完整藏文原文 · 德格版页 当前仅加载第 93 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་རང་འབྱུང་བར་འགྱུར་རོ། །ཤུ་ཆེན་བྱུང་བ་ལ་ལེང་སེའུ་ཧྭ་བརྡུངས་པའི་ཁུ་བ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ཤུ་བའི་སྟེང་དུ་བླུགས་ན་རྩ་བ་རང་འབྱུང་བར་འགྱུར་བས་མོད་ལ་འཚོ་བར་འགྱུར་རོ། །མིག་ཏུ་སྦྲང་མ་ཞུགས་ཏེ་ན་བར་གྱུར་ན་བོང་བུའི་རྟུག་པ་
D691.093.0110a01.01བཙིར་བའི་ཁུ་བ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་མཚན་མོ་མིག་ཏུ་བླུགས་ན་འཚོ་བར་འགྱུར་རོ། །ལྟོ་བ་ན་བར་གྱུར་ན་ཁྲོན་པའི་ཆུ་གཙང་མའི་ནང་དུ་ལན་ཚྭ་མ་གྲུགས་པ་འབྲུམ་བུ་ཉི་ཤུ་རྩ་གཅིག་བོར་ཏེ། ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་ཕུལ་ཕྱེད་འཐུངས་
D691.093.0110a02.01ན་ཕན་པར་འགྱུར་རོ། །མིག་ཚག་པོར་གྱུར་ཏམ། མིག་ཏུ་ཤ་ལྷག་བྱུང་བར་གྱུར་ཏམ། ལིང་ཏོག་བྱུང་བར་གྱུར་ན་ཀེའུ་ཁི་ཚེའི་ཤིང་གི་ལོ་མ་བརྡུངས་ཏེ་བཙིར་བའི་ཁུ་བ་ལ་ལན་བདུན་སྔགས་ཀྱིས་བཏབ་སྟེ། དེའི་ནང་དུ་ཁར་བའི་དོང་ཚེ་གཅིག་མཚན་གཅིག་སྦངས་ནས་ཡང་ལན་
D691.093.0110a03.01བདུན་སྔགས་ཀྱིས་བཏབ་སྟེ། མིག་ཏུ་བླུགས་ན་འཚོ་བར་འགྱུར་རོ། །གལ་ཏེ་མཚན་མོ་འབྱུང་འཇུག་གི་ཚེ་འཇིགས་དངངས་ནས་མི་བདེ་བར་གྱུར་ན་སྐུད་པ་དཀར་པོ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། མདུད་པ་ཉི་ཤུ་རྩ་གཅིག་བྱས་ནས་མགུལ་དུ་བཏགས་ན་འཇིགས་
D691.093.0110a04.01ཤིང་དངང་བ་དང་འབྲལ་བར་འགྱུར་རོ། །འཇིགས་པ་དང་བྲལ་བ་ཁོ་ནར་མ་ཟད་ཀྱི་བསོད་ནམས་ཀྱང་ཐོབ་ལ་སྡིག་པ་རྣམས་ཀྱང་འབྱང་བར་འགྱུར་རོ། །གལ་ཏེ་ཁྱིམ་འཁོར་དུ་ལྟས་ངན་བྱུང་བར་གྱུར་ན་བལ་པོ་སེའུའི་ཤིང་གི་ཡལ་ག་བླངས་ནས་དུམ་བུ་སྟོང་རྩ་བརྒྱད་དུ་གཏུབས་
D691.093.0110a05.01ཏེ། མགོ་མཇུག་གཉི་གར་མར་དང་ཞོ་བསྐུས་ནས་སྔགས་ལན་རེ་བཟླ་ཞིང་རེ་རེ་བསྲེགས་ཏེ་སྟོང་རྩ་བརྒྱད་ཚང་བར་བྱས་ན་གདོན་བགེགས་ཐམས་ཅད་རབ་ཏུ་ཞི་བར་འགྱུར་ཏེ། དེའང་སངས་རྒྱས་ཀྱི་སྤྱན་སྔར་བྱ་དགོས་སོ། །ཤུ་དག་དཀར་པོ་བླངས་ནས་ལན་བརྒྱ་རྩ་བརྒྱད་
D691.093.0110a06.01སྔགས་ཀྱིས་བཏབ་སྟེ། དཔུང་པ་གཡས་པ་ལ་བཏགས་ནས་གཡུལ་ངོར་འཐབ་པ་དང་འབེལ་བའི་གཏམ་སྨྲ་བའི་གནས་ཐམས་ཅད་དུ་རྒྱལ་བར་འགྱུར་རོ། །ཀེའུ་ཁི་ཚེའི་ཤིང་གི་ལོ་མའམ་ཡལ་ག་ཡང་རུང་སྙེ་དུམ་བུར་གཏུབས་ནས་མགོ་མཇུག་གཉིས་ཀར་བ་མར་
D691.093.0110a07.01