完整藏文原文 · 德格版页 当前仅加载第 96 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལྟོ་འཕྱེ་གནོད་སྦྱིན་བབས་པའི་མིག །གལ་ཏེ་བབས་པའི་སྣོད་ནི་མི་གཏོང་ན། །ཤིན་ཏུ་བཀྲ་ཤིས་ཚིགས་བཅད་བརྗོད་པའམ། །སྟོབས་པོ་ཆེའམ་དགོད་མའམ་ལྕགས་ཀྱུ་བཟླས། །ཡང་ན་རབ་ཏུ་འདུས་པའི་མདོ་སྡེ་བཀླག །སེང་གེ་གདན་གྱི་ཨརྐའམ་པ་ལ་ཤའི། །
D805.096.0132b01.01ཡམ་ཤིང་མར་གྱིས་བསྐུས་པ་བརྒྱ་ཡང་བསྲེག །མ་གྲུགས་ཏིལ་ནི་སྦྲང་རྩི་འམ་མར་གྱིས་བསྐུས། །གཏུམ་པོས་སྦྱིན་སྲེག་ཉི་ཤུ་རྩ་གཅིག་བྱ། །སྔ་མ་བཞིན་དུ་གསང་སྔགས་ཆོ་ག་དག །དམ་ཚིག་ཅི་བཞིན་མ་ལུས་སྦྱར་ན་ནི། །བདག་གི་ཡིད་དང་མཐུན་པའི་དངོས་གྲུབ་
D805.096.0132b02.01ཐོབ། །སྔགས་པ་ཡུན་རིང་ཉོན་མོངས་མི་འགྱུར་རོ། །འཕགས་པ་དབུང་བཟང་གིས་ཞུས་པའི་ལེའུ་བདུན་པའོ།། །།སངས་རྒྱས་ཀྱིས་གསུངས་ཡན་ལག་བརྒྱད་ལམ་ནི། །ཡང་དག་འཚོ་དང་ལས་མཐའ་ཏིང་འཛིན་དག །རྩོལ་དང་རྟོག་དང་དྲན་དང་ལྟ་བ་རྣམས། །སོ་
D805.096.0132b03.01སོ་སོ་སོར་ཡང་དག་བསྟེན་པར་བྱ། །ལམ་འདི་རྣམས་ཀྱིས་གསང་སྔགས་དངོས་གྲུབ་ཅིང་། །དེ་བཞིན་འདིས་ནི་ཐར་པ་མྱུར་དུ་ཐོབ། །རྒྱལ་སྲས་སྔོན་གྱི་རྒྱལ་བ་འདས་པ་དག །འདི་ནས་གཤེགས་ཤིང་དེ་བཞིན་གཤེགས་པར་འགྱུར། །ངོམས་མེད་སེམས་ཀྱིས་ལུས་དང་ངག་ཡིད་
D805.096.0132b04.01ཀྱིས། །གུས་པར་དགེ་བའི་བསོད་ནམས་གང་བསགས་པའང་། །བདེ་གཤེགས་གསུངས་པའི་བདེན་པའི་ལ་མ་དམིགས་ན། །དགེ་བའི་ལམ་དེ་ཡང་དག་བསྐྱེད་པ་ཡིན། །ཡོངས་སུ་འཛིན་པ་རྣམ་པར་སྤངས་ནས་སུ། །ཆོས་གོས་དང་ནི་བསོད་སྙོམས་ངན་ངོན་དང་། །སྨན་དང་མལ་
D805.096.0132b05.01སྟན་ངན་ངོན་ཙམ་གྱིས་ཀྱང་། །ཆོག་པའི་སེམས་དང་ལྡན་པས་བསོད་ནམས་ཐོབ། །བདག་ལ་བསྟོད་པ་ན་མས་ཀྱང་མི་བྱ་ཞིང་། །སེམས་ཅན་གཞན་ལ་སྨད་པར་མི་བྱའོ། །སྟག་དང་སྦྲུལ་དང་མེ་འདྲར་འཇིག་རྟེན་དག །བསམས་ནས་སྤངས་ཏེ་དབེན་ལ་དགའ་བར་བྱ། །བུད་མེད་
D805.096.0132b06.01མཚན་ཉིད་སྐྱེས་པའི་མཚན་ཉིད་དང་། །སྨན་དང་གླང་ཆེན་བརྟག་པའམ་སྐར་མའི་དཔྱད། །མཚོན་ཆ་བརྟག་པའམ་རྟ་དཔྱད་རང་བཟོ་འམ། །བསྟན་བཅོས་ངན་པ་སློབ་ཅིང་ཀློག་པ་སྤང་། །གླང་ཆེན་རྟ་དང་བ་ལང་བྱ་གག་ཁྱི། །གོང་མོ་སྲེག་པ་འུག་པ་སྐྱེས་པ་དང་། །བུད་མེད་བུ་
D805.096.0132b07.01