完整藏文原文 · 德格版页 当前仅加载第 90 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
བ་སེམས་ཅན་དམྱལ་བའི་སྡུག་བསྔལ་རྣམས་མྱོང་བར་འགྱུར་རོ། །ཐོག་མར་ནི་གྲོང་ཁྱེར་ཆེན་པོ་བཱ་རཱ་ཎ་སཱིར་སྨྱིག་མ་མཁན་གྱི་ཕྱིས་ཁུང་གི་འདམ་རྫབ་ཀྱི་ནང་དུ་ཤ་ཟ་མོ་ཕག་མགོ་ཅན་དུ་སྐྱེ་བར་འགྱུར་ཏེ། ཕྱིས་ཁུང་དེ་ན་བཤང་གཅི་ཟའོ། །ཕྱིས་ཁུང་དེ་ཉིད་ཀྱི་ནང་
D599.090.0252b01.01ན་སྲོག་ཆགས་བྱེ་བ་བརྒྱ་སྟོང་གནས་ཏེ་དེ་དག་དུས་གསུམ་དུ་ཕག་མོ་དེའི་ཤ་ཟ་ཞིང་ཀེང་རུས་འབའ་ཞིག་ལུས་པར་བྱེད་དོ། །དེ་ནས་ཡང་ལས་ཀྱི་དབང་གིས་ལུས་ཀུན་རྫོགས་པར་གྱུར་ཏེ་ལོ་བདུན་འཚོ་བར་འགྱུར་རོ། །དེ་ནས་འཆི་བའི་དུས་བྱེད་པར་འགྱུར་ཏེ། དེ་ནས་
D599.090.0252b02.01དགོན་པར་རུས་སྦལ་གྱི་སྐྱེ་གནས་སུ་སྐྱེ་ལ་དེ་ན་ཆུའི་མིང་ཡང་མི་གྲག་ཅིང་ཤིང་གྲིབ་ཀྱང་མེད་དེ་ཉི་ཚན་གྱིས་ལུས་གདུངས་ཤིང་ཚིག་ལ་བྱེ་ཚན་ཟ་ཞིང་བྱ་རོག་དག་གིས་ལུས་བཏོགས་ནས་ལུས་དུམ་བུར་འགྱུར་རོ། །དེ་ནས་ཡང་ལས་ཀྱི་དབང་གིས་ལུས་བྱུང་ནས་ཞིག་པར་འགྱུར་
D599.090.0252b03.01ཏེ་ལོ་ལྔ་ཚང་བར་དེ་ལྟར་འགྱུར་རོ། །དེ་ནས་འཆི་བའི་དུས་བྱེད་པར་འགྱུར་ཏེ་བཱ་རཱ་ཎ་སཱི་དེ་ཉིད་དུ་འབབ་ཆུ་ཆེན་པོའི་ཉ་ཆེན་པོར་སྐྱེ་བར་འགྱུར་རོ། །དེ་ནས་ཡང་ལས་ཀྱི་དབང་གིས་གང་ན་ཆུ་མེད་པ་དེར་འཕངས་ནས་ལུས་ཆེན་པོ་དེ་ལ་སྦྲུལ་གདུག་པ་དང་། བྱ་རོག་དང་། སྲེ་
D599.090.0252b04.01མོ་དང་། ཁྱི་དང་། གཟིག་དང་། དྲེད་དང་། ཅེ་སྤྱང་ལ་སོགས་པས་ཟའོ། །སྲོག་ཆགས་སྣ་ཚོགས་པ་གཞན་དག་གིས་ཀྱང་ཟའོ། །དེ་ནས་ཡང་ལས་ཀྱི་དབང་གིས་ལུས་བྱུང་ཞིང་ཟ་བར་འགྱུར་ཏེ་ལོ་གསུམ་དུ་དེ་ལྟར་འགྱུར་རོ། །དེ་ནས་ཡང་འཆི་བའི་དུས་
D599.090.0252b05.01བྱས་ནས་ཁྱིམ་བདུན་དུ་སྐྱེ་ཞིང་འཛམ་བུའི་གླིང་གི་སྡུག་བསྔལ་མྱོང་བར་འགྱུར་ཏེ། མཛེ་ཅན་གྱི་ཁྱིམ་དང་། དབུལ་པོའི་ཁྱིམ་དང་། གཡུང་པོའི་ཁྱིམ་དང་། ཤན་པའི་ཁྱིམ་དང་། རིགས་ངན་གྱི་ཁྱིམ་དང་། གདོལ་པའི་ཁྱིམ་དང་། དམུས་ལོང་གི་ཁྱིམ་
D599.090.0252b06.01དུ་སྐྱེ་སྟེ་ལོ་དྲུག་ཅུའི་བར་དུ་སྡུག་བསྔལ་མྱོང་བར་འགྱུར་རོ། །སྡུག་བསྔལ་དེ་དག་མྱོང་ནས་དེ་ནས་ཤི་འཕོས་ཏེ། སེམས་ཅན་དམྱལ་བ་ཆེན་པོ་བཅུ་དྲུག་ཏུ་བསྐལ་པ་བརྒྱད་ཅུ་རྩ་བཞིར་སྡུག་བསྔལ་མྱོང་བར་འགྱུར་རོ། །ལྷའི་དབང་པོ་དེ་ལྟ་བུའི་སྡུག་བསྔལ་
D599.090.0252b07.01