stong chen mo rab tu 'joms pa zhes bya ba'i mdo/
当前为德格木刻版 63a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 63a
- 可引用原文
- 7 行
- 全文规模
- 全经 337 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 90 函 · 德格 63a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྒྱ་གར་སྐད་དུ། མ་ཧཱ་ས་ཧ་སྲ་པྲ་མརྡ་ན་ནཱ་མ་སཱུ་ཏྲ། བོད་སྐད་དུ། སྟོང་ཆེན་མོ་རབ་ཏུ་འཇོམས་པ་ཞེས་བྱ་བའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཕུང་པོའི་རིའི་ལྷོ་ཕྱོགས་ཀྱི་ངོས་སངས་རྒྱས་ཀྱི་སྤྱོད་ཡུལ་ཤིང་ལྗོན་པ་རབ་ཏུ་སྣང་བའི་ནགས་ཚོགས་ན་དགེ་སློང་གི་དགེ་འདུན་ཆེན་པོ་སྟོང་ཉིས་བརྒྱ་ལྔ་བཅུ་ལ་འདི་ལྟ་སྟེ། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་དང་།
ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་ག་ཡཱ་འོད་སྲུང་དང་། ཚེ་དང་ལྡན་པ་ཆུ་ཀླུང་འོད་སྲུང་དང་། ཚེ་དང་ལྡན་པ་ཅང་ཤེས་ཀཽཎྜི་ནྱ་དང་། ཚེ་དང་ལྡན་པ་དགའ་བྱེད་དང་། ཚེ་དང་ལྡན་པ་ཀཱ་ཏྱཱའི་བུ་ཆེན་པོ་དང་། ཚེ་དང་ལྡན་པ་བཀྐུ་ལ་དང་། ཚེ་དང་ལྡན་པ་རླངས་པ་དང་། ཚེ་དང་ལྡན་པ་གསུས་པོ་ཆེ་དང་། ཚེ་དང་ལྡན་པ་ངག་དབང་དང་། ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་ལག་བཟང་དང་། ཚེ་དང་ལྡན་པ་མ་འགགས་པ་དང་། ཚེ་དང་ལྡན་པ་ལྟེང་རྒྱས་འོད་སྲུང་དང་། ཚེ་དང་ལྡན་པ་ནམ་གྲུ་ནས་ཚེ་དང་
ལྡན་པ་ཀུན་དགའ་བོའི་བར་དུ་དེ་ལ་སོགས་པའི་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དག་དང་ཐབས་ཅིག་ཏུ་བཞུགས་སོ། །དེའི་ཚེ་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལ་ལུས་འཕགས་མོའི་བུ་ཡུལ་མ་ག་དྷཱའི་རྒྱལ་པོ་མ་སྐྱེས་དགྲས་ན་བཟའ་དང་། བཤོས་དང་། གཟིམས་ཆ་དང་། སྙུན་གྱི་གསོས་སྨན་དང་། ཡོ་བྱད་རྣམས་ཀྱིས་བཀུར་སྟིར་བྱས། བླ་མར་བྱས། བསྟི་སྟང་དུ་བྱས། མཆོད་པར་བྱས་སོ། །ཡང་དེའི་ཚེ་ས་ཡང་ཆེར་གཡོས་པར་གྱུར། སྤྲིན་འདུས་པ་ཆེན་པོ་ཡང་བྱུང་། དུས་མ་ཡིན་པའི་
རླུང་དང་། སེར་བ་ཆེན་པོ་དང་། སྤྲིན་ཆེན་པོ་ལས་ཆར་པ་ཆེན་པོ་ཡང་འབབ་པར་གྱུར། འབྲུག་ཀྱང་དི་རི་རི་ཟེར། གློག་ཀྱང་བྱུང་། ཕྱོགས་བཅུ་ཡང་འཁྲུགས་པར་གྱུར་ཏོ། །མུན་པ་མུན་ནག་ཆེན་པོ་ཡང་བྱུང་སྟེ། སྐར་མ་རྣམས་ཀྱང་མི་སྣང་། ཉི་མ་དང་ཟླ་བ་རྣམས་ཀྱང་འོད་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D558
- 德格版页
- 63a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0553 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。