完整藏文原文 · 德格版页 当前仅加载第 98 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་རྩ་བཅུད་ལྡན། །ས་བོན་ཡི་གེ་བདེ་བ་དང་། །ཁམས་ལྔ་ཡེ་ཤེས་རོ་ལྡན་ཞིང་། །སྟོང་དང་བདེ་བའི་ཐིག་ལེ་འདྲེས། །རྟག་ཏུ་དྲན་པར་གནས་པ་ཉིད། །རེ་རེའང་དེ་ལྟར་གནས་པའི་ཕྱིར། །འཁོར་ལོ་རྩ་བཅུད་ཐིག་ལེར་བཅས། །ལྷ་དང་ཡེ་ཤེས་སྐུ་གསུང་
D833.098.0148a01.01ཐུགས། །རང་ལུས་སྣང་བ་སྣོད་བཅུད་ཀུན། །སྤྲོས་བཅས་ཕྱག་རྒྱའི་གྲངས་སུ་གསལ། །བཅུད་ལྔ་ཡེ་ཤེས་ཁོ་ནའི་ཕྱིར། །དངས་སྙིགས་དབྱེར་མེད་ཐིག་ལེའི་དོན། །སོ་སོའི་ཁ་དོག་དབྱིབས་ཚུལ་དང་། །སྦས་པའི་སྐུ་གསུང་ཐུགས་དག་ལ། །དབྱེར་མེད་གསལ་བའི་རིག་པ་ཡིས། །
D833.098.0148a02.01མ་ལུས་བདེ་ཆེན་མངོན་དུ་གསལ། །དེ་ནས་བདེ་བ་ཆེན་པོ་ཉིད། །གར་ཐབས་རླུང་གིས་དབང་བསྒྱུར་ནས། །མ་ལུས་བདེ་བའི་རིག་པ་འཆར། །གཙང་དང་འཛེམ་པ་བྲལ་གྱུར་ནས། །བཤུང་བ་ལྔ་དང་འདོད་པ་ལྔ། །ཐིག་ལེ་བཅུད་དང་དངས་མར་བཅས། །ཐིག་ལེ་ཆེན་པོར་འདྲེས་པས་
D833.098.0148a03.01ན། །མི་འགྱུར་འཆི་མེད་ཚེ་ལ་གནས། །རང་རིག་བདེ་བ་ཆེན་པོ་ཉིད། །ཐོག་མ་ཐ་མ་མེད་པར་གནས། །ཐིག་ལེ་རྒྱུ་བ་རླུང་དང་བཅས། །ཟག་མེད་དང་མའི་སྙིང་པོར་ཐིམ། །མངོན་ཤེས་ལྔ་ལྡན་ཟག་པ་མེད། །དངས་མའི་སྙིང་པོར་ལམ་མཐར་ཕྱིན། །དེ་ནས་གསང་བ་བཤད་བྱ་བ། །
D833.098.0148a04.01འཁོར་དང་མྱ་ངན་འདས་པ་དག །ཐབས་དང་ཤེས་རབ་ཁ་སྦྱོར་བའི། །བདེན་གཉིས་ཉི་ཟླའི་ཁྱད་པར་ལས། །མ་ལུས་ཐམས་ཅད་གསལ་བར་སྣང་། །གང་དུ་ཐབས་དང་བྲལ་བ་ཡི། །གནས་དང་བདེ་སྡུག་བཏང་སྙོམས་དང་། །ལོངས་སྤྱོད་ཚེ་དང་ཁ་དོག་དང་། །བདག་དང་བདག་
D833.098.0148a05.01གིར་ཞེན་བཅས་པའི། །གཟུགས་དང་སྒྲ་དང་དྲི་དང་རོ། །རེག་དང་དྲན་པ་སྣ་ཚོགས་ཀྱིས། །ཞེན་དང་འཆིང་བའི་རང་བཞིན་གྱིས། །རང་བཞིན་བཞི་ནི་གསལ་བར་འགྱུར། །དེ་ལས་ཐ་མལ་འཁོར་བའི་ལམ། །ཐོག་མ་མེད་ནས་ལུས་གནས་པའི། །བདེ་ཆེན་ནམ་མཁའི་སྙིང་
D833.098.0148a06.01པོ་ཉིད། །ལུས་གཉིས་རྩ་བཅུད་མ་ལུས་པ། །ཐབས་དང་ཤེས་རབ་སྐུ་གསུང་ཐུགས། །སྲིན་བུ་འཁྱུགས་པའི་ཡི་གེ་ལྟར། །དབང་པོ་གཉིས་དང་འབྲེལ་ཏེ་གནས། །ཐབས་དང་མན་ངག་ལྡན་པ་ཡིས། །རྒྱལ་རིགས་རྗེའུ་དང་བྲམ་ཟེ་དང་། །དམངས་རིགས་ཚོས་མ་གར་མཁན་
D833.098.0148a07.01