完整藏文原文 · 德格版页 当前仅加载第 88 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་ར་སྨི་བི་མ་ལ་བི་ཤུདྡྷེ་པྲ་བྷ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་འོད་ཟེར་དྲི་མ་མེད་པ་རྣམ་པར་དག་པའི་འོད་ཅེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་
D510.088.0025b01.01དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གྲོང་ཁྱེར་ཆེན་པོ་སེར་སྐྱའི་གནས་ཀྱི་ཕོ་བྲང་གི་འཁོར་གྱི་ཁྱམས་ཆེན་པོ་ན་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་པ་ལ་འདི་ལྟ་སྟེ།
D510.088.0025b02.01བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་དང་། ལག་ན་རྡོ་རྗེ་དང་། འཕགས་པ་སྤྱན་རས་གཟིགས་ཀྱི་དབང་ཕྱུག་དང་། འཇམ་དཔལ་དང་། ཤེས་རབ་འོད་དང་། བྱམས་པ་ལ་སོགས་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་པ་རྣམས་དང་། ལྷ་དང་། ཀླུ་དང་།
D510.088.0025b03.01གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ལ་སོགས་པ་གྲངས་མེད་པས་བཅོམ་ལྡན་འདས་ལ་ཞེ་སར་བྱས། རི་མོར་བྱས། བཀུར་སྟིར་བྱས་ཏེ། ཡོངས་སུ་བསྐོར་བ་ལ་ཆོས་སྟོན་ཅིང་བཞུགས་སོ། །དེའི་ཚེ་སེར་སྐྱའི་གྲོང་ཁྱེར་ན་གནས་པ་བྲམ་
D510.088.0025b04.01ཟེ་ཆེན་པོ་སེར་སྐྱའི་ཟླ་བ་ཞེས་བྱ་བ་བཅོམ་ལྡན་འདས་ཀྱི་བསྟན་པ་ལ་ཡིད་མི་ཆེས་ཤིང་ལོག་པར་ལྟ་བ་ཞིག་གནས་པ་དེ་དུས་གཞན་ཞིག་གི་ཚེ་གཞན་ཞིག་གི་རྨི་ལྟས་སུ་རྨིས་ཏེ། བསྟན་པ་བྲམ་ཟེ་ཆེན་པོ་ཁྱོད་ད་སྟེ་ཞག་བདུན་ན་འཆི་བའི་དུས་བྱེད་པར་འགྱུར་རོ་ཞེས་ཟེར་བ་ཐོས་ནས། བྲམ་ཟེ་དེ་ཤིན་ཏུ་ཡང་མི་དགའ་སྟེ། འཇིགས་སྐྲག་ནས་
D510.088.0025b05.01ཡིད་ལ་བསམ་པ། ད་བདག་གིས་སྲོག་གི་སྐྱབས་སུ་ལ་བཙལ་བར་བྱ། ཡང་དགེ་སྦྱོང་གཽ་ཏ་མ་ཐམས་ཅད་མཁྱེན་པ་རྫུ་འཕྲུལ་དང་ལྡན་པ་ཞིག་ཡིན་ནོ་ཞེས་གྲགས་ན། བདག་དེའི་གན་དུ་སོང་སྟེ། དེ་ཐམས་ཅད་མཁྱེན་པ་ཡིན་ཡང་དག་ནང་འཇིགས་པས་ཉམ་ཐག་པར་འགྱུར་བའི་སྐྱབས་མཛད་པའི་ཕྱིར་ཆོས་སྟོན་གོར་མ་ཆག་གོ་སྙམ་བསམས་
D510.088.0025b06.01ནས། བཅོམ་ལྡན་འདས་ཀྱི་གན་དུ་སོང་བ་དང་། རྒྱང་རིང་པོ་ནས་བཅོམ་ལྡན་འདས་འཁོར་མང་པོ་དང་ཐབས་ཅིག་ཏུ་བཞུགས་པ་མཐོང་ནས། བཅོམ་ལྡན་འདས་ལ་ཞུ་བར་མ་སྤོབས་ཏེ་སེམས་ཤིང་འདུག་པ་ལ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་དུས་གསུམ་མཁྱེན་པ། ཐམས་ཅད་གཟིགས་
D510.088.0025b07.01