完整藏文原文 · 德格版页 当前仅加载第 96 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་པ་ལ། །སྔགས་བཞིས་མཚམས་བཅིངས་ཆོ་ག་ཡིས། །གསལ་ཁུང་དང་བཅས་བརྩིགས་པའི་ཕྱོགས། །སྙན་པའི་བྱ་ཡིས་སྒྲ་སྒྲོགས་ཤིང་། །དྲི་ཞིམ་སྤོས་ངད་ལྡན་པ་ལ། །དྲིལ་བུ་སིལ་སིལ་སྒྲ་སྙན་སྒྲོགས། །ལྡ་ལྡི་གོས་ཀྱི་ཕྲེང་བས་དཀྲིས། །ལྷག་
D758.096.0025a01.01པའི་འདུ་འཛི་རྣམ་སྤངས་ནས། །སྤྱོད་པ་མཐུན་པའི་གྲོགས་དང་ནི། །བདེ་བར་བྱང་ཆུབ་བསྒྲུབ་པར་བྱ། །འོན་ཀྱང་གནས་དང་གྲོགས་ལ་སོགས། །རྣལ་འབྱོར་ཡིད་འཇུག་ཕྱིར་བརྩམ་སྟེ། །མཐའ་དག་སྤངས་པའི་ཕ་རོལ་ན། །ལྷག་པའི་བྱང་ཆུབ་མ་མཆིས་སོ། །བདེ་དང་སྡུག་བསྔལ་
D758.096.0025a02.01སྣ་ཚོགས་རྣམས། །རང་ག་སེམས་ལས་འབྱུང་མོད་ཀྱི། །སེམས་རྟོག་མ་ལུས་སྤང་བ་ལས། །ངས་ནི་ཆོས་གཞན་འགའ་མ་བཤད། །དེ་བས་སེམས་རྟོག་སྣ་ཚོགས་རྣམས། །སྤང་བར་བྱ་ཕྱིར་སྣ་ཚོགས་ཐབས། །སྔགས་དང་ཕྱག་རྒྱ་ཏིང་འཛིན་དང་། །སྦྱོར་བ་རྒྱ་ཆེན་རྣམས་
D758.096.0025a03.01བཤད་དོ། །དྲག་པོ་སྒྲུབ་པའི་ཐབས་འགའ་ནི། །རིག་པའི་ཁྲོ་མོས་མཉན་པར་གྱིས། །ས་གཞི་བདུད་རྩི་ལྔ་ཡིས་བྱུགས། །མེ་ཡི་དཀྱིལ་འཁོར་ས་བོན་བཅས། །དུར་ཁྲོད་ཕ་གུས་བྲི་བར་བྱ། །དེར་ནི་ཕོ་མོ་ཐོད་པ་ལ། །ཕྱི་རོལ་དམར་ནག་ཚོན་གྱིས་བྱུགས། །ནང་དུ་
D758.096.0025a04.01སྣ་ཚོགས་རྡོ་རྗེ་ནི། །མུ་ཁྱུད་གསུམ་ལྡན་བྲི་བར་བྱ། །དབུས་སུ་རྡོ་རྗེ་མཁའ་འགྲོ་མའི། །སྙིང་པོ་སྔགས་བཅས་བྲི་བར་བྱ། །རྡོ་རྗེ་རྭ་ནི་ཐམས་ཅད་ལ། །ཧཱུྃ་བྲི་མུ་ཁྱུད་གཉིས་ཕྲེང་སྔགས། །གསུམ་པར་ཁྲོ་བོའི་སྔགས་བྲིའོ། །ཐོད་པ་ཁ་སྦྱོར་ནང་དུ་ནི། །སྐེ་ཚེ་ཡུངས་
D758.096.0025a05.01ཀར་བཙན་དུག་དང་། །ལན་ཚྭ་ཁྲག་དང་ཤ་ཆེན་དང་། །རྐང་རྗེས་ས་ལ་སོགས་པ་བླུགས། །གཅེར་བུ་རྣལ་འབྱོར་སྐྲ་བཤིག་ནས། །ལྷ་ཡི་སྦྱོར་ལྡན་ལྷོར་བལྟས་ནས། །ཞབས་ཀྱིས་ཐོད་པའི་འཁོར་ལོ་ནི། །མནན་ཏེ་སྔགས་ཕྲེང་བརྗོད་པར་བྱ། །ཁྲོ་བོ་ཆེན་པོའི་སྦྱོར་བ་ཡི། །
D758.096.0025a06.01མཉམ་བཞག་ནས་ནི་སྟོང་ཕྲག་ཏུ། །བཟླས་པ་མཚན་ཕྱེད་པར་བྱས་ན། །བསད་པ་ཉིད་ལ་ཐེ་ཚོམ་མེད། །དུར་ཁྲོད་རས་ལ་འཁོར་ལོ་ནི། །དབུས་སུ་མེ་ཡི་དཀྱིལ་འཁོར་ཅན། །རྩིབས་བརྒྱད་མུ་ཁྱུད་གསུམ་ལྡན་པ། །དབུས་སུ་སྙིང་པོ་སྔགས་རྣམས་ལ། །ཧཱུྃ་
D758.096.0025a07.01