完整藏文原文 · 德格版页 当前仅加载第 101 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
ཤུག་པ་དང་། གུར་གུམ་རྣམས་ཕྱེ་མར་བྱས་ཏེ་གཏོར་བར་བྱའོ། །མེ་ཏོག་དང་མེ་ཏོག་ཕྲེང་བ་གདགས་སོ། །གནས་དེའི་དབུས་སུ་འབྲས་ཡོས་དང་། ཡུངས་ཀར་གྱིས་གཏོར་བར་བྱའོ། །གྲྭ་བཞིར་རྒྱལ་པོ་ཆེན་པོ་བཞི་གཞག་པར་བྱའོ། །ཕྱོགས་
D964.101.0066a01.01ཆེན་པོ་བཞིར་སངས་རྒྱས་ཤཱཀྱ་ཐུབ་པའི་སྐུ་གཟུགས་རིང་བསྲེལ་དང་བཅས་པ་དང་། མཆོད་རྟེན་རིང་བསྲེལ་དང་བཅས་པ་དག་གཞག་གོ། །དར་དང་བ་དན་གྱིས་བརྒྱན་པར་བྱའོ། །མཆོད་པ་ལྔས་མཆོད་དོ། །ཨ་ག་རུ་དང་། ཙནྡན་དང་། ཏུ་རུཥྐས་བདུག་གོ། །རྒྱ་སྤོས་
D964.101.0066a02.01དང་། ན་ལ་དང་། ཀུན་དུ་རུ་དང་། ཡུངས་ཀར་དང་། གནྡྷ་རས་དང་། སྲ་རྩིའི་པོག་དཀར་པོ་རྣམས་དང་། སྦྲང་རྩི་དང་བསྲེས་ཏེ་སྔགས་ལན་ཉི་ཤུ་རྩ་གཅིག་བཟླས་ཏེ་ཀླུ་རྣམས་ལ་བདུག་པར་བྱའོ། །དཀྱིལ་འཁོར་གྱི་མཐའ་ཀུན་དུ་ནས་ཕྱེས་པདྨ་བྲི་བར་བྱའོ། །སྒོ་བཞི་
D964.101.0066a03.01བཏོད་ལ་ངོས་བཞི་རེ་རེར་ཡང་གཏོར་མས་གཞོང་པ་བཀང་བ་བདུན་བདུན་གཞག་པར་བྱའོ། །གཏོར་མ་དཀར་པོ་དང་། ཅི་འབྱོར་པའི་རོ་རྣམ་པ་མང་པོ་གཞག་གོ། །མེ་ཏོག་སིལ་མ་གཏོར་བར་བྱའོ། །བུམ་པ་བཀང་བ་བཞི་གཞག་གོ། །བུམ་པ་གཏོར་མས་བཀང་བ་བཞི་
D964.101.0066a04.01གཞག་གོ། །པོག་པོར་བཞི་ནས་གུ་གུལ་གྱི་བདུག་པས་བདུག་གོ། །མར་མེ་ཁ་བརྒྱད་དུ་བུད་དོ། །རིག་པ་འཛིན་པས་ཤར་གྱི་སྒོ་རུ་སྦྱིན་སྲེག་བྱ་སྟེ། ཤིང་ཀ་ར་བཱི་ར་དང་། ཡུངས་ཀར་དང་ལྕི་ཚ་དམར་པོ་བསྲེས་ཏེ་ལན་བརྒྱ་རྩ་བརྒྱད་དོར་ཏོ། །དོར་བ་བརྒྱ་རྩ་བརྒྱད་ཚང་བ་དང་
D964.101.0066a05.01ཀླུ་ཐམས་ཅད་ཆར་གྱི་རྒྱུན་འབེབས་ཏེ། འཛམ་བུའི་གླིང་ཐམས་ཅད་དུ་ཕྱོགས་བཞི་ཀུན་ནས་ཆར་གྱི་རྒྱུན་འབེབས་སོ། །ཀླུ་དེ་དག་ཐམས་ཅད་འདིར་ཆར་འབེབས་སོ། །འདི་ནི་ཆོ་ག་དང་པོའོ།། །།ཡུངས་ཀར་དང་མར་དང་། སྦྲང་རྩི་དང་། ཤིང་ཀ་ར་བཱི་རའི་མེ་ཏོག་
D964.101.0066a06.01དང་། ནཱ་ག་གེ་སར་དང་བཏགས་པའི་རིལ་བུ་བྱས་ལ། དེ་ནས་རིལ་བུ་ལ་སྔགས་ལན་བརྒྱ་རྩ་བརྒྱད་བཟླས་པ་བྱས་ཏེ། ཀླུའི་མཚོར་བོར་ན་བོར་མ་ཐག་ཏུ་ཀླུ་ཐམས་ཅད་དགའ་བར་གྱུར་ཏེ། ཆར་གྱི་རྒྱུན་ཆེན་པོ་འབེབས་སོ། །གལ་ཏེ་དེ་མ་ཐག་མ་ཕབ་ན་ཀླུ་དེ་དག་ཐམས་ཅད་ལུས་ཞིག་
D964.101.0066a07.01