完整藏文原文 · 德格版页 当前仅加载第 99 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལས་གཞན་ནའང་གནས་མིན་ཏེ། །གནས་མ་གྲུབ་ལ་གནས་ཞེས་བརྗོད། །གནས་ཡོད་མཉམ་ན་དེར་རྟོགས་ཤིག །ཅི་འདྲ་ཅི་ཞིག་ཇི་ལྟ་བུ། །གང་ནས་འོངས་ཤིང་གང་དུ་སོང་། །གང་ན་འདུག་ཅིང་ཅི་ཞིག་བྱེད། །དབྱིབས་དང་ཁ་དོག་མིང་དང་མཚན། །
D843.099.0257b01.01རིགས་དང་ཁམས་ལ་རབ་ཏུ་རྟོགས། །དེ་ལ་དེ་ཡིས་དེར་བལྟས་པས། །མཐོང་བ་མེད་པ་བལྟ་བ་ཡི། །གང་ལ་གང་གིས་གར་བསྒོམས་པས། །བསྒོམ་དང་བྲལ་ལ་སྒོམ་ཞེས་བྱ། །ཅི་ལ་སུ་ཞིག་སྤྱིར་སྤྱོད་པས། །སྤྱོད་དགུ་མི་གནས་སྤྱོད་པ་ཆེ། །སུ་ལས་སུས་ཐོབ་ཅི་
D843.099.0257b02.01བསྒྲུབས་པས། །མ་གྲུབ་རང་གནས་འབྲས་བུ་སྟེ། །མ་ལུས་མེད་ཅིང་རྣམ་པ་ཡི། །ཡོན་ཏན་ཡོངས་རྫོགས་དབང་ཕྱུག་གོ། །ཞི་དང་རྒྱས་དང་མངོན་དུ་སྤྱོད། །དབང་དུ་བསྡུ་བ་ཕྲིན་ལས་ཡིན། །རང་ལ་རྫོགས་ཤིང་རང་གིས་གྲུབ། །ཐག་ཆོད་པ་དང་བསྟན་པ་དང་། །ཚད་
D843.099.0257b03.01ལྡན་མཐར་ཕྱིན་ལ་བཟླ་དང་། །འདས་དང་མ་འདས་སྟོན་པ་དང་། །བཤད་དང་ཉན་དང་སྡུད་པ་དང་། །གནས་དུས་ཡོན་ཏན་སྐྱོན་རྣམས་ནི། །རང་གི་དེ་ཉིད་རྟོགས་པས་འགྲུབ། །ཅེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་དོན་དམ་པའི་གནས་ཉེ་
D843.099.0257b04.01བར་བསྟན་པའི་ལེའུ་སྟེ་བཞི་བའོ།། །།དེ་ནས་རྡོ་རྗེ་འཛིན་པ་ཡིས། །དགོས་པ་ཆེན་པོ་འདི་གསུངས་ཏེ། །ཡེ་ནས་མ་བྱུང་མ་སྐྱེས་པའི། །ཆོས་ཉིད་དོན་གྱི་སྙིང་པོ་ནི། །གཟུང་འཛིན་མཐའ་བྲལ་དོན་རྟོགས་ཏེ། །ང་བདག་འཛིན་པའི་རྣམ་རྟོག་གིས། །
D843.099.0257b05.01དྲེགས་ཤིང་གཟིར་བའི་རུ་ཏྲ་དེ། །མ་བསྒྲལ་བ་ནི་ཉེས་པ་སྟེ། །ཐབས་དང་ཤེས་རབ་སྙིང་རྗེ་གསུམ། །མཐུན་ཞིང་མཚུངས་ལྡན་སྲས་ཀྱིས་བསྒྲལ། །དམ་པའི་དོན་དེ་མ་རྟོགས་པར། །དངོས་པོར་སྤྱད་པས་འཁོར་བར་ལྟུང་། །མཁས་རྟོགས་ལྡན་པས་སྤྱད་པ་ཡིས། །འཕགས་
D843.099.0257b06.01པ་མཉེས་ཤིང་སེམས་ཅན་སྒྲོལ། །ཚོགས་ཉིད་རྫོགས་ཏེ་སྐུ་གསུམ་ཐོབ། །རྣམ་རིག་མཐོང་བས་ལ་ཐག་བཅད། །བརྟུལ་ཞུགས་དྲག་པོས་བསྒྲུབ་པ་བརྩམ། །དབང་དུ་བསྡུ་དང་གདུལ་བའི་ཕྱིར། །འཇིག་རྟེན་ལས་ཀྱིས་བསྡུས་པའི་རྒྱུད། །ང་དང་སྟོན་པ་རྣམས་
D843.099.0257b07.01