完整藏文原文 · 德格版页 当前仅加载第 27 函德格 356a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་དང་། བྱམས་པའི་ངག་གིས་ལས་དང་། བྱམས་པའི་ཡིད་ཀྱི་ལས་དང་ལྡན་པ་ཡིན་ཏེ། རབ་འབྱོར་རྣམ་པ་དེ་དག་དང་ཚུལ་དེ་དག་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་རིག་
D9.027.0356a01.01པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འདི་ལྟ་སྟེ། འདོད་པ་ལ་མོས་པ་དང་། གནོད་སེམས་དང་རྨུགས་པ་དང་གཉིད་དང་རྒོད་པ་དང་འགྱོད་པ་དང་། ཐེ་ཚོམ་གྱི་སྒྲིབ་པ་ལྔ་པོ་འདི་དག་དང་ལྷན་ཅིག་
D9.027.0356a02.01ཏུ་མི་གནས་ཏེ། རབ་འབྱོར་རྣམ་པ་དེ་དག་དང་ཚུལ་དེ་དག་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་རིག་པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་
D9.027.0356a03.01པོ་ནི་བག་ལ་ཉལ་བ་ཐམས་ཅད་མེད་དེ། རབ་འབྱོར་རྣམ་པ་དེ་དག་དང་ཚུལ་དེ་དག་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་རིག་པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་
D9.027.0356a04.01སེམས་དཔའ་སེམས་དཔའ་ཆེན་པོ་ནི་འགྲོ་ཞིང་འོང་ཡང་། ནོར་བའི་སེམས་ཀྱིས་མི་འགྲོ། །ནོར་པའི་སེམས་ཀྱིས་མི་འོང་སྟེ། དེ་ལ་འགྲོ་བའམ་འོང་ན་ཡང་། དྲན་པ་ཉེ་བར་གཞག་ཅིང་འགྲོ། དྲན་པ་ཉེ་བར་གཞག་ཅིང་འོང་སྟེ། དེ་དྲན་བཞིན་དུ་
D9.027.0356a05.01འགྲོ། །དྲན་བཞིན་དུ་འོང་། དྲན་བཞིན་དུ་འཆག །དྲན་བཞིན་དུ་སྡོད། དྲན་བཞིན་དུ་འདུག །དྲན་བཞིན་དུ་ཉལ་ཏེ། དེ་འཕྲལ་ལས་ལས་རྐང་པ་མི་འདེག །འཕྲལ་ལ་ས་ལ་རྐང་པ་མི་འཇོག་སྟེ། དྲན་བཞིན་དུ་རྐང་པ་འདེག །དྲན་བཞིན་དུ་རྐང་པ་འཇོག་ཅིང་
D9.027.0356a06.01དེ་སའི་ཕྱོགས་མཐོང་བཞིན་དུ་འགྲོ་སྟེ། རབ་འབྱོར་རྣམ་པ་དེ་དག་དང་། ཚུལ་དེ་དག་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་རིག་པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་
D9.027.0356a07.01