dkyil 'khor thams cad kyi spyi'i cho ga gsang ba'i rgyud/
当前为德格木刻版 162b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 162b
- 可引用原文
- 7 行
- 全文规模
- 全经 378 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 96 函 · 德格 162b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནས་དང་སྦྲང་རྩི་འོ་མ་དང་། །མར་དང་འབྲས་ཡོས་འོ་ཐུག་དང་། །དུར་བ་མྱུ་གུ་ཀུན་དད་དང་། །ཙུ་ཏའི་ལོ་མ་ཙནྡན་དང་། །ཨུ་དུམ་ཨ་ཤྭད་པ་ལ་ཤ། །དེ་བཞིན་ཤ་མྱའི་ཡམ་སྲེག་ཤིང་། །དེ་ལ་སོགས་པ་ཐམས་ཅད་ནི། །ཞི་བའི་སྦྱིན་སྲེག་རྫས་ཡིན་ནོ། །འོ་ཐུག་ཞོ་དང་ལག་པན་དང་། །འོ་མ་དང་ནི་ནས་དཀར་ཅན། །ཏིལ་ནི་རྣམ་པ་གསུམ་སྦྱར་དང་། །སྒྲོན་ཤིང་ཤུ་ཏེ་ཉེའུ་ཤིང་དང་། །ནག་པུཥྤ་བིལ་བའི་འབྲས། །འབྲུ་རྣམས་དང་ནི་ཡམ་སྲེག་ཤིང་། །དེ་ལ་སོགས་པའི་རྫས་རྣམས་ནི། །རྒྱས་པའི་སྦྱིན་སྲེག་རྣམས་ལ་
བཤད། །ཡུངས་ཀར་དང་ནི་སྐེ་ཚེ་ཁྲག །ཡུངས་ཀར་མར་དང་དེ་བཞིན་དུ་ག །རུས་ཕྱེ་དུར་ཁྲོད་ཐལ་བ་དང་། །དེ་བཞིན་སྐྲ་ནི་གཏུབས་པ་དང་། །ཀོ་བི་ད་ར་མགལ་དུམ་དང་། །སེང་ལྡེང་དང་ནི་ཨ་རི་སྟ། །ཡམ་ཤིང་ཚེར་མ་ཅན་ལ་སོགས། །དྲག་ཤུལ་ཅན་གྱི་རྫས་སུ་བཤད། །སྔགས་ཀྱི་རྒྱུད་ལས་མ་གསུངས་ཀྱང་། །བློ་དང་ལྡན་པས་རྫས་འདི་རྣམས། །རབ་ཏུ་དྲག་པོའི་ལས་དག་ལ། །ཆོ་ག་བཞིན་དུ་སྦྱར་བར་བྱ། །སྦྱིན་སྲེག་ཆོ་ག་བྱས་ནས་ནི། །སློབ་མ་དབང་བསྐུར་འོས་རིག་ནས། །ཆོ་ག་བཞིན་དུ་ནན་ཏན་དུ། །
དབང་བསྐུར་བ་ཡི་ཆོ་ག་བྱ། །ལས་ཀུན་བྱེད་པའི་གསང་སྔགས་ཀྱིས། །བཏབ་པའི་སྟན་ནི་གསར་བཞག་སྟེ། །བཀྲ་ཤིས་ལ་སོགས་ཀུན་བྱས་ལ། །བསྲུང་བ་ནན་ཏན་ཆེར་བྱས་ཏེ། །དཀྱིལ་འཁོར་གྱི་ནི་སྔགས་བཟླས་ཤིང་། །སྤྱི་བོར་གདུགས་དཀར་བཟང་པོ་ལ། །མེ་ཏོག་ཕྲེང་བ་དཀར་པོས་བརྒྱན། །རས་ཕྲན་དཀར་པོ་དཔྱངས་པ་གཟུང་། །སློབ་མ་ཡོན་ནི་ཆེར་ཕུལ་ཞིང་། །བླ་མ་བསྙེན་བསྐུར་བྱས་པ་དག །སྟན་ལ་དེ་ནི་བཞག་ནས་སུ། །སྔགས་ཀྱིས་སྐྱོན་བསལ་བཀྲ་ཤིས་བྱ། །བདུག་པ་ལེགས་པར་སྦྱར་བ་
ཡི། །བདུག་པ་ཁྲོ་བོའི་རྒྱལ་པོས་བདུག །རྔ་ཡབ་ལ་སོགས་གཟུང་བ་དང་། །སྤྱི་བོ་སྟེང་དུ་གདུགས་ཀྱང་གཟུང་། །རྔ་མའི་བསིལ་ཡབ་བདུག་སྤོས་དང་། །ཞྭ་དང་གོས་ཀྱིས་སློབ་མ་དག་བ། །འདི་དག་དང་ནི་དེ་བཞིན་དུ། །བུམ་པ་བཞི་ཡང་བཤམས་ཏེ་དགོད། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D806
- 德格版页
- 162b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0800 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。