完整藏文原文 · 德格版页 当前仅加载第 91 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཕུལ་བྱུང་བ། །རྒྱུད་འདིར་བཤད་པ་མཉན་པར་བྱོས། །མི་ནི་རིན་ཆེན་དང་པོ་སྟེ། །གང་གང་བསྒྲུབ་པ་དེ་དང་དེ། །འགྲུབ་པར་འགྱུར་གྱི་གཞན་དུ་མིན། །རལ་གྲི་ལྕགས་སམ་ཤིང་ཉིད་ལ། །སོར་བཞི་པའམ་སོར་བརྒྱད་བྱ། །ཡུ་བར་རིགས་ཀྱི་རྒྱ་ལྔ་བྲི། །བ་ཡི་རྣམ་ལྔ་དྲི་ཞིམ་ཆུས། །བཀྲུས་
D632.091.0095a01.01ཏེ་དྲི་དང་མེ་ཏོག་མཆོད། །ཟླ་དྲུག་སྔགས་བཟླས་ཁྲོ་བོ་སྒོམ། །རལ་གྲི་དུད་འཐུལ་འོད་དུ་འབར། །བླངས་པས་མཁའ་སྤྱོད་ཡུལ་འགྲོ་འགྱུར། །ཚེ་ནི་བར་གྱི་བསྐལ་པ་སྟེ། །ལྷ་ཡི་བཞོན་པ་སྣ་ཚོགས་བཅིབས། །སངས་རྒྱས་ཞིང་རྣམས་འགྲོ་བར་འགྱུར། །གསེར་དངུལ་ཟངས་ཀྱི་ཞགས་པའམ། །
D632.091.0095a02.01ཤིང་གི་ཞགས་པའང་དེ་ལྟར་འགྲུབ། །རྒྱལ་མཚན་ནོར་བུ་གིའུ་ཝང་གདུགས། །ལྕགས་ཀྱུ་རྣམས་ཀྱང་དེ་བཞིན་བསྒྲུབ། །ལྷ་རྣམས་བསྒྲུབ་ན་ཐང་ཤིང་ལ། །གང་འདོད་ལྷ་ཡི་གཟུགས་བྱས་ཏེ། །སྔགས་བཟླས་ཙམ་གྱིས་མདུན་དུ་འོང་། །ཅི་འདོད་གསོལ་འདེབས་འདོད་པ་སྨྲ། །ཀླུ་ལ་ནཱ་ག་གེ་
D632.091.0095a03.01སར་ཤིང་། །གནོད་སྦྱིན་ལ་ནི་གསེར་ལས་གཟུགས། །དྲི་ཟ་ལ་ནི་འོ་མའི་ཤིང་། །མཁའ་ལྡིང་འཇིམ་པའི་གཟུགས་ཀྱིས་སོ། །སྲིན་པོ་ལ་ནི་དུར་ཁྲོད་ཤིང་། །གང་ཡང་གཟུགས་བྱས་རྐང་པ་ནི། །གཡོན་པས་དེ་ཡི་སྐེ་མནན་ཏེ། །སུམ་འབུམ་བཟླས་ན་མདུན་དུ་འོང་། །ཅི་འདོད་སྨྲ་ཚེ་དགོས་པ་བླང་། །
D632.091.0095a04.01ཤར་དུ་རས་རིས་ཁ་སྤྲད་དྲུང་། །དུས་གསུམ་ཁྲུས་བྱ་གོས་རློན་གྱོན། །སུམ་འབུམ་བཟླས་ན་མར་ངོ་ཡི། །བརྒྱད་ལ་འབྱུང་པོ་གཏོར་མ་སྦྱིན། །མཎྜལ་སྟེང་དུ་རོ་བཞག་ནས། །རང་ཉིད་རིན་ཆེན་ཁྲི་སྟེང་དུ། །སྙིང་པོ་ཁྲི་བརྗོད་རོ་འགུལ་འགྱུར། །མི་སྐྲག་ཁ་ཡི་ནང་དུ་ལྕེ། །པདྨ་ཁ་ཕྱེ་ལྟེ་ཅན་མཐོང་། །
D632.091.0095a05.01བཅད་ན་རལ་གྲི་རིག་འཛིན་འགྱུར། །ལྷ་ཡི་གཟུགས་ཀྱིས་ཚངས་པ་ཡི། །འཇིག་རྟེན་ཁམས་ཀྱི་གནས་རྣམས་རྒྱུ། །གིའུ་ཝང་བདུན་བཟླས་ཐིག་ལེས་ནི། །སྐྱེ་བོ་ཀུན་གྱིས་མི་མཐོང་ངོ་། །མི་གཡོ་པུས་མོ་བཙུགས་པའམ། །འཇམ་དཔལ་རིས་མའི་དྲུང་དུ་ནི། །འཇམ་དཔལ་སྔགས་འདི་ས་
D632.091.0095a06.01ཡ་བཟླས། །ཉ་ལ་ཁྱད་པར་མཆོད་པ་བྱ། །མཚན་རངས་བཟླས་པའི་ཐོ་རངས་ནས། །དང་པོ་རྟགས་ས་གཡོ་བར་འགྱུར། །གཉིས་པ་ཉི་མ་འགྱུར་ལྡོག་བྱེད། །ཕྱོགས་བཞིར་མཁའ་ལ་སྒྲ་ཆེན་པོ། །ཧ་ཧ་འབྲུག་སྐད་གྲག་པར་འགྱུར། །གསུམ་པར་མཁའ་ལ་རིག་འཛིན་རྣམས། །མེ་ཏོག་
D632.091.0095a07.01