完整藏文原文 · 德格版页 当前仅加载第 91 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ལྟར་བྱང་གི་ཕྱོགས་དེ་ནི། །བཟང་བ་ལགས་ཞེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་
D656.091.0152a01.01བཟང་། །བྱང་ཕྱོགས་ན་ནི་ལུས་ངན་པོ། །རྒྱལ་པོ་ཆེན་པོ་དེ་བཞི་དག །འཇིག་རྟེན་སྐྱོང་བ་གྲགས་དང་ལྡན། །རྫུ་འཕྲུལ་ཆེན་པོ་སྟོབས་པོ་ཆེ། །ཕྱོགས་བཞི་དག་ནི་སྐྱོང་བར་བགྱིད། །རྒྱལ་པོ་དག་གི་མངག་གཞུག་པ། །གནོད་སྦྱིན་འདོད་དགུར་མཆི་བ་རྣམས། །
D656.091.0152a02.01དེ་དག་གླང་པོ་ཆེ་འཚལ་ཞིང་། །ཕྱོགས་ཕྱོགས་དག་ཏུ་རྣམ་པར་རྒྱུ། །དེ་དག་ནི་ཆི་བས་རྟ་དང་། རྔ་མོ་དང་། ཁྱུ་མཆོག་དང་། མ་ཧེ་དང་། ར་དང་། ལུག་དང་། སྦྲུལ་དང་། བྱ་དང་། སྐྱེས་པ་དང་། བུད་མེད་དང་། གཞོན་ནུ་དང་། གཞོན་ནུ་མ་ལ་འཚལ་ཞིང་ཕྱོགས་
D656.091.0152a03.01ཕྱོགས་དག་ཏུ་ཡང་མཆི་ལགས་སོ། །གླང་པོ་ཆེ་གཅིག་གིས་ཤིང་རྟ་དྲངས་ཤིང་ཕྱོགས་ཕྱོགས་དག་ཏུ་ཡང་མཆི་ལགས་སོ། །ཆིབས་རྟ་དང་། རྔ་མོ་དང་། ཁྱུ་མཆོག་དང་། མ་ཧེ་དང་། ར་དང་། ལུག་དང་། སྦྲུལ་དང་། བྱ་དང་། སྐྱེས་པ་དང་། བུད་མེད་དང་། གཞོན་
D656.091.0152a04.01ནུ་དང་། གཞོན་ནུ་མ་གཅིག་གིས་ཤིང་རྟ་དྲངས་ཤིང་ཕྱོགས་ཕྱོགས་དག་ཏུ་ཡང་མཆི་ལགས་སོ། །རྫུ་འཕྲུལ་ཆེན་པོ་སྟོབས་པོ་ཆེའི། །གནོད་སྦྱིན་འདོད་དགུར་མཆི་བ་རྣམས། །བཞོན་པ་དེ་དག་འཚལ་ནས་ནི། །ཕྱོགས་བཞི་དག་ནི་སྐྱོང་བར་བགྱིད། །རྒྱལ་པོ་དག་ནི་གྲོང་
D656.091.0152a05.01ཁྱེད་དག །སྣ་ཚོགས་མཁའ་ལ་རྒྱུ་བ་མཆིས། །འདི་ལྟ་སྟེ། ཀུན་ཏུ་རྒྱུ་བ་དང་། ཀུན་ཏུ་རྒྱུ་བ་མ་ལགས་པ་དང་། ས་ལ་ཀུན་ཏུ་རྒྱུ་བ་མ་ལགས་པ་དང་། གར་བཅས་ས་སྟེང་ཀུན་ཏུ་རྒྱུ་བ་དང་། སྦུབས་ཅན་དང་གྲོང་ཁྱེར་སྦུབས་ཅན་ཞེས་བགྱི་བ་དག་ལགས་སོ། །བྱང་ཕྱོགས་ན་
D656.091.0152a06.01མཚོ་ཀ་པི་བང་ཀ་ཞེས་བགྱི་བ་ཡང་མཆིས་ལགས་སོ། །ནུབ་ཕྱོགས་ན་གྲོང་ཁྱེར་སར་པ་གསར་ལྡན་དང་། གོས་ཅན་དང་། གོས་མཆོག་ཅན་དང་། པདྨ་ཅན་དང་། པདྨ་བཟང་པོ་ཅན་དང་། ས་གཞི་ཅན་ཞེས་བགྱི་བ་དག་ཀྱང་མཆི་ལགས་སོ། །ཆབ་རྒྱུན་མང་པོའི་
D656.091.0152a07.01