完整藏文原文 · 德格版页 当前仅加载第 93 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ལུས་ཡང་དག་པ་ཉིད་མཐོང་ཞིང་བསམ་པ་ཐམས་ཅད་རྫོགས་པར་བགྱིད་ལགས་སོ། །གལ་ཏེ་ལག་ན་རྡོ་རྗེ་མཐོང་བར་འཚལ་ན་བཟླས་བརྗོད་ལན་ཁྲི་བགྱིས་ན་ལུས་མངོན་སུམ་དུ་བསྟན་ནས། དེ་ལ་བརྩེ་ཞིང་ཕས་བུ་ལ་བྱམས་པ་བཞིན་དུ་སེམས་ཀྱི་སྨོན་པ་རྣམས་
D692.093.0133a01.01སྩོལ་བར་འགྱུར་ལགས་སོ། །གལ་ཏེ་སངས་རྒྱས་དང་། འཁོར་འདུས་པ་མང་པོ་མཐོང་བར་འཚལ་ན་ལན་ཁྲི་སུམ་སྟོང་བཟླས་བརྗོད་བགྱིས་ན་དེ་བཞིན་དུ་མཐོང་བར་འགྱུར་ལགས་སོ། །གལ་ཏེ་གདུགས་མཚན་བདུན་གྱི་བར་དུ་རྒྱུན་ཆད་པ་མ་མཆིས་པར་བཟླས་བརྗོད་བགྱིས་
D692.093.0133a02.01ན་རིག་སྔགས་འཆང་རྣམས་མངོན་སུམ་དུ་སྟོན་ཅིང་། སོ་སོ་ནས་རང་རང་གི་སྔགས་ཀྱི་མཐུ་ཅི་མཆིས་པ་གང་ཟག་དེ་ལ་སྩལ་ནས་ཡོངས་སུ་བསྲུང་བར་བགྱིད་དེ། ཞག་བདུན་པ་ལ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་དབང་པོ་དང་། བརྒྱ་བྱིན་ལྷའི་དབང་
D692.093.0133a03.01པོ་རྣམས་འཁོར་དང་བཅས་ཏེ་མཆིས་ནས་དེའི་སྨོན་པ་རྣམས་སྩོལ་བར་བགྱིད་དོ། །བཟླས་བརྗོད་ཀྱི་ཆོ་ག་གོང་དུ་བསྟན་པ་བཞིན་དུ་བགྱིས་ན་སྨོན་པ་རྣམས་ཡོངས་སུ་རྫོགས་པར་བགྱིད་དེ། འདི་ནི་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གསང་བའི་མཛོད་ལས་
D692.093.0133a04.01ཐམས་ཅད་བྱམས་ཤིང་མོས་པར་འགྱུར་བའི་ཆོ་ག་ཞེས་བགྱི་བ་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གསང་བའི་མཛོད་ལས་ཐམས་ཅད་བྱམས་ཤིང་མོས་པར་འགྱུར་བའི་ཆོ་གའི་ལེའུ་སྟེ་གཉིས་པའོ།། །།དེ་ནས་བྱང་ཆུབ་སེམས་དཔའ་སྤྱན་
D692.093.0133a05.01རས་གཟིགས་དབང་ཕྱུག་གཞན་ཡང་སེམས་ཅན་རྣམས་ལ་སྙིང་བརྩེ་བའི་ཕྱིར། གང་གིས་མཐོང་བ་དག་བྱམས་ཤིང་དགའ་བར་འགྱུར་བའི་སྨན་སྦྱར་ནས་ལུས་ལ་ཐོགས་ཏེ་འགྲོ་ན་མཆོག་ཏུ་མངོན་པར་འགྲུབ་ཅིང་བསམ་པ་ཐམས་ཅད་ཡིད་བཞིན་དུ་འགྲུབ་པའི་ཆོ་ག་བསྟན་པ།
D692.093.0133a06.01གིའུ་ཝང་དང་། ཙནྡན་དཀར་པོ་དང་། གུར་གུམ་དང་། ག་པུར་དང་། གླ་རྩི་དང་། ཛཱ་ཏི་ཕ་ལ་དང་། ལི་ཤི་དང་། ཀ་ཀོ་ལ་དང་། པདྨ་དང་། ཨུཏྤལ་སྔོན་པོ་དང་། གསེར་གྱི་གྱིམ་བག་རྣམས་ཆ་མཉམ་པར་བགྱིས་ཏེ། བརྡུངས་ནས་སྦྲང་རྩི་དཀར་པོས་སྦྲུས་ཏེ།
D692.093.0133a07.01