完整藏文原文 · 德格版页 当前仅加载第 83 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་དང་ཟློག་དང་གསད། །ཞི་རྒྱས་དབང་དང་ཞི་ལ་སོགས། །འདི་ལ་ཐེ་ཚོམ་མི་བྱའོ། །གཉིས་སྦྱོར་རྒྱུན་མི་འཆད་བ་དེ་དང་། །ཀུན་ནས་འོད་གསལ་ལྷན་ཅིག་སྐྱེས། །བུང་བས་མེ་ཏོག་རྩི་ལྟར་ནི། །རྣམ་པ་ཀུན་ཏུ་དོན་བསྒྲུབ་པའོ། །ཨོཾ་ཨ་ཀཱ་རོ་མུ་ཁྃ་
D476.083.0247a01.01སརྦྦ་དྷརྨྨ་ནཱྃ་ཨཱདྱ་ནུཏྤནྟ་ཏྭཱ་ཏ་སརྦ་ནི་སྭ་བྷཱ་བ་ཧཱུྃ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་ལ་སོགས་པ་འཁོར་དེ་དག་ཐམས་ཅད་རབ་ཏུ་ཡི་རངས་ཏེ། ཚིགས་སུ་བཅད་པ་འདི་དག་གིས་མངོན་པར་བསྟོད་ཅིང་མཆོད་པ་བསམ་གྱིས་
D476.083.0247a02.01མི་ཁྱབ་པ་ཐམས་ཅད་ཀྱིས་མཆོད་པ་ལ་བརྩོན་པར་གྱུར་ཏེ། འཇིག་རྟེན་མགོན་པོ་བཅོམ་ལྡན་ལེགས། །འགྲོ་བ་ཉོན་མོངས་བསྐྱབ་སླད་དུ། །སྟོང་པའི་ཏིང་འཛིན་སྤངས་ནས་ནི། །ཁྱོད་ཀྱིས་བྱམས་ཆེན་སྐུར་བསྟན་མཛད། །ཐུགས་རྗེ་ཆེན་པོ་བཅོམ་ལྡན་ལེགས། །སེམས་ཅན་
D476.083.0247a03.01སྡུག་བསྔལ་བསྒྲལ་སླད་དུ། །ཞི་བའི་མཐའ་ལ་མི་གནས་པར། །བརྩེ་ཆེན་རྣམ་པར་འཕྲུལ་པར་མཛད། །བདེ་ཆེན་རྒྱལ་པོ་བཅོམ་ལྡན་ལེགས། །ལུས་ཅན་བདེ་དོན་བསྒྲུབ་སླད་དུ། །ཟག་མེད་དབྱིངས་ཐུགས་མ་གཞོལ་བར། །དགྱེས་ཆེན་ཀུན་དུ་སྣང་མཛད་ལེགས། །གཙོ་
D476.083.0247a04.01བོ་རྡོ་རྗེ་རྒྱལ་པོ་ལེགས། །སྐྱེ་བོ་དུབ་བ་ངལ་བསོའི་ཕྱིར། །མཐའ་གཅིག་རྒྱུན་ཆད་མི་བཞུགས་པར། །མ་ལུས་འཚལ་བ་སྒྲུབ་པ་རྨད། །དེ་ནས་འཁོར་གྱི་ཚོགས་ཕལ་མོ་ཆེ་དེ་དག་དང་། རྡོ་རྗེའི་རིགས་ཀྱི་བྱང་ཆུབ་སེམས་དཔའ་ཆེན་པོ་དེ་དག་ཐམས་ཅད་ཀྱང་བཅོམ་ལྡན་འདས་
D476.083.0247a05.01ཀྱིས་འདི་སྐད་ཅེས་བཀའ་སྩལ་པའི་ངེས་པར་གྱུར་པ་ཐབས་དང་ཤེས་རབ་བསམ་གྱིས་མི་ཁྱབ་ཅིང་གཞལ་དུ་མེད་པའི་ཏིང་ངེ་འཛིན་ལ་གནས་བཞིན་དུ་ཐམས་ཅད་ཀྱི་བྱིན་གྱི་བརླབས་ཀྱིས་སེམས་ཅན་ཐམས་ཅད་ལ་ཕན་གདགས་པའི་དོན་དུ། ཆོ་འཕྲུལ་ཆེན་པོ་དུ་མ་བསྟན་ཏོ། །བཅོམ་ལྡན་
D476.083.0247a06.01འདས་ཀྱིས་ཡང་བཀའ་སྩལ་པ། གང་ལ་ལ་ཞིག་བཅོམ་ལྡན་འདས་རྡོ་རྗེ་མི་བསྐྱོད་པའི་གསང་བ་ཆེན་པོ་རྒྱུད་ཀྱི་རྒྱལ་པོ་འདི་ཉན་པ་དང་། འཛིན་པ་དང་། འཆང་བ་ལ་སོགས་པ་དེ་དག་ནི་ང་དང་རྒྱལ་བ་ཐམས་ཅད་ཀྱིས་དགོངས་པར་འགྱུར་རོ། །རྡོ་རྗེ་འབར་བ་ཁྲག་འཐུང་གི་རྒྱལ་
D476.083.0247a07.01