完整藏文原文 · 德格版页 当前仅加载第 99 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ། །མིག་ལ་རྣམ་པར་སྣང་མཛད་དེ། །རྣ་བ་རིན་ཆེན་འབྱུང་ལྡན་ཆེ། །སྣ་ལ་སྣང་བ་མཐའ་ཡས་ཉིད། །ལྕེ་ལ་དོན་ཡོད་གྲུབ་པའི་སྐུ། །ལུས་ཉིད་རྡོ་རྗེ་སེམས་དཔའ་ཡིན། །དེ་ལྟར་སྣང་བའི་དཀྱིལ་འཁོར་ཉིད། །ཡེ་ནས་ལྷུན་གྲུབ་གནས་པས་ན། །རྣལ་འབྱོར་
D839.099.0090b01.01གསང་བ་དོན་ཤེས་བྱ། །ཕྱི་རོལ་དོན་ཤེས་ཡུལ་དྲུག་འདི། །ཡུམ་ཆེན་ལྔ་ཡི་ཕྱག་རྒྱའི་དབྱིབས། །གཟུགས་ཁམས་སངས་རྒྱས་སྤྱན་མ་སྟེ། །སྒྲ་ཚོགས་ལྷ་མོ་མཱ་མ་ཀཱི། །དྲི་ཚོགས་ན་བཟའ་དཀར་མོའི་དབྱིངས། །རོ་དྲུག་ལྷ་མོ་སྒྲོལ་མ་ཡིན། །རེག་ཚོགས་ལྷ་མོ་ཀུན་དུ་
D839.099.0090b02.01བཟང་མོའི་སྐུ། །དུས་གསུམ་མཉམ་སྦྱོར་འདུ་འབྲལ་མེད། །རྡོ་རྗེ་པདྨོ་མཉམ་སྦྱོར་བས། །རང་རིག་དཀྱིལ་འཁོར་གསལ་བར་མཛོད། །ཐམས་ཅད་མ་ལུས་སྐུ་གསུང་ཐུགས། །ཡོན་ཏན་ཕྲིན་ལས་རོལ་པའི་རྒྱན། །ང་ཉིད་འདུ་འབྲལ་མེད་པའི་དབྱིངས། །ཐབས་དང་
D839.099.0090b03.01ཤེས་རབ་རོལ་པའི་མཆོག །ས་ཡི་ཁྱད་པར་མ་ལུས་པའང་། །རྡོ་རྗེ་ཆོས་ཀྱིས་སྦྱོར་མཛད་དང་། །ཡོན་ཏན་ཕྲིན་ལས་མཐར་ཕྱིན་པས། །ཚེ་འདི་ཉིད་ཀྱི་གོ་འཕང་མཆོག །རྡོ་རྗེ་གསང་གསུམ་དམ་ཚིག་ཆེ། །རང་གི་མཐུ་ཡི་སྦྱོར་བྱེད་པ། །རྟག་ཏུ་མཉམ་བཞག་སྦྱོར་
D839.099.0090b04.01བ་ཡིས། །དཀྱིལ་འཁོར་ཆེན་པོའི་གནས་བཞུགས་ཏེ། །དྲི་མེད་བྱང་ཆུབ་སེམས་ཀྱི་ཚུལ། །འགྲོ་རྣམས་ཚོགས་བཅས་དག་པར་བྱས། །རྟག་ཏུ་གསང་སྔགས་བརྗོད་བྱས་ཤིང་། །རྡོ་རྗེ་མགོན་པོའི་སྒོ་གསལ་བརྟན། །རྟག་ཏུ་གཏོར་སྦྱིན་གཏང་བྱས་ཏེ། །ཁམས་
D839.099.0090b05.01ཀྱི་འཛིན་པ་མེད་པར་གྲོལ། །རྟག་ཏུ་ལྷ་ལ་མཆོད་བྱས་ཏེ། །རང་གི་བདུད་རྩིས་མཆོད་ཅིང་རོལ། །རྟག་ཏུ་མི་གཉིས་བསྟོད་བྱ་བ། །རྣམ་གྲོལ་ཐམས་ཅད་བྲག་ཅའི་སྒྲ། །ཕ་རོལ་ཕྱིན་བཅུ་དུས་གཅིག་ཏུ། །པདྨ་ཆོ་ག་རྟོགས་པར་འགྱུར། །ཟག་པ་ཟད་པས་སྐུ་ལྔ་
D839.099.0090b06.01དང་། །པདྨའི་རིགས་ཀུན་མཉམ་པར་སྦྱོར། །པདྨའི་དམ་ཚིག་ལ་གནས་པ། །གནས་ཀུན་དཀྱིལ་འཁོར་གསལ་བར་འགྱུར། །པདྨ་རང་གི་གནས་སུ་བསྒོམ། །འདོད་ཆགས་ཆོས་ཀུན་སྤྱོད་པ་ཡི། །མགོན་པོ་རང་རང་གནས་ན་གསལ། །དྲི་མེད་དག་པའི་
D839.099.0090b07.01