完整藏文原文 · 德格版页 当前仅加载第 99 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་འཆང་གི་གྲལ་ལ་དགོད། །དམ་ཚིག་གསང་བའི་བརྡས་བསྒོས་ཤིང་། །ཕྲིན་ལས་བཀའ་ཉན་གཉེར་གཏད་དེ། །གཞལ་ཡས་ཁང་གི་རྒྱན་དུ་བཞག །ཀུན་ཀྱང་ཚིག་དབྱངས་མཐུན་པ་བསྒོས། །དམ་ཚིག་མནའ་སྲོག་ཐལ་མྱོང་འགྱུར་ཞེས་བརྗོད་དོ། །དེ་བཞིན་
D839.099.0109b01.01གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་རྡོ་རྗེ་བཀོད་པའི་དཀྱིལ་འཁོར་སྤྲུལ་པའི་ལེའུ་སྟེ་བཅུ་གཅིག་པའོ།། །།དེ་ནས་པདྨོ་ཆགས་པའི་སྐུས། །གསུང་གི་གཟི་མདངས་རྒྱས་མཛད་དོ། །ཕྱག་
D839.099.0109b02.01རྒྱ་རྫུ་འཕྲུལ་གནས་སྦྱོར་བས། །གསེར་མིག་འདབ་{བཟངས་,བཟང་}གྲོང་ཁྱེར་དང་། །ལང་ཀའི་གནས་ཚོགས་སྲིན་པོའི་སྡེ། །ཀླུ་རྒྱལ་དབང་དུ་བསྡུ་བའི་ཕྱིར། །རྫུ་འཕྲུལ་ཀུན་སྟོབས་འཁོར་ལོ་ཡིས། །ལྷ་ཆེན་ལ་སོགས་གདུལ་བར་དགོངས། །ཏིང་ངེ་འཛིན་ལ་སྙོམས་
D839.099.0109b03.01ཞུགས་ཏེ། །པདྨོ་རྟ་མཆོག་སྤྲུལ་པ་མཛད། །དེ་བཞིན་ཉིད་དབྱིངས་སྙོམས་འཇུག་ལས། །སེམས་དཔའ་རྒྱལ་བ་ཀུན་གྱི་ཡབ། །རྡོ་རྗེ་འཛིན་ཐུབ་དབང་ཉིད་དང་། །རིགས་ཉིད་སྤྲུལ་པའི་ལུང་ལས་གྲུབ། །སྐུ་མདོག་དམར་པོ་རཱ་གའི་མདོག །ཞལ་གསུམ་རྟ་
D839.099.0109b04.01མགོ་ལྗང་གུ་ཅན། །ཕྱག་ནི་གྲི་གུག་ཁ་ཊྭཱྃ་ག། །ཐོད་པ་ཁྲག་མེ་དཔུང་སྤྲུལ་ལྔ། །གནས་བརྒྱད་ཀླུ་བདག་ཐོད་ཕྲེང་དང་། །གླང་ཆེན་སྟག་གི་པགས་པ་གྱོན། །སྒྲ་སྐད་དྲག་པོ་ཕྱོགས་བཅུར་སྒྲོག །བགེགས་ལ་སོགས་པའི་ཆ་ལུགས་ཅན། །དྲང་སྲོང་ཁྲོས་
D839.099.0109b05.01པའི་ཆ་ལུགས་ཀྱིས། །ཀླུ་ཡི་འགྲོ་བ་རྨོངས་མཛད་པ། །པདྨའི་གདན་ལ་བརྐྱང་བསྐུམ་གྱིས། །ཡུམ་ཆེན་དཔལ་ལྡན་མ་དང་སྦྱོར། །ཨོྃ་པདྨོ་གུ་རུ་ཧེ་ཧེ་རུ་ལུ་ཧཱུྃ་ཕཊ། འཁོར་ལོ་འབར་བ་ཕྱོགས་མཚམས་སུ། །ཡེ་ཤེས་ཁྲོ་བོ་ཆེན་པོ་བརྒྱད། །ཧྲཱི་ལས་གྲུབ་
D839.099.0109b06.01པའི་འཇིགས་གཟུགས་ཅན། །རྟ་མགོ་ལྗང་གུ་བརྗིད་པ་ཡི། །ཤར་དུ་པདྨའི་དབང་ཕྱུག་ནི། །དཀར་པོ་ཞལ་གསུམ་ཕྱག་དྲུག་པའོ། །རྡོ་རྗེ་པདྨ་ཀླུ་ཞགས་དང་། །རིན་ཆེན་དབྱུག་པ་རལ་གྲི་མདུང་། །སེང་གེ་རྒྱལ་མོ་སྐུ་དང་འཁྲིལ། །སྣ་ཚོགས་མི་མཐུན་
D839.099.0109b07.01