完整藏文原文 · 德格版页 当前仅加载第 96 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་དུ་ཡང་བཟླས་བརྗོད་བྱ། །བྱུག་སྤོས་དག་གིས་བསྐུས་པ་ཡི། །ལག་པས་མགོ་ལ་བཞག་བཞིན་དུ། །མཁས་པས་རིག་པའི་རྒྱལ་པོ་ཡི། །སྙིང་པོ་ཡང་ནི་ལ་ན་བདུན་བཟླས། །རྒྱལ་བའི་རིགས་ལ་རིག་སྔགས་རྒྱལ། །འཁོར་ལོས་སྒྱུར་བའི་ཡི་གེ་
D806.096.0146a01.01གཅིག །པདྨའི་རིགས་ལ་རིག་སྔགས་རྒྱལ། །རྟ་མགྲིན་ཡི་གེ་བཅུ་པའོ། །རྡོ་རྗེ་རིགས་ལ་རིག་སྔགས་རྒྱལ། །དེ་བཞིན་གནོད་མཛེས་མཐུ་བོ་ཆེ། །ཡི་གེ་ཧཱུྃ་ནི་བཞི་དང་ལྡན། །ལས་རྣམས་ཀུན་ལ་རབ་ཏུ་དྲག །ཁྲོ་བོ་བདུད་རྩི་ཐབ་སྦྱོར་ནི། །རིགས་གསུམ་དག་གི་སྤྱི་ལ་ཡང་། །བགེགས་
D806.096.0146a02.01རྣམས་ཐམས་ཅད་གཞོམ་པའི་ཕྱིར། །གསང་བ་པ་ཡ་བདག་པོས་བཤད། །དེ་ནས་ལ་ས་ཀུན་བྱེད་པ་ཡི། །སྔགས་ཀྱིས་སྤྱི་བོར་བྲམ་ཞིང་བཟླས། །དེ་ཉིད་ཀྱིས་ནི་བསང་གཏོར་བྱ། །བདུག་སྤོས་དག་གིས་རབ་ཏུ་བདུག །དབང་བསྐུར་བ་ཡི་བུམ་པ་ནི། །འབྲུ་ལ་སོགས་པ་ཀུན་
D806.096.0146a03.01ལྡན་པ། །ཆུ་ནི་ཅུང་ཟད་བླུགས་ནས་སུ། །རིག་པའི་རྒྱལ་པོས་མངོན་བསྔགས་ཏེ། །སྤོས་ཆུའི་མཆོད་ཡོན་ཕུལ་ནས་ནི། །ཆོ་ག་བཞིན་དུ་སྟ་གོན་བྱ། །མེ་ཏོག་དག་ཀྱང་བླུགས་ནས་སུ། །བདུག་སྤོས་དག་གིས་བདུག་པར་བྱ། །ཕྱི་དེ་ཉིན་པར་དུས་གསུམ་དུ། །མཁས་པས་བཟླས་
D806.096.0146a04.01བརྗོད་ལེགས་པར་བྱ། །དཀྱིལ་འཁོར་དུ་ཡང་བཟླས་ནས་ནི། །དེ་ཡིས་མངོན་པར་དབང་བསྐུར་རོ། །སློབ་མ་མཐུན་པར་ཚོགས་པ་རྣམས། །བྱང་གི་ཕྱོགས་སུ་ཁ་བལྟས་ཤིང་། །ཐལ་མོ་སྦྱར་ཏེ་འཁོད་པ་ལ། །སོ་ཤིང་{གོ་རིམས་,གོ་རིམ་}བཞིན་དུ་སྦྱིན། །སློབ་མ་ཤར་དུ་ཁ་བལྟས་ཏེ། །མི་
D806.096.0146a05.01སྨྲ་བར་ནི་སོ་ཤིང་བཅའ། །བཅའ་བ་ཟིན་ནས་མི་དགོས་ཤིང་། །ཕན་ཚུན་དུ་ཡང་མི་དོར་རོ། །སོ་ཤིང་མདུན་དུ་དྲང་པོར་དོར། །དེ་ཚེ་མདུན་དུ་ལྟ་བ་དང་། །དེ་ཚེ་གྱེན་དུ་འགྲེང་འགྱུར་ན། །དེ་ནི་དངོས་གྲུབ་མཆོག་ཅེས་བྱ། །དེ་བཞིན་ཤར་དུ་ཁ་བལྟས་ན། །དེ་ནི་དངོས་གྲུབ་འབྲིང་དུ་
D806.096.0146a06.01བཤད། །མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་འགྲུབ། །སོ་ཤིང་བོར་བ་བརྒྱ་ལམ་ན། །གལ་ཏེ་ཐུར་དུ་ཁ་བལྟས་ན། །དེ་ནི་ངེས་པར་ས་འོག་གི། །དངོས་གྲུབ་དེ་ལ་ཐེ་ཚོམ་མ་མེད། །སློབ་མ་ཉེ་རེག་བྱས་ནས་ནི། །སྔ་མ་བཞིན་དུ་འཁོད་པ་ལ། །རེ་རེ་ལ་
D806.096.0146a07.01