完整藏文原文 · 德格版页 当前仅加载第 91 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལུས་ངན་དང་། གཤིན་རྗེ་དང་། དགའ་རབ་དབང་ཕྱུག་ལ་སོགས་པ་ལྷའི་རིགས་སུམ་བརྒྱ་དང་ལྷན་ཅིག་ཏུ་ཆོས་ཀྱི་རྣམ་གྲངས་གསང་སྔགས་ཞེས་བྱ་བ་ལ་འཇུག་པ་གང་ཞིག་བྱང་ཆུབ་སེམས་དཔའ་དང་། ཉན་ཐོས་དང་། འཇིག་རྟེན་སྐྱོང་བ་ལ་སོགས་པ་རྣམ་པ་དུ་མ་དང་ལྡན་པའི་
D632.091.0081b01.01འཁོར་རྣམས་ལ་དགོངས་པ་ཐ་དད་ཀྱི་བསམ་པ་དང་མཐུན་པའི་བཀོད་པ་ཆེན་པོ་བསྐྱེད་པ་དང་། ཆོ་འཕྲུལ་དུ་མ་བསྒྱུར་བ་དང་། འོད་ཟེར་དུ་མ་འགྱེད་ཅིང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཀྱིས་འཛུམ་བཞིན་དུ་འཁོར་ལ་གཟིགས་ནས་ལྗགས་ཀྱི་དབང་པོ་བཀྲམ་སྟེ། བྱང་
D632.091.0081b02.01ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཡི་གེ་མིང་ཚིག་ངག་གི་སྒོས། །སྔགས་དབྱིབས་ཆོས་སུ་བྱིན་བརླབས་ཀྱིས། །ཡི་གེ་སྒྲ་ཙམ་ཕྱེད་དམ་གཅིག །མངོན་སུམ་རྗེས་འཇུག་རིང་ཐུང་དང་། །དབྱངས་དང་གསལ་བྱེད་མཚན་མས་མཚོན། །ས་བཅུ་
D632.091.0081b03.01ཕ་རོལ་ཕྱིན་བཅུ་བདག །དབང་བཅུ་དོན་བཅུ་རྣམ་པ་བཅུ། །མི་འཇིགས་བཞི་དང་མ་འདྲེས་ཆོས། །བྱམས་དང་ཐུགས་རྗེ་ཆེན་པོ་དག །དབྱངས་གཅིག་གི་ནི་སྔགས་ཀྱིས་སུ། །སྡུག་བསྔལ་སྣ་ཚོགས་རབ་ཞི་དང་། །ཡིད་འཕྲོག་དཔལ་འབྱོར་དབང་ཕྱུག་དང་། །མཐུ་སྟོབས་
D632.091.0081b04.01དུ་མ་བསྐྱེད་པ་དང་། །རྟག་གནས་ཐོབ་དང་དོན་ངེས་ཐོབ། །རྡོ་རྗེ་བླ་ན་མེད་སེམས་བསྐྱེད། །མདོར་ན་གང་གིས་གང་འདོད་པ། །བསམ་པས་སེམས་རྣམས་རྫོགས་པའི་ཕྱིར། །རྡོ་རྗེ་བླ་ན་མེད་པ་གསོར། །ཆོས་སྒྲ་བླ་ན་མེད་པ་སྒྲོགས། འཁོར་ལོ་བླ་ན་མེད་པ་སྐོར། རལ་གྲི་
D632.091.0081b05.01བླ་ན་མེད་བཟུང་། །པདྨ་བླ་ན་མེད་པ་ཆོངས། །རིན་ཆེན་བླ་མེད་གསལ་བར་གྱིས། །དཀྱིལ་འཁོར་ཚུལ་དུ་སྤྲོས་ནས་ཀྱང་། །མཆོད་རྟེན་ཚུལ་དུ་བསྡུ་བར་གྱིས། །ལྷ་ཀླུ་གནོད་སྦྱིན་དྲི་ཟ་དང་། །ལྷ་མིན་མཁའ་ལྡིང་མིའམ་ཅི། །སྲིན་པོ་ཤ་ཟ་བརྗེད་བྱེད་ཚོགས། །འཇིགས་
D632.091.0081b06.01པ་དག་ཀྱང་འཇིགས་འགྱུར་བའི། །རྣམ་འཕྲུལ་དུ་མ་འདི་སྒྱུར་ཅིག །གསུང་མཆོག་དེ་སྐད་ཐོས་མ་ཐག །ལག་ན་རྡོ་རྗེ་མཐུ་བོ་ཆེས། །དགའ་མགུ་ཐལ་མོ་རབ་སྦྱར་ཏེ། །སྙན་པའི་ཚིག་གིས་འདི་གསོལ་ཏོ། །གསེར་དང་རིན་ཆེན་ལྔ་པོ་ལས། །རབ་མཆོག་རི་བོར་གྱུར་
D632.091.0081b07.01