完整藏文原文 · 德格版页 当前仅加载第 90 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
མདངས་ཀྱང་འཕྲོག །མི་དག་གི་ནི་ལུས་རྣམས་ལ། །རབ་ཏུ་ཕྲ་བའི་གདོན་དུ་སྣང་། །སྤུ་ཡི་བར་དང་གནད་རྣམས་དང་། །དེ་བཞིན་རྨ་ཡི་ཁ་རྣམས་སུ། །ལྷགས་པ་དེ་དག་ཐམས་ཅད་ཀྱང་། །རིག་སྔགས་ཞགས་པས་རབ་ཏུ་དྲངས། །ཕྱག་འཚལ་སྐྱེས་བུ་དཔའ་ཁྱོད་
D558.090.0071a01.01ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ནས་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །རི་ཡི་རྒྱལ་པོ་རི་རབ་དང་། །དེ་བཞིན་ཁོ་ར་ཁོར་ཡུག་དང་། །བྱ་རྒོད་ཕུང་པོ་གཤོལ་མདའ་འཛིན། །སྤོས་ངད་ལྡང་དང་གངས་ཀྱི་རི། །སྣ་ཚོགས་བརྩེགས་
D558.090.0071a02.01དང་པཎྜ་པཱ། །ན་ལ་པཱ་ཡི་རི་གཉིས་དང་། །དཔལ་གྱི་རི་ཡི་རྩེ་མོ་ནི། །གང་དག་ཤིན་ཏུ་མཐོར་འཕགས་དང་། །རི་བོ་དེ་དག་ཀུན་ལ་ཡང་། །ལྷ་དང་དྲང་སྲོང་གང་གནས་པ། །དེ་དག་ཐམས་ཅད་མི་དགའ་ཞིང་། །འཇིགས་པའི་ཡིད་ཀྱིས་མྱ་ངན་བྱེད། །བྱེ་བ་སྟོང་གི་ལྷ་དག་དང་། །
D558.090.0071a03.01བྱེ་བ་ཕྲག་བརྒྱའི་ལྷ་རྣམས་དང་། །ལྷ་ཡི་བུ་མོ་སྐལ་ཆེན་དག །ཐལ་མོ་རབ་ཏུ་སྦྱོར་བར་བྱེད། །ཐགས་{བཟངས་,བཟང་}རིས་དང་སྒྲ་གཅན་དང་། །སིམ་པར་བྱེད་པའང་དེར་ཕྱིན་ཏོ། །ལྷ་མིན་བྱེ་བ་ཕྲག་སྟོང་དང་། །ལྷ་མིན་བྱེ་བ་ཕྲག་བརྒྱ་དང་། །དེ་དག་བུ་མོ་འཕྲུལ་ལྡན་པ། །མང་
D558.090.0071a04.01པོ་ཀུན་ཀྱང་ཐལ་མོ་སྦྱོར། །རབ་ཏུ་གནས་དང་རྒྱ་མཚོ་དང་། །ཀླུ་ཡི་རྒྱལ་པོ་གཟི་ཅན་དང་། །ཀླུ་ཡི་རྒྱལ་པོ་མ་དྲོས་དང་། །དགའ་བོ་ཉེ་དགའ་གཉིས་པོ་དང་། །རྡོ་རྗེ་བློ་གྲོས་པཀྴུ་དང་། །གངྒཱ་དགའ་བོ་སིན་དྷུ་མཚོ། །བྱ་ཡི་རྒྱལ་པོ་འདབ་{བཟངས་,བཟང་}དང་། །རྒྱ་མཚོ་ཆེན་པོ་འཁྲུག་བྱེད་
D558.090.0071a05.01དང་། །སྟོང་ཕྲག་བྱེ་བའི་ཀླུ་ཡི་རྣམས། །བྱེ་བ་བརྒྱ་ཡི་ཀླུ་དག་དང་། །དེ་དག་བུ་མོ་སྐལ་ཆེན་རྣམས། །ཐལ་མོ་རབ་ཏུ་སྦྱོར་བར་བྱེད། །ཉི་མ་ཟླ་བ་གཉིས་ཀ་ཡང་། །སྐར་མའི་འཁོར་གྱིས་ཡོངས་སུ་བསྐོར། །གསེར་གྱི་མེ་ཏོག་ཡན་ལག་ན། །མ་ག་དྷཱ་ན་འཇིགས་བྱེད་པ། །
D558.090.0071a06.01གསོ་བའི་མཐའ་ན་མི་ཐོད་ཅན། །ཀོ་ས་ལ་ན་རབ་ཏུ་དཀར། །བཟང་པོའི་ཡུལ་ན་ཁ་སྤུ་ཅན། །གྱད་ཀྱི་ཡུལ་ན་གྲགས་པ་འཛིན། །ལྔ་འཛིན་པ་ན་སྐྲག་བྱེད་པ། །རྟ་སྐྱེ་བ་ན་མིག་དམར་གནས། །སྲུང་བྱེད་པ་ན་སེར་སྐྱ་སྟེ། །སེམས་པ་ན་ནི་མིག་སེར་པོ། །བེའུ་ལ་ཕན་བུམ་པའི་ལྟོ། །
D558.090.0071a07.01