完整藏文原文 · 德格版页 当前仅加载第 27 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་བྱང་ཆུབ་སེམས་དཔའ་ཕ་རོལ་དུ་ཕྱིན་པ་དྲུག་ལ་སྤྱོད་སྤྱོད་པ། སངས་རྒྱས་མང་པོ་ལ་བསྙེན་བཀུར་ཅིང་དགེ་བའི་རྩ་བ་བསྐྱེད་པར་འགྱུར་བ་དང་། དགེ་བའི་བཤེས་གཉེན་གྱིས་ཀྱང་ཡོངས་སུ་ཟིན་པ་དང་། རང་གི་མཚན་ཉིད་ཀྱིས་སྟོང་པའི་ཆོས་ཐམས་ཅད་ལ་བསླབ་པ་དེ་
D9.027.0141b01.01དག་ནི། དངོས་པོ་དེ་དག་དང་། དམིགས་པ་དེ་དག་དང་། སངས་རྒྱས་བཅོམ་ལྡན་འདས་དེ་དག་དང་། དགེ་བའི་རྩ་བ་དེ་དག་དང་། རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་དེ་དག་མཚན་མར་བྱས་ཤིང་། བླ་ན་མེད་པ་ཡང་དག་པར་རྫོགས་པའི་
D9.027.0141b02.01བྱང་ཆུབ་ཏུ་ཡོངས་སུ་མི་བསྔོའོ། །དེ་དག་ནི་འདི་ལྟར་ཡོངས་སུ་བསྔོ་སྟེ་གཉིས་ཀྱི་ཚུལ་གྱིས་མ་ཡིན་ནོ། །གཉིས་སུ་མེད་པའི་ཚུལ་གྱིས་མ་ཡིན་ནོ། །མཚན་མའི་ཚུལ་གྱིས་མ་ཡིན་ནོ། །མཚན་མ་མེད་པའི་ཚུལ་གྱིས་མ་ཡིན་ནོ། །དམིགས་པའི་ཚུལ་གྱིས་མ་ཡིན་ནོ། །
D9.027.0141b03.01དམིགས་སུ་མེད་པའི་ཚུལ་གྱིས་མ་ཡིན་ནོ། །ཉོན་མོངས་པའི་ཚུལ་གྱིས་མ་ཡིན་ནོ། །རྣམ་པར་བྱང་པའི་ཚུལ་གྱིས་མ་ཡིན་ནོ། །སྐྱེ་བའི་ཚུལ་གྱིས་མ་ཡིན་ནོ། །འགག་པའི་ཚུལ་གྱིས་མ་ཡིན་ནོ། །གལ་ཏེ་བྱང་ཆུབ་སེམས་དཔའ་དེ་དག་ཕ་རོལ་དུ་ཕྱིན་པ་དྲུག་ལ་སྤྱོད་སྤྱོད་པ་
D9.027.0141b04.01ཡང་མ་ཡིན། སངས་རྒྱས་མང་པོ་ལ་བསྙེན་བཀུར་བྱེད་བྱེད་པ་ཡང་མ་ཡིན། དགེ་བའི་རྩ་བ་བསྐྱེད་པར་གྱུར་པ་ཡང་མ་ཡིན། དགེ་བའི་བཤེས་གཉེན་གྱིས་ཡོངས་སུ་ཟིན་པ་ཡང་མ་ཡིན། རང་གི་མཚན་ཉིད་ཀྱིས་སྟོང་པའི་ཆོས་ཐམས་ཅད་ལ་བསླབས་པར་གྱུར་བ་ཡང་མ་
D9.027.0141b05.01ཡིན། དེ་དག་ནི་དངོས་པོ་དེ་དག་དང་། དམིགས་པ་དེ་དག་དང་། སངས་རྒྱས་བཅོམ་ལྡན་འདས་དེ་དག་དང་། དགེ་བའི་རྩ་བ་དེ་དག་དང་། རྗེས་སུ་ཡི་རང་བ་དང་ལྡན་པའི་སེམས་བསྐྱེད་པ་དེ་དག་ལ་མཚན་མར་བྱས་ཤིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་འགྱུར་ཏེ།
D9.027.0141b06.01བཙུན་པ་རབ་འབྱོར་ཤེས་རབ་ཀྱི་ཕ་རོལ་དུ་ཕྱིན་པ་དེ་ལྟར་བསྟན་པ་ནི། ཐེག་པ་ལ་གསར་དུ་ཞུགས་པའི་བྱང་ཆུབ་སེམས་དཔའི་མདུན་དུ་མི་བཤད་དོ། །བསམ་གཏན་གྱི་ཕ་རོལ་དུ་ཕྱིན་པ་དང་། བརྩོན་འགྲུས་ཀྱི་ཕ་རོལ་དུ་ཕྱིན་པ་དང་། བཟོད་པའི་ཕ་རོལ་དུ་ཕྱིན་པ་དང་
D9.027.0141b07.01