完整藏文原文 · 德格版页 当前仅加载第 42 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་གྱིས་ཁྱོད་དང་མཚུངས་མ་མཆིས། །མི་ཡི་དཔའ་བོ་འགྲོ་ལ་ལམ་མེ་བ། །མགོན་པོ་ཡོན་ཏན་རྒྱ་མཚོ་བདག་གིས་མཐོང་། །གུས་པ་སྐྱེས་ཤིང་དགའ་བ་རྣམ་པར་འཕེལ། །རྒྱལ་བའི་ཞབས་ཀྱི་མཐིལ་ལ་བདག་གིས་གཏུགས། །ཡོན་ཏན་ཀུན་གྱི་འབྱུང་གནས་འཇིག་
D62.042.0229a01.01རྟེན་སྒྲོན། །གྲགས་པ་དམ་པ་རྒྱ་ཆེན་ཐུགས་མངའ་ལ། །བདག་གིས་བསྟོད་དེ་བསོད་ནམས་འདིར་ཐོབ་དེས། །འགྲོ་བ་ཐམས་ཅད་བྱང་ཆུབ་མཆོག་རེག་ཤོག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་ཚིགས་སུ་བཅད་
D62.042.0229a02.01པ་འདི་དག་གིས་མངོན་པར་བསྟོད་ནས་ཐལ་མོ་སྦྱར་ཏེ། མིག་གཉིས་མི་འཛུམས་པར་དེ་བཞིན་གཤེགས་པའི་སྐུ་ལ་ནི་ལྟ། ཆོས་ཀྱི་དབྱིངས་ཉིད་ལ་ནི་རྣམ་པར་དཔྱོད། ཟབ་པ་དང་གཏིང་དཔག་དཀའ་བ་དང་། མཐོང་བར་དཀའ་བ་དང་། ཁོང་དུ་ཆུད་པར་དཀའ་བ་དང་། བརྟག་པར་མི་ནུས་པ་དང་
D62.042.0229a03.01རྟོག་གེའི་སྤྱོད་པ་མ་ཡིན་པ་དང་། ཞི་བ་དང་། ཕྲ་བ་ལ་ནི་འཇུག །སངས་རྒྱས་ཀྱི་སྤྱོད་ཡུལ་བསམ་གྱིས་མི་ཁྱབ་པ་ལ་ནི་རྗེས་སུ་རྣམ་པར་དཔྱོད། དེ་བཞིན་གཤེགས་པའི་ཡེ་ཤེས་ཆོས་ཀྱི་དབྱིངས་ཐམས་ཅད་དུ་ཞུགས་པ་ལ་ནི་རྗེས་སུ་རྣམ་པར་སེམས། སངས་རྒྱས་ཀྱི་ཡུལ་མི་མཉམ་པ་
D62.042.0229a04.01དང་མཉམ་པ་ལ་ནི་ཡང་དག་པར་ལྟ། དེ་བཞིན་གཤེགས་པའི་ཐབས་ཀྱི་ཡུལ་གྱི་སྤྱོད་ཡུལ་བསམ་གྱིས་མི་ཁྱབ་པ་ལ་ནི་འཇུག །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་དབྱིངས་གཅིག་གི་ཚུལ་གྱི་ངོ་བོ་ཉིད་ལ་འཇུག་པ་ལ་ནི་རྟོག །སངས་རྒྱས་བཅོམ་ལྡན་འདས་རྣམས་ནི་
D62.042.0229a05.01གནས་མེད་པ་ནམ་མཁའ་སྤྱོད་ཡུལ་དུ་ནི་ཡང་དག་པར་ལྟ། ཆོས་ཐམས་ཅད་ཡང་དག་པའི་མཐའ་མཐའ་མ་ཡིན་པའི་རང་བཞིན་ལ་འཇུག་པ་ལ་ནི་མོས། སངས་རྒྱས་ཀྱི་རྣམ་པར་ཐར་པ་སྒྲིབ་པ་མེད་པ་ལ་ནི་མངོན་པར་འདོད། སངས་རྒྱས་བཅོམ་ལྡན་འདས་ཀྱི་སྐུ་རྟག་པ་དང་། ཞི་བ་དང་།
D62.042.0229a06.01ཐེར་ཟུག་པ་ལ་ནི་འཇུག །དེ་བཞིན་གཤེགས་པའི་སྐུ་ཞིང་རབ་འབྱམ་ཐམས་ཅད་ཀྱི་རྗེས་སུ་སོང་བ་དང་། སེམས་ཅན་ཐམས་ཅད་ལ་མངོན་དུ་ཕྱོགས་པ་ལ་ནི་འཇུག །སངས་རྒྱས་བཅོམ་ལྡན་འདས་རྣམས་ཀྱི་ཡོན་ཏན་ཕྱི་མའི་མཐའི་བསྐལ་བའི་མུར་ཐུག་པ་མེད་པ་ནི་རྗེས་སུ་དྲན་པར་
D62.042.0229a07.01