完整藏文原文 · 德格版页 当前仅加载第 90 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཉམས་སུ་མྱོང་བར་འགྱུར་རོ། །ཅི་སྟེ་བརྒྱ་ལ་མིའི་ལུས་ཐོབ་ན་ཡང་དབུལ་བ་དང་ཡན་ལག་མ་ཚང་བ་དང་། ཤེས་རབ་ཆུང་བ་དང་། ཡི་གེ་མི་ཤེས་པ་དང་། སངས་རྒྱས་དང་། ཆོས་དང་། དགེ་འདུན་དང་བྲལ་བ་དང་། འཇིག་རྟེན་ཐམས་
D599.090.0253a01.01ཅད་ཀྱིས་དམད་པ་དང་། རྟག་ཏུ་སྐོམ་པ་དང་། བཀྲེས་པ་སེམས་པ་དང་། ཚེ་ཐུང་ཞིང་ནད་མང་བར་འགྱུར་རོ། །དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་ནོར་བུའི་སྙིང་པོ་དྲི་མ་མེད་པའི་གཏམ་ངན་ཐོས་ནས་བཅོམ་ལྡན་འདས་ཀྱི་སྤྱན་སྔར་ཤིན་ཏུ་འཇིགས་སྐྲག་སྟེ་ཡིད་མི་
D599.090.0253a02.01དགའ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་རེ་བ་མ་མཆིས་པར་གྱུར་ཏོ། །བདག་ལ་སྐྱབས་བགྱིད་པ་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་དབང་པོ་འཆི་བདག་གི་ཆད་པ་ཆེན་པོའི་གཉེན་པོ་ཡོད་ཀྱི་དེ་བས་ན་རེ་བ་མེད་པར་
D599.090.0253a03.01མ་བྱེད་ཅིག །དེས་ཕྱི་མའི་ཚེ་ཕྱི་མའི་དུས་ན་སེམས་ཅན་དེ་དག་འཆི་བའི་དུས་ཀྱི་ཚེ་བདེ་བར་འཆི་བའི་དུས་བྱེད་པར་འགྱུར་རོ། །སེམས་ཅན་དམྱལ་བ་དང་། དུད་འགྲོའི་སྐྱེ་གནས་ཐམས་ཅད་ལས་ཡོངས་སུ་ཐར་བར་འགྱུར་རོ། །དྲན་པ་ཙམ་གྱིས་སྒྲིབ་པ་ཐམས་
D599.090.0253a04.01ཅད་བྱང་བར་འགྱུར་རོ། །ཚེ་རིང་པོར་འགྱུར་རོ། །ཤིན་ཏུ་ཡོངས་སུ་དག་པའི་ལུས་ཐོབ་པར་འགྱུར་རོ། །དེ་ནས་ལྷའི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོས་བཅོམ་ལྡན་འདས་ག་ལ་བ་དེ་
D599.090.0253a05.01ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རེ་བ་འཕེལ་བར་མཛད་དུ་གསོལ། བཅོམ་ལྡན་འདས་ལྷ་ཐམས་ཅད་བསྐྱབ་ཏུ་གསོལ། བཅོམ་ལྡན་འདས་སྐྱེ་དགུའི་འཇིག་རྟེན་ཐམས་ཅད་བསྒྲལ་
D599.090.0253a06.01དུ་གསོལ། བཅོམ་ལྡན་འདས་འཆི་བའི་འཇིགས་པ་ཞི་བར་མཛད་དུ་གསོལ། བཅོམ་ལྡན་འདས་སེམས་ཅན་དམྱལ་བའི་སྡུག་བསྔལ་མི་བཟད་པ་བསལ་དུ་གསོལ། བཅོམ་ལྡན་འདས་ཅི་ཆོས་ཀྱི་རྒྱལ་པོ་གཤིན་རྗེ་དགུག་ཏུ་གསོལ། བཅོམ་ལྡན་འདས་གླིང་
D599.090.0253a07.01