完整藏文原文 · 德格版页 当前仅加载第 90 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གདུང་ཡིད་ཆེས་པ་ལ་དེ་ཉིད་ཡོངས་སུ་དཀྲིས་ཏེ་ཉི་མ་དང་ཟླ་བ་དང་མེའི་དབུས་སུ་གཏོགས་པ་རྒྱལ་གསུམ་གྱིས་སྒྲུབ་པ་འོད་ཟེར་ཅན་གྱི་མདུན་དུ་སྔགས་བཟླས་པས་གྲུབ་པ་ནི་ཁ་རུ་བཅུག་ན་ས་གཞིའི་དཀྱིལ་འཁོར་དུ་གནོད་སྦྱིན་དུ་འདོད་པའི་གཟུགས་
D566.090.0175a01.01འཛིན་པར་འགྱུར་རོ། །དེ་ནས་གཞན་ཡང་རིལ་བུ་བསྒྲུབ་པ་ཡིན་ཏེ། བྱི་ལ་ནག་པོའི་དྲི་མ་དང་། ཁྱི་ནག་པོའི་མིག་དང་། རྟ་ནག་པོའི་མིག་དང་། ཁྭ་ནག་པོའི་མིག་དང་། ཕག་ནག་པོའི་རྣ་བ་གཡོན་པ་དང་། ཁྲག་དང་། བདེ་བར་གཤེགས་པའི་གདུང་ཡིད་ཆེས་
D566.090.0175a02.01པ་ལ་ཕལ་དེ་ཉིད་ཡོངས་སུ་དཀྲིས་ཏེ་ཉི་མ་དང་། ཟླ་བ་དང་། མེ་གསུམ་དུ་གཏོགས་པའི་རྒྱལ་གསུམ་ལ་བསྒྲུབས་ཏེ་འོད་ཟེར་ཅན་གྱི་མདུན་དུ་གསང་བའི་གནས་སུ་མཆོག་གི་ཁར་བཅུག་ནས་སྔགས་བཟླས་ན་ནོར་གྱི་དྲུག་ཆ་ལེན་ཅིང་གཞན་གྱི་བུད་མེད་མཆོག་རྣམས་ལ་ལོངས་
D566.090.0175a03.01སྤྱོད་དོ། །དེ་ནས་གཞན་ཡང་རིལ་བུ་ཡིན་ཏེ། སྲིན་བྱ་ནག་པོའི་མིག་དང་། ཁྭ་ནག་པོ་དང་། འུག་པའི་མིག་དང་། ཀོ་སྐྱེ་ནག་པོའི་མིག་དང་། བདེ་བར་གཤེགས་པའི་གདུང་ཡིན་པར་ཡང་ཡིད་ཆེས་པ་དང་རྡོ་རྗེའི་འོད་མས་མཉེས་ལ། རིལ་བུ་ཉི་མ་དང་། ཟླ་བ་དང་། མེའི་
D566.090.0175a04.01ནང་དུ་གཏོགས་པས་དཀྲིས་ལ་བསྒྲུབ་པ་ནི་འོད་ཟེར་ཅན་གྱི་མདུན་དུ་སྔགས་བཟླས་ན་འགྲུབ་པར་འགྱུར་ཏེ་ཁར་བཅུག་ན་མི་མཐོང་བར་འགྱུར་རོ། །དེ་(བལྟར་,ལྟར་)མེད། གཟུང་དུ་མེད། བཅིང་དུ་མེད། དགག་ཏུ་མེད། བརྒལ་དུ་མེད། རྨོངས་པར་བྱར་མེད། ཆད་པས་
D566.090.0175a05.01གཅད་དུ་མེད། མགོ་བྲེག་ཏུ་མེད། གཞུར་མེད། ཚིག་པར་བྱར་མེད། དགྲའི་དབང་དུ་མི་འགྲོའོ། །མི་མཐོང་བར་བྱེད་པའི་གཙོ་བོ་འདིས་ཡང་དག་པར་རྣམ་པར་སྣང་མཛད་ཀྱིས་གསུངས་ཏེ། བརྩོན་པའི་མཆོག་ནི་བཟླས་པ་འབའ་ཞིག་ཙམ་གྱིས་བྱའོ། །དེ་ནས་
D566.090.0175a06.01འབེབས་པར་འདོད་ན་གཞོན་ནུ་དང་གཞོན་ནུ་མ་ལོ་བཅུ་གཉིས་ལོན་པ། མིག་ཡངས་པ། བོང་རིང་བ་དབེན་པའི་ས་ཕྱོགས་གཅིག་ཏུ་གཙང་ཞིང་ཁྲུས་བྱས་པས་གོས་དཀར་པོ་གོན་པ་ཙནྡན་གྱིས་ཡན་ལག་བྱུགས་པ། མེ་ཏོག་གི་ཕྲེང་བ་དང་། དྲི་དང་བདུག་སྤོས་བྱའོ། །དེ་ནས་
D566.090.0175a07.01