完整藏文原文 · 德格版页 当前仅加载第 96 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
སྣོད་དུ་དགྲམ་པར་བྱ། །གཟའ་དང་རྒྱུ་སྐར་རྣམས་དགའ་ཞིང་། །ཀླུ་རྣམས་བདེ་བའི་སེམས་ཐོབ་ཤོག །ལྷ་རྣམས་ཡིད་ནི་མཉམ་བཞག་ནས། །སྙིང་རྗེའི་བློ་ཆེན་སྐྱེ་བར་ཤོག །ལྷ་ཀླུ་གནོད་སྦྱིན་དྲི་ཟ་སོགས། །བྱང་ཆུབ་སེམས་ཆེན་དང་ལྡན་ནས། །
D758.096.0026a01.01ཐུགས་རྗེ་ཉེ་བར་དགོངས་ནས་ཀྱང་། །དུས་སུ་ཆར་ཆེན་འབེབ་པར་ཤོག །སྨོན་ལམ་དེ་ཡི་རྗེས་སུ་ནི། །གཟུངས་ཀྱི་ཕྲེང་བ་བརྒྱ་རྩ་བརྒྱད། །བརྗོད་པའི་དེ་མ་ཐག་ཏུ་ནི། །ཆར་གྱི་རྒྱུན་ཡང་འབབ་པར་འགྱུར། །གལ་ཏེ་ཅུང་ཟད་མི་འབེབས་ན། །མེ་ལ་བསྡིགས་པ་ཙམ་
D758.096.0026a02.01གྱིས་ནི། །གློག་གི་ཕྲེང་བ་གཏོར་བྱེད་ན། །ཆར་ཆེན་འབེབས་ལ་ཐེ་ཚོམ་མེད། །ཝ་ཡི་ཁྲག་གིས་གྲོ་ག་ལ། །གང་གི་འཁོར་ལོ་བསྐྲད་པ་ཡི། །ཐབས་དང་ལྡན་པར་བྲི་བྱས་ནས། །དུར་ཁྲོད་ས་ལས་བྱས་པ་ཡི། །རྔ་མོའི་སྙིང་གར་བཅུག་ནས་ཀྱང་། །རྐང་པ་
D758.096.0026a03.01གཡོན་པས་མནན་ནས་ནི། །ལྷོར་བལྟས་བཀའ་ཡི་སྦྱོར་བ་ཡིས། །གསང་སྔགས་ཁྲི་ཕྲག་གཅིག་བརྗོད་ན། །བསྐྲད་པ་ཉིད་ལ་ཐེ་ཚོམ་མེད། །སྦྲུལ་དང་སྲེ་མོའི་ཁྲག་གིས་ནི། །རྟ་དང་མ་ཧེའི་པགས་པ་ལ། །མཉམ་དུ་གཉིས་ཀྱི་གཟུགས་བྲི་ཏེ། །དབྱེ་བའི་སྔགས་དང་
D758.096.0026a04.01བཅས་པ་ཡི། །འཁོར་ལོ་ཐོད་པའི་གཟུགས་བྲིས་ལ། །པགས་པ་གཉིས་ཀྱིས་དཀྲིས་བྱས་པ། །ཟླ་གམ་བྱེ་བྲག་དཀྱིལ་འཁོར་ལ། །བརྟེན་པས་དབྱེ་བའི་སྦྱོར་བ་རྫོགས། །མཚལ་དང་ཙནྡན་ག་བུར་བསྲེས། །ཟླ་གམ་དབྱིབས་ཀྱི་དཀྱིལ་འཁོར་ལ། །སྙིང་པོ་དབང་
D758.096.0026a05.01གི་སྦྱོར་བར་བཅས། །ནུབ་ཏུ་བལྟས་ནས་བསྒྲུབས་པ་ཡི། །ལྷ་ཡི་དབང་པོ་དབང་དུ་འགྱུར། །རྒྱུད་ཀྱི་ཁྱད་པར་སྦྱོར་བའོ། །དྲི་ཡི་རྒྱལ་པོ་སྣ་ཚོགས་ཀྱིས། །ཤིང་གི་ལོ་མ་དཀར་པོ་ལ། །རྡོ་རྗེ་རྒྱ་གྲམ་གཉིས་བརྩེགས་ཀྱི། །ཕྱོགས་ཀྱི་རྭ་རྣམས་ཧཱུྃ་གིས་སྤྲས། །
D758.096.0026a06.01མཚམས་ཀྱི་རྭ་རྣམས་དབུ་མ་ལ། །ཧཱུྃ་བྲི་རཱ་ཡི་ཡན་ལག་ལ། །ཕཊ་ནི་ཕྱིར་ལ་བལྟས་པ་བྲི། །རྒྱ་ཆེན་གསོལ་བ་གདབ་པར་བྱ། །གོས་བཟང་ངམ་ནི་སྐགས་ཤིང་དུ། །བཙུག་ནས་རྒྱལ་མཚན་རྩེར་བཏགས་ན། །རླུང་དང་ཐོག་དང་སེར་བ་གཅོད། །དམད་པ་རྣམས་
D758.096.0026a07.01