完整藏文原文 · 德格版页 当前仅加载第 91 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཀྱང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མ་དང་རྒྱལ་པོ་ཆེན་པོ་རྣམ་ཐོས་ཀྱི་བུ་ཁ་དོག་འཕགས་པ། གཡོག་འཁོར་གནོད་སྦྱིན་དུ་མ་དང་། གཡོག་འཁོར་གནོད་སྦྱིན་བརྒྱ་ཕྲག་དུ་མ་དང་། གཡོག་འཁོར་གནོད་སྦྱིན་སྟོང་ཕྲག་དུ་མ་དང་།
D656.091.0156b01.01གཡོག་འཁོར་གནོད་སྦྱིན་འབུམ་ཕྲག་དུ་མ་དང་ལྡན་པ། ནམ་སྲོས་པ་དང་། ང་ག་ལ་བ་དེར་འོངས་ཏེ་ཕྱིན་ནས་ངའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །དེའི་ཚེ་རྒྱལ་པོ་ཆེན་པོ་རྣམ་ཐོས་ཀྱི་བུའི་ཁ་དོག་གི་མཐུས་རྒྱལ་བུ་རྒྱལ་བྱེད་ཀྱི་ཚལ་ཐམས་
D656.091.0156b02.01ཅད་སྣང་བ་ཆེན་པོས་གསལ་བར་གྱུར་ཏོ། །རྒྱལ་པོ་ཆེན་པོ་རྣམ་ཐོས་ཀྱི་བུ་ཕྱོགས་གཅིག་ཏུ་འདུག་ནས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །རྐང་གཉིས་དམ་པ་རྫོགས་སངས་རྒྱས། །བློ་ལྡན་ཁྱོད་ཀྱིས་གང་མཁྱེན་པ། །ལྷ་རྣམས་ཀྱིས་ནི་དེ་མ་འཚལ། །དཔའ་
D656.091.0156b03.01ཆེན་ཁྱོད་ལ་ཕྱག་འཚལ་ལོ། །སངས་རྒྱས་གང་དག་འདས་པ་དང་། །ད་ལྟར་བྱུང་དང་མ་བྱོན་པ། །ཐམས་ཅད་ལ་ནི་བདག་ཕྱག་འཚལ། །ཁྱོད་ལའང་བདག་ནི་སྐྱབས་སུ་མཆི། །བཙུན་པ་བཅོམ་ལྡན་འདས་ཀྱི་ཉན་ཐོས་དགེ་སློང་ངམ། དགེ་སློང་མའམ། དགེ་
D656.091.0156b04.01བསྙེན་ནམ། དགེ་བསྙེན་མ་གང་དག་གནས་མལ་དགོན་པ་དག་དང་། ནགས་འདབ་དག་དང་། བས་མཐའ་དག་ན་གནས་པ་དག་ཀྱང་མཆིས་ལ། དེ་ན་གནོད་སྦྱིན་དང་མི་མ་ལགས་པ་གདུག་པ་གཉུག་མར་གནས་པ་གང་དག་བཅོམ་ལྡན་འདས་ཀྱི་གསུང་རབ་ལ་མངོན་པར་དད་
D656.091.0156b05.01པ་དག་དང་། མངོན་པར་མ་དད་པ་དག་ཀྱང་མཆིས་ཏེ། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང་དག་བཅོམ་ལྡན་འདས་ཀྱི་གསུང་རབ་ལ་མངོན་པར་དད་པ་དེ་དག་ནི་ཤིན་ཏུ་ཉུང་ལ། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་
D656.091.0156b06.01གང་དག་བཅོམ་ལྡན་འདས་ཀྱི་གསུང་རབ་ལ་མངོན་པར་མ་དད་པ་དེ་དག་ནི་ཆེས་མང་ལགས་ཏེ། བཙུན་པ་བཅོམ་ལྡན་འདས་ཀྱི་ཉན་ཐོས་དགེ་སློང་རྣམས་དང་། དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་འདི་ལྟར་བདག་ཉིད་བསྲུང་བ་དང་།
D656.091.0156b07.01