完整藏文原文 · 德格版页 当前仅加载第 88 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་རྙིང་པ་བཅོས་ལེགས་བྱས་ཀྱང་རུང་། ས་འཇིམ་ལས་མཆོད་རྟེན་ཆུང་ངུ་བྱས་སམ། སོ་ཕག་གམ། རྡོ་བ་ལས་བྱས་ཀྱང་རུང་སྟེ། དང་པོ་གསང་སྔགས་ཀྱི་སྙིང་པོ་སྟོང་རྩ་བརྒྱད་ཚད་དུ་བཟླས་བརྗོད་བྱས་ཏེ། དེའི་འོག་ཏུ་མཆོད་རྟེན་སེན་མོ་གང་ཙམ་གྱིས་
D510.088.0030a01.01ལ་བྱས་སམ། ཁྲུ་གང་གི་ཚད་དུ་བྱས་སམ། དཔག་ཚད་གཅིག་ཙམ་གྱི་ཚད་དུ་བྱས་ན་ཡང་རུང་སྟེ། གསང་སྔགས་ཀྱི་མཐུ་དང་། སེམས་རྩེ་གཅིག་ཏུ་བྱས་པའི་སྟོབས་ཀྱིས་མཆོད་རྟེན་དེ་ལ་ཡང་སྤོས་ཀྱི་ངད་ལྡང་སྟེ། ཙནྡནདང་། ག་བུར་དང་། གླ་རྩི་དང་། གུར་
D510.088.0030a02.01གུམ་ལ་སོགས་པའི་དྲི་བྲོའམ། ལྷའི་སྤོས་དྲི་ཞིམ་པོའི་ངད་ལྡང་བར་འགྱུར་རོ། །བདག་དང་གཞན་མཆོད་རྟེན་གྱི་ལས་བྱེད་པ་དང་། བཟླས་བརྗོད་བྱེད་པ་དེ་བསམ་པ་ཐམས་ཅད་ཀྱང་ཡིད་བཞིན་དུ་འགྲུབ་པར་འགྱུར་རོ། །དགེ་བའི་རྩ་བ་རྒྱ་ཆེན་པོ་བསགས་པར་
D510.088.0030a03.01འགྱུར་ཏེ། ཡོན་ཏན་དང་། ལེགས་པ་ཕུན་སུམ་ཚོགས་པ་ཡང་འཐོབ་པར་འགྱུར། ཚེ་ཐུང་བའི་ལས་ཤིག་ཡོད་ན་ཡང་ཚེ་ནུར་ཞིང་རིང་བར་འགྱུར། ནམ་འཆི་བའི་དུས་བྱེད་པ་ན་ཡང་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུའི་ཞལ་མཐོང་ཞིང་། དེ་
D510.088.0030a04.01བཞིན་གཤེགས་པ་དེ་དག་གིས་རྗེས་སུ་དགོངས་ཏེ། སྐྱེ་གནས་ཕྱི་མར་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་འགྱུར་ཞིང་མངོན་སུམ་དུ་ལུང་སྟོན་པར་འགྱུར། དེར་ཡང་ཚེ་ལོ་བྱེ་བ་ཁྲག་ཁྲིག་བརྒྱ་སྟོང་ཐུབ་པར་འགྱུར་ཏེ། སྔོན་གྱི་གནས་རྗེས་སུ་དྲན་པ་དང་། ལྷའི་
D510.088.0030a05.01མིག་དང་། ལྷའི་རྣ་བ་རྣམ་པར་དག་པ་འཐོབ་ཅིང་། ཕ་རོལ་གྱི་སེམས་ཤེས་པ་དང་། འཆི་འཕོ་བ་དང་། སྐྱེ་བ་ཤེས་པ་འཐོབ་བོ། །ལུས་ལས་ཙནྡན་གྱི་དྲིའི་ངད་འབྱུང་ཞིང་ཁ་ནས་ཨུཏྤ་ལའི་བསུང་ལྡང་བར་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་
D510.088.0030a06.01ལམ་ཐོབ་ནས་ཕྱིར་མི་ལྡོག་པའི་ས་ཡང་ཐོབ་པར་འགྱུར་རོ། །ཡང་དྲིའི་བྱུག་པ་ཡུངས་འབྲུ་ཙམ་ཡང་རུང་སྟེ། གསང་སྔགས་བཟླས་ནས་མཆོད་རྟེན་ལ་བསྐུས་ན་ཡང་དེ་དག་གི་ཡོན་ཏན་དང་། ལེགས་པ་སྔར་བཤད་པ་བཞིན་དུ་ཐོབ་པར་འགྱུར་རོ། །ཡང་དགེ་སློང་དང་།
D510.088.0030a07.01