་ནང་ན་བཞུགས་ཤིང་ཚངས་པའི་སྒྲ་དབྱངས་བསྒྲགས་པས་སེམས་ཅན་ཐམས་ཅད་གོ་བར་བྱེད་པ་དང་ལྡན་པའི་དབྱངས་
D62.042.0228a04.01ཀྱིས་ཆོས་སྟོན་ཏེ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་ཡང་དག་པར་རབ་ཏུ་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་
D62.042.0228a05.01དཔའ་ཆེན་པོ་མཆོག་ཏུ་དགའ་བའི་རྒྱལ་པོ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་བཅོམ་ལྡན་འདས་སེང་གེའི་ཁྲི་ལ་བཞུགས་པ། ཉི་མ་སྟོང་བས་ལྷག་པའི་འོད་ཀྱིས་འཁོར་གྱི་དཀྱིལ་འཁོར་ཐམས་ཅད་ཟིལ་དུ་བརླག་པར་མཛད་ནས་ཤིན་ཏུ་ལྷང་ངེར་བཞུགས་པ་མཐོང་སྟེ།
D62.042.0228a06.01དགའ་བ་དང་། མགུ་བ་དང་། དད་པས་འདུན་པའི་སེམས་ཀྱིས་སྟན་ལས་ལངས་ནས་ཐལ་མོ་སྦྱར་ཏེ་བཅོམ་ལྡན་འདས་ལ་ཚུལ་དང་འཐུན་པའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །ལྷ་ཚོགས་ལྷ་མ་ཡིན་དང་མིའམ་ཅི། ཀླུ་དང་ཉན་ཐོས་དག་དང་སངས་
D62.042.0228a07.01