完整藏文原文 · 德格版页 当前仅加载第 90 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ཏེ་དཔྲལ་བར་ཐིག་ལེ་བྱས་ན་མཐོང་བ་ཙམ་གྱིས་རྒྱལ་པོ་ཡང་དབང་དུ་འགྱུར་རོ། །ནཱ་ག་གེ་སར་དང་། དེ་བཞིན་དུ་པདྨའི་གེ་སར་དང་། ཙནྡན་དམར་པོ་དང་། དེ་བཞིན་དུ་ཀུ་མུ་ད་དང་། ཨུཏྤ་ལ་དང་། ལྡོང་རོས་དང་། ཤིང་ཏ་ལ་དང་བཅས་པའི་གིའུ་ཝང་དང་། བར་
D566.090.0181b01.01ཧ་ཀནྟ་དང་། ཁྱབ་འཇུག་གིས་གནོན་པ་དང་། ཕག་གི་ཁྲག་གིས་རིལ་བུ་བྱས་ལ། འོད་ཟེར་ཅན་གྱི་སྔགས་བཟླས་ན་དཔྲལ་བར་ཐིག་ལེ་དང་། སྤྱི་བོ་དང་། མགྲིན་པ་དང་། སྙིང་ག་དང་། ལག་པ་གཉིས་དང་། དེ་བཞིན་དུ་ལྟེ་བ་དང་། རྐང་པ་གཉིས་སུ་ཕྱོགས་
D566.090.0181b02.01སུ་བྱས་ན་ཆེན་པོར་གྱུར་པས་གནོད་སྦྱིན་བཞིན་དུ་གནོད་སྦྱིན་འདོད་པའི་གཟུགས་འཛིན་ཅིང་ས་གཞི་ལ་ལོངས་སྤྱོད་དོ། །དེ་ཡང་བལྟར་མེད། གཟུང་དུ་མེད། བཅིང་དུ་མེད། དགག་ཏུ་མེད། བརྒལ་དུ་མེད། རྨོངས་པར་བྱར་མེད། ཆད་པས་གཅད་དུ་མེད། མགོ་བྲེག་ཏུ་
D566.090.0181b03.01མེད། གཞུར་མེད། དགྲའི་དབང་དུ་འགྲོ་བར་མི་འགྱུར་རོ། །མ་ཧེའི་ཤ་གཏོགས་པའི་སྣ་དག་གསེར་ཤིང་ལ་བསྲེགས་པ་དང་བཅས་པ་དང་། རོ་བསྲེགས་པའི་ས་དང་། ཐལ་བ་དང་། བུད་མེད་ཤི་བའི་ལག་གདུབ་རོ་བསྲེགས་པའི་ཤིང་གིས་བསྲེགས་ལ་ད་དུ་རའི་ཁུ་བས་བསད་དེ་ཕྱེ་
D566.090.0181b04.01མ་དང་། རང་གི་མྱོས་བྱེད་ཀྱིས་བྱས་ན་ལྷའི་དབང་པོའི་བུ་མོ་ཡང་དེ་མ་ཐག་ཏུ་དབང་དུ་འགྱུར་རོ། །ཁ་ག་བ་ཏའི་འཁོར་ལོ་དང་། ལྷའི་དབང་པོ་སྦས་པ་དང་། ལྡོང་རོས་དང་། གིའུ་ཝང་དང་། དྲི་མ་དང་ལྡན་པས་ཐིག་ལེ་དཔྲལ་བར་བྱས་ན་དབང་དུ་འགྱུར་རོ། །ཁ་ག་བ་
D566.090.0181b05.01ཏའི་འཁོར་ལོ་དང་། དབང་པོ་སྦས་པ་དང་། ཨ་ན་བ་ཏི་ཛ་ཏ་ཀ་དང་། སྔུན་མ་དང་། མིག་གི་མཆི་མས་སྦངས་པའི་ཕྱེ་མ་ནི་མིའི་བདག་པོའི་བུད་མེད་ཀྱང་དེ་མ་ཐག་ཏུ་དབང་དུ་བྱེད་དོ། །གསར་དུ་བག་མ་བྱས་པའི་ཁྱོ་ག་ཤི་བའི་མི་རོའི་མེ་ཏོག་དང་། བནྡུ་ཀ་འཕྲོག་
D566.090.0181b06.01བྱེད་ཀྱི་སྤྱི་བོར་འཁོད་པའི་མེ་ཏོག་དང་། མི་ཤི་བའི་བུད་མེད་དང་ལྷན་ཅིག་ཏུ་བསྲེགས་པའི་ཐལ་བ་དང་བཅས་པས་བུད་མེད་ལ་བསྣུན་པ་ཙམ་གྱིས་རང་གི་ཕྱི་ནས་འོང་ངོ་། །ཁྱབ་འཇུག་གནོད་པ་དང་། དབང་པོ་སྦས་པ་དང་། ལག་ཁྲ་ན་དང་། སྔུན་མ་དང་བཅས་པའི་སྦྲུལ་གྱི་
D566.090.0181b07.01