完整藏文原文 · 德格版页 当前仅加载第 93 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་རོ། །གདུགས་དྲུག་སྩལ་ན་སྡིག་པའི་ལས་དང་། ཉོན་མོངས་པ་དང་། ལྕི་བ་བཞི་དང་། མཚམས་མ་མཆིས་པ་ལྔ་དང་། རྨི་ལམ་ངན་པ་དང་། བྱད་སྟེམས་ཐམས་ཅད་རྣམ་པར་འཇོམས་ཤིང་། ངན་འགྲོ་རྣམས་སུ་ནམ་ཡང་ལྟུང་བར་མི་འགྱུར་ལགས་སོ། །
D692.093.0135a01.01གདུགས་བདུན་སྩལ་ན་རྒྱལ་པོ་དང་། བློན་པོ་ཆེན་པོ་དང་། སྐྱེ་བོ་མང་པོ་ཐམས་ཅད་རྗེས་སུ་འབྲང་ཞིང་བཀུར་སྟི་བགྱིས་ནས་ཡིད་ཆེས་ཤིང་བྱམས་པར་འགྱུར་རོ། །ཞག་བདུན་ཕྲག་གཉིས་ཀྱི་བར་དུ་སྩལ་ན་རང་དབང་ཆེན་པོ་ཐོབ་པར་འགྱུར་རོ། །ཞག་བདུན་ཕྲག་གསུམ་གྱི་བར་དུ་སྩལ་
D692.093.0135a02.01ན་རྒྱལ་པོ་དང་། བློན་པོ་ཆེན་པོ་དག་དང་མཛའ་བར་འགྱུར་རོ། །ཞག་བདུན་ཕྲག་བཞིའི་བར་དུ་སྩལ་ན་གནོད་སྦྱིན་འཁོར་དང་བཅས་པ་རྣམས་རིམ་གྲོ་བགྱིད་པར་འགྱུར་རོ། །ཞག་བདུན་ཕྲག་ལྔའི་བར་དུ་སྩལ་ན་ལྷ་མ་ཡིན་དང་། ཀླུ་དང་། གནོད་སྦྱིན་རྣམས་དང་། སྲིན་པོ་རྣམས་
D692.093.0135a03.01གཡོག་བགྱིད་པར་འགྱུར་རོ། །ཞག་བདུན་ཕྲག་དྲུག་གི་བར་དུ་སྩལ་ན་ནམ་མཁའ་ལྡིང་དང་། སྲིན་པོ་མཐུ་ཆེན་པོ་དང་ལྡན་པ་རྣམས་ཀྱིས་མངོན་པར་རྫོགས་པར་འཚང་རྒྱ་བའི་བར་དུ་ཡོངས་སུ་བསྲུང་བར་བགྱིད་པས། བྱད་སྟེམས་དང་། འདྲེ་གདོན་རྣམས་ཀྱིས་ཚུགས་པར་མི་འགྱུར་
D692.093.0135a04.01རོ། །ཞག་བདུན་ཕྲག་བདུན་གྱི་བར་དུ་སྩལ་ན་ལྷ་ནག་པོ་ཆེན་པོ་དང་། འདྲེ་སྲིན་བརྒྱད་རྣམས་ཉེ་བར་ལྷགས་ནས་རྗེས་སུ་འབྲང་ཞིང་གཡོག་བགྱིད་པར་འགྱུར་རོ། །ཞག་བདུན་ཕྲག་བརྒྱད་ཀྱི་བར་དུ་སྩལ་ན་ཨནྟྲད་ནར་འགྱུར་རོ། །ཞག་བདུན་ཕྲག་དགུའི་བར་དུ་སྩལ་
D692.093.0135a05.01ན་གཏེར་ཐམས་ཅད་མཐོང་བར་འགྱུར་རོ། །ཞག་བདུན་ཕྲག་བཅུའི་བར་དུ་སྩལ་ན་ལྷ་མ་ཡིན་གྱི་ཁང་ཁྱིམ་གྱི་སྒོ་རང་བྱེ་ནས། དེ་ན་ཅི་མཆིས་པ་ཐམས་ཅད་མཐོང་བར་འགྱུར། འབྱུང་ཞིང་འཇུག་པ་ལ་ཐོགས་པ་མ་མཆིས་པར་འགྱུར་རོ། །ཞག་བདུན་ཕྲག་བཅུ་གཅིག་གི་བར་དུ་སྩལ་ན་སྨན་
D692.093.0135a06.01ཞུགས་ལྟར་འབར་བ་ཇི་སྙེད་པ་ཐམས་ཅད་མངོན་སུམ་དུ་དགའ་བར་འགྱུར་བས་ཚེ་རིང་བར་འགྱུར་འཚལ་ལམ། མཐུ་ཆེན་པོ་དང་ལྡན་པར་འཚལ་ནའང་དེ་བཞིན་དུ་འགྲུབ་པར་འགྱུར་རོ། །ཞག་བདུན་ཕྲག་བཅུ་གཉིས་ཀྱི་བར་དུ་སྩལ་ན་དྲང་སྲོང་མང་པོ་རྣམས་ཀྱིས་རིན་པོ་ཆེའི་གཏེར་
D692.093.0135a07.01