完整藏文原文 · 德格版页 当前仅加载第 96 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། །ཨཱརྱ་སུ་བཱ་ཧུ་པ་རི་པྲྀཙྪཱ་ནཱ་མ་ཏནྟྲ། །བོད་སྐད་དུ། །འཕགས་པ་དཔུང་བཟང་གིས་ཞུས་པ་ཞེས་བྱ་བའི་རྒྱུད། ཐམས་ཅད་མཁྱེན་པ་ལ་ཕྱག་འཚལ་ལོ། །གནོད་སྦྱིན་བདག་པོ་ཉི་མ་སྟོང་གི་གཟི། ཐུགས་རྗེས་རྩེ་གཅིག་ཡིད་གྱུར་བཞུགས་པ་
D805.096.0118a01.01ལ། །དབུང་བཟང་ཚུལ་བཞིན་གུས་པས་ཕྱག་འཚལ་ལོ། །རིག་དང་གསང་སྔགས་ཚོགས་ཀུན་གྲུབ་པ་ཞུས། །བདག་གིས་ས་སྟེངས་མི་རྣམས་བཟླས་བརྗོད་དང་། །སྨྱུང་དང་ཡང་དག་སྡོམ་པ་མི་བཟད་པས། །རབ་ཏུ་བསྒྲིམས་ཀྱང་གྲུབ་པ་མ་མཐོང་ན། །ཡབ་གཅིག་ཅི་སླད་དཀའ་
D805.096.0118a02.01ཐུབ་དོན་མ་མཆིས། །གཙོ་བོ་གཟི་བརྗིད་ཉི་འོད་མེ་ལྟ་བུ། །ཁྱོད་ཀྱིས་སྡིག་འཇོམས་དག་བྱེད་རྣམས་ཀྱི་མཆོག །བདེན་པའི་གསུང་གིས་རབ་ཏུ་བཀའ་སྩལ་ན། །ཇི་ལྟར་སྔགས་རྣམས་འབྲས་བུ་མ་མཆིས་འགྱུར། །རབ་དང་འབྲིང་དང་དེ་བཞིན་ཐ་མ་རྣམས། །བསྒྲུབས་ཀྱང་
D805.096.0118a03.01གསང་སྔགས་འབྲས་བུ་མི་སྩོལ་ལ། །བསྙེན་པས་ཅི་སྟེ་ཅུང་ཟད་འགྲུབ་མེད་ན། །སྒྲུབ་པ་ཉོན་མོངས་ཁོ་ན་ཅི་རུང་ལགས། །རྒྱལ་བས་ཡེ་ཤེས་ཞི་བ་གང་ཡིན་པ། །དེ་ཡིས་འདི་དག་གསོ་བར་སྔོན་གསུངས་ན། །གང་ལ་སྔགས་དང་རིག་པ་གྲུབ་མེད་པ། །དེ་དག་རྣམས་ཀྱང་ཅི་ལྟར་
D805.096.0118a04.01གསོ་བར་བགྱི། །ཐུགས་རྗེ་ལྡན་པས་འགྲོ་ལ་སྨན་སླད་དུ། །ཁྱོད་ཀྱིས་གསང་སྔགས་སྣ་ཚོགས་བཤད་པ་རྣམས། །དེ་དག་བཟླས་བརྗོད་སྦྱིན་སྲེག་བརྟུལ་ཞུགས་དང་། །བསྙེན་ལ་སོགས་པས་མ་གྲུབ་ཅི་ལས་གྱུར། །ཆོ་ག་ཉམས་མ་འོན་ཏེ་མཐུ་མ་མཆིས། །དུས་ཀྱི་རང་
D805.096.0118a05.01བཞིན་ལགས་སམ་སྡིག་པས་བསྒྲིབས། །གསང་སྔགས་གཞན་དུ་གྱུར་ཏམ་འཆོལ་ལས་གྱུར། །ཐམས་ཅད་མ་ལུས་བཅོམ་ལྡན་འདས་ཀྱིས་གསུངས། །སྲས་ཀྱི་ཚིག་དེ་ངེས་པར་གསན་གྱུར་ནས། །ཡུད་ཙམ་དགོངས་ནས་དཀྱུས་རིང་སྤྱན་ཕྱེ་སྟེ། །ཕྱག་གིས་རྡོ་རྗེ་མེ་སྟག་ཟེར་
D805.096.0118a06.01འཕྲོ་བ། །གསོར་ནས་རྡོ་རྗེ་ཅན་གྱིས་འདི་སྐད་གསུངས། །ཨེ་མའོ་ཟླ་བའི་འོད་ལྟར་ལྷམ་མེ་བའི། །སྙིང་རྗེས་སེམས་ཅན་ཕན་ཕྱིར་ཁྱོད་འདྲི་བ། །ཤིན་ཏུ་དྲི་མ་མེད་པའི་སེམས་འདི་ཡིས། །བདེ་གཤེགས་སྲས་ནང་ཕ་རོལ་ཕྱིན་པར་གྱུར། །བྱང་ཆུབ་སེམས་དཔའ་རང་གི་འདི་མ་
D805.096.0118a07.01