完整藏文原文 · 德格版页 当前仅加载第 93 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་བས་བརྗོད་ཀྱིས་མི་ལང་ངོ་། །གང་ལ་ལ་ཞིག་སེམས་རྩེ་གཅིག་ཏུ་སེམས་དང་ལུས་གསོ་སྦྱོང་དང་ཚུལ་ཁྲིམས་ལ་གནས་ནས་སེམས་ཅན་ཐམས་ཅད་ཀྱི་སྔོན་གྱི་ལས་ཀྱི་ཁ་ན་མ་ཐོ་བ་རྣམས་བཤགས་ནས་བདག་ཉིད་ཀྱིས་བསྐལ་པ་ཚད་མེད་པ་ནས་བྱས་པའི་
D691.093.0105a01.01སྡིག་པའི་ལས་རྣམ་པ་སྣ་ཚོགས་མཐོལ་བཤགས་ཏེ། ཁ་ནས་གཟུངས་འདི་མྱུར་དུ་བཟླས་བརྗོད་བྱས་ནས་སྒྲ་རྒྱུན་ཆད་པ་མེད་པར་བྱས་ན། དགེ་སྦྱོང་གི་འབྲས་བུ་བཞི་པོ་དེ་དག་ཚེ་འདི་ཉིད་ལ་ཐོབ་པར་འགྱུར་རོ། །དབང་པོ་རྣོན་པོ་ཤེས་རབ་དང་ལྡན་པ་སྒོམ་པའི་ཐབས་ལ་མཁས་
D691.093.0105a02.01པ་ཞིག་ཡིན་ན་ནི་ས་བཅུའི་འབྲས་བུ་ཡང་དཀའ་བ་མེད་པར་འགྱུར་ན། འཇིག་རྟེན་གྱི་བསོད་ནམས་ཀྱིས་རྣམ་པར་སྨིན་པ་ཕྲན་ཚེགས་ཡོངས་སུ་གཉེར་བ་ཙམ་མངོན་པར་འགྲུབ་པར་འགྱུར་བ་ལྟ་སྨོས་ཀྱང་ཅི་དགོས་ཏེ། དེ་ཡང་བྱང་ཆུབ་སེམས་དཔའི་སྙིང་རྗེ་ཆེན་པོ་དང་སྨོན་
D691.093.0105a03.01ལམ་གྱི་མཐུ་ཤིན་ཏུ་ཟབ་པའི་ཕྱིར་དང་གཟུངས་འདིའི་བྱིན་གྱི་རླབས་ཤིན་ཏུ་རྒྱ་ཆེ་བའི་ཕྱིར་རོ། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ཡུལ་གང་དག་ན་གནོད་པ་བྱུང་བར་གྱུར་ན། དེའི་ཚེ་ཡུལ་དེའི་རྒྱལ་པོས་ཡང་དག་པའི་ཆོས་ཀྱིས་ཡུལ་འཛིན་ཅིང་།
D691.093.0105a04.01མི་རྣམས་བག་ཡངས་སུ་བཀོད་དོ། །སེམས་ཅན་སྟངས་ལས་མི་གཅོད་ཅིང་། ཉེས་པ་བྱུང་བ་རྣམས་ཡོངས་སུ་བསྐྱབས་ནས་ཉིན་མཚན་བདུན་གྱི་བར་དུ་ལུས་དང་སེམས་ཀྱི་བརྩོན་འགྲུས་བསྐྱེད་དེ། ཐུགས་རྗེ་ཆེན་པོའི་སེམས་ཀྱི་གཟུངས་སྔགས་འདི་འདོན་པར་བྱེད་ན། ཡུལ་
D691.093.0105a05.01དེའི་གནོད་པ་དང་བགེགས་ཐམས་ཅད་ཡོངས་སུ་བསལ་བར་འགྱུར། འབྲུ་རྣམས་ལེགས་ཤིང་མི་མང་པོ་བདེ་བར་འགྱུར་རོ། །གཞན་ཡང་ཕས་ཀྱི་རྒོལ་བའི་དགྲ་དག་ཡང་ནས་ཡང་དུ་འོངས་ཏེ་གཙེས་པས་འབངས་མང་པོ་མི་བདེ་བར་གྱུར་ཏམ་བློན་པོ་ཆེན་པོས་རྐུ་བཤམས་ནས་ལོག་པར་
D691.093.0105a06.01གྱུར་ཏམ། རིམས་ནད་བྱུང་བར་གྱུར་ཏམ། ཐན་ཆེན་བྱུང་བར་གྱུར་ཏམ། ཉི་ཟླ་རྒྱུ་བ་ནོར་བར་གྱུར་ཏམ་དེ་ལྟ་བུ་ལ་སོགས་པའི་གནོད་པ་འབྱུང་བར་འགྱུར་ན། དེའི་ཚེ་སྙིང་རྗེ་ཆེན་པོ་དང་ལྡན་པའི་མིག་སྟོང་པའི་གཟུགས་བྱས་ནས་དེའི་ཕྱོགས་སུ་ཁ་བསྟན་ཏེ། སྤོས་དང་། མེ་ཏོག་
D691.093.0105a07.01