完整藏文原文 · 德格版页 当前仅加载第 101 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དག་ཀླུ་གནོད་པར་སེམས་པ་དང་། རབ་ཏུ་གནོད་པར་སེམས་པ་རྣམས་ཀྱི་དོན་དང་། སེམས་ཅན་ཐམས་ཅད་ཀྱི་ཕྱིར་ཟུང་ཤིག །དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀླུའི་
D964.101.0064b01.01སྙིང་པོའི་སྔགས་ཀྱི་ཚིག་སྐུལ་མ་འདེབས་པ་ཀུན་ནས་འབར་བའི་གློག་ཅེས་བགྱི་བ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་ཀླུའི་ལྟ་སྟངས་དང་། དེ་བཞིན་གཤེགས་པའི་གཟིགས་སྟངས་ཀྱིས་རྣམ་པར་གཟིགས་ནས་ཀླུའི་འཁོར་འདུས་པ་ཐམས་ཅད་ལ་འདི་སྐད་ཅེས་
D964.101.0064b02.01བཀའ་སྩལ་ཏོ། །ཀླུའི་བདག་པོ་དག་ང་ལས་གཟུངས་ཀྱི་ཚིག་གི་སྔགས་ཀྱི་ཚིག་ཉོན་ཅིག །ཏདྱ་ཐཱ། ཨོྃ་བི་པུ་ལེ། བྲ་བ་རེ། ནཱ་གེ་མ་ཧཱ་ནཱ་ག་ཧྲྀ་ད་ཡ། ཨཱ་བརྟེ། ཛྭ་ལ་ཛྭ་ལ། སརྦ་ནཱ་ག་ཧྲྀ་ད་ཡཱ་ནི། ཀི་མི་ཀི་མི། ནཱ་ག་ཀུ་ལ་བི་དྷྭནྶ་ནི། ཧ་ན་ཧ་ན། སརྦ་ནཱ་ག་དུ་ཥྚཱཾ་ཧྲྀ་ད་ཡཱ་ནི།
D964.101.0064b03.01ཧ་ན་ཧ་ན། སརྦ་དུ་ཥྚཱཾ་ནཱ་ག་བྷ་པ་ནཱ་ནི། པ་ཙ་པ་ཙ་པ་ཙ་ཡ། སརྦ་དུཥྚཱཾ་ནཱ་གཱ་ནཱཾ། ཨ་ཀྲྀ་མ། ཨ་ཀྲྀ་མ། ས་མུ་དྲཱ་སཱ་ག་ར། བི་མ་ལེ། བི་ཀྲ་མེ། མ་ཧཱ་ནཱ་ག་ག་ཏེ། ཛ་བ་རེ་སྭཱ་ཧཱ། བཅོམ་ལྡན་འདས་ཀྱིས་ཀླུའི་སྙིང་པོའི་གཟུངས་ཀྱི་སྔགས་ཀྱི་ཚིག་འདི་གསུངས་པ་ཙམ་གྱིས་ཀླུ་དེ་དག་ཐམས་
D964.101.0064b04.01ཅད་འདར་ཞིང་ལུས་རུལ་ཏེ་དྲི་མི་ཞིམ་པར་གྱུར་ཏོ། །མེ་འབར་བ་བཞིན་དུ་ལུས་ལ་དུ་བར་འཐུལ་ཞིང་འགྲེ་ལྡོག་གོ། །ཐམས་ཅད་སྐད་ཆེར་བཅོམ་ལྡན་འདས་ལ་ངུ་ཞིང་ཐམས་ཅད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྔགས་ཀྱི་ཚིག་ཤིན་ཏུ་མི་བཟད་པ་དག་
D964.101.0064b05.01བཀའ་སྩལ་ཏོ། །བཅོམ་ལྡན་འདས་བདག་ཅག་ཐམས་ཅད་ཀྱི་སྙིང་ལ་གཡོ་མ་མཆིས་པར་འགྱུར་རོ། །བཅོམ་ལྡན་འདས་བདག་ཅག་ཐམས་ཅད་ཚིག་སྟེ་མ་རུངས་པར་གྱུར་ཏོ། །བཅོམ་ལྡན་འདས་དེང་སླན་ཆད་མཐུན་པར་བགྱིད་དོ། །བཅོམ་ལྡན་འདས་ཀྱི་སྤྱན་སྔར་ཡི་དམ་བགྱིད་དོ། །བཅོམ་
D964.101.0064b06.01ལྡན་འདས་བདག་ཅག་ཀླུའི་སྐྱེ་གནས་ན་གནས་ཀྱི་བར་དུ་བཅོམ་ལྡན་འདས་ཡང་བདག་ཅག་འཛམ་བུའི་གླིང་དུ་འཚེ་བ་མི་བགྱིད་དོ། །མ་རུངས་པར་མི་བགྱིད་དོ། །མེ་ཏོག་དང་ཡལ་ག་དང་། འབྲས་བུ་དང་། ལོ་ཏོག་ཐམས་ཅད་ཡོངས་སུ་རྒྱས་པར་བགྱིད་དོ། །དུས་དུས་སུ་ཆར་གྱི་རྒྱུན་
D964.101.0064b07.01