完整藏文原文 · 德格版页 当前仅加载第 98 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་རྟོག་ཨ་ཡི་ངང་དུ་གནས། །འདི་ནི་ནང་གི་རིམ་པ་ཡིན། །དེ་ནས་གསང་བ་བཤད་བྱ་བ། །ཐབས་དང་ཤེས་རབ་འབྲེལ་པ་ལས། །གསང་བའི་ཕྲིན་ལས་བཞིར་འབྱུང་བ། །དཀའ་ཐུབ་ཅན་དང་ཐ་མལ་དང་། །ཐུན་མོང་ལམ་ལས་བཟློག་ཕྱིར་རོ། །
D833.098.0187a01.01འདོད་ཆགས་ཞེན་ཅིང་དབང་པོ་སྨིན། །ཚད་ལྡན་ཡུམ་དང་བཅས་པ་ཡི། །བདེ་ཆེན་དགོན་པ་ཐིག་ལེའི་གནས། །ཡོན་ཏན་ཁྱད་པར་ཀུན་དུ་རྫོགས། །གཉིས་མེད་འཁྲིལ་བའི་ངོ་བོ་ནི། །བདེ་བ་ཆེན་པོ་འབྱུང་བའི་གནས། །གསང་བའི་བྷ་ག་རྒྱས་པ་ནི། །ཞི་རྒྱས་དབང་དྲག་
D833.098.0187a02.01ཚུལ་བཞིན་དང་། །ནུས་པ་བྱིན་བརླབས་གང་ལྡན་པ། །གསང་བའི་ཐིག་ལེའི་ཚུལ་ལ་གནས། །པདྨ་གསང་བའི་ཐབ་ཁུང་དུ། །གསང་བའི་སྦྱིན་སྲེག་གང་ཕུལ་བ། །ལོ་དང་ཟླ་བ་མ་ཡིན་པར། །མྱུར་དུ་བདེ་ཆེན་ལུས་སུ་འགྱུར། །ཐབས་དང་ཤེས་རབ་ལས་བྱུང་བའི། །
D833.098.0187a03.01དངས་སྙིགས་བཅུད་དང་བག་ཆགས་དང་། །ཉི་ཟླ་ཁུ་བར་བཅས་པ་ནི། །བདེ་ཆེན་གསང་བ་མཆོད་པའི་རྫས། །གདུང་དང་བདེ་བ་བྲལ་བ་དང་། །ཞེན་རྟོག་དེ་ཉིད་ཆགས་པ་ཡི། །རང་གི་ལིངྒ་དེ་ཉིད་ལ། །གསང་བའི་ཕུར་བ་བཞི་རྫོགས་པ། །གསང་བའི་ཡུལ་ལ་
D833.098.0187a04.01བཏབ་པ་ཡིས། །ལྷན་ཅིག་སྐྱེས་པའི་ཏིང་འཛིན་ལ། །ལས་བཞི་མ་བཙལ་རྫོགས་པར་ལྡན། །རོལ་པའི་ཚུལ་དང་ཐིག་ལེ་གཉིས། །པདྨ་རྡོ་རྗེ་སྙིང་པོའི་རྩ། །ཉམས་དང་སྦྱོར་ཚུལ་གང་ཡིན་པ། །གསང་བའི་སྦྱོར་བའི་དུས་སུ་བལྟ། །གནས་པ་རྩ་ཡི་ཚུལ་དག་ནི། །
D833.098.0187a05.01ཁ་དོག་དབྱིབས་སོགས་ཐ་དད་པས། །མཆོད་རྫས་ཉི་ཟླར་བཅས་ཀུན་ལ། །གཟར་བུ་གཉིས་བཅས་ཐབ་ཕུལ་བས། །ཐིག་ལེ་ཆེན་པོར་འབབ་པར་འགྱུར། །གསང་བའི་དོན་ལ་དགའ་བ་དང་། །རིག་པའི་བརྟུལ་ཞུགས་སྤྱོད་པ་དང་། །དབང་པོ་དར་ཅིང་སྨིན་པ་དང་། །
D833.098.0187a06.01ཐིག་ལེའི་དོན་ལ་མོས་པ་དང་། །རླུང་དང་བཅུད་ལ་གོམས་པ་ཡིས། །རྣལ་འབྱོར་ཕོ་མོར་བཅས་པ་ཀུན། །དྲན་རྟོག་ཕྱི་མ་བཅས་པའི་ཡིད། །གདུལ་བྱའི་དོན་དུ་དེ་བཤད་དོ། །གང་དག་ཐབས་ལ་མཁས་པ་དང་། །དབང་དང་དམ་ཚིག་ལྡན་པ་ཡིས། །ཐབས་དང་
D833.098.0187a07.01