完整藏文原文 · 德格版页 当前仅加载第 83 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་བྷ་ག་བཱ་ན་ཨེ་ཀ་ཛ་ཊ་མ་ཧཱ་ཀལྤ་(ཏནྟ་,ཏནྟྲ་)རཱ་ཛ་ནཱ་མ། བོད་སྐད་དུ། དཔལ་བཅོམ་ལྡན་འདས་རལ་པ་གཅིག་པའི་བརྟག་པའི་རྒྱུད་ཀྱི་རྒྱལ་པོ་ཆེན་པོ་ཞེས་བྱ་བ། བཅོམ་ལྡན་འདས་རལ་པ་གཅིག་པ་ལ་ཕྱག་འཚལ་ལོ། །འདི་སྐད་བདག་
D476.083.0245a01.01གིས་ཐོས་པ་དུས་གཅིག་ན། བཅོམ་ལྡན་འདས་ལྕང་ལོ་ཅན་གྱི་གནས་རྡོ་རྗེའི་རི་བོའི་ཟོམ་ན་བཞུགས་ཏེ། བྱང་ཆུབ་སེམས་དཔའ་ཕྱག་ན་རྡོ་རྗེ་དང་། འཇིགས་བྱེད་རྒྱལ་པོ་དང་། ཀླུའི་དབང་པོ་དང་། ཉི་མ་དང་ཟླ་བའི་གདོང་ཅན་དང་། ཡེ་ཤེས་བཀོད་པའི་ཕྱག་རྒྱ་ལ་སོགས་
D476.083.0245a02.01པ་བྱང་ཆུབ་སེམས་དཔའ་སེམས་དཔའ་ཆེན་པོ་གསང་བའི་དེ་ཁོ་ན་ཉིད་ཤིན་ཏུ་སྦས་པའི་མཛོད་ལ་མངའ་བརྙེས་པ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་ཡང་དག་པར་ངེས་པ། རིགས་དང་ཚོགས་དང་དམ་ཚིག་དང་བརྟུལ་ཞུགས་ཆེན་པོ་ཕྱག་རྒྱ་རྒྱ་མཚོ་ལྟ་བུའི་ཚུལ་
D476.083.0245a03.01ལ་གནས་པ། གསང་བ་བས་ཀྱང་ཆེས་གསང་བའི་བདེ་བ་ཆེན་པོ་ལ་རྣམ་པར་རོལ་པ། ཐབས་དང་ཤེས་རབ་བླ་ན་མེད་པའི་ཁ་སྦྱོར་ལས་ངེས་པར་འབྱུང་བའི་ཡེ་ཤེས་ཅན། འགྲོ་བ་ཐམས་ཅད་ཀྱི་ཀུན་ནས་ལྡང་བ་དང་བག་ལ་ཉལ་འཇོམས་པ་ལ་མཁས་པ་དཔག་ཏུ་མེད་པ་དང་ཐབས་
D476.083.0245a04.01ཅིག་ཏུ་བཞུགས་སོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་སྟན་ལས་ལངས་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །རྡོ་རྗེ་དབང་ཕྱུག་རྡོ་རྗེ་ཆེ། །རྡོ་རྗེའི་རྒྱལ་པོ་ཀུན་བདག་པོ། །སངས་རྒྱས་
D476.083.0245a05.01ཐམས་ཅད་བསྐྱེད་མཛད་ཡབ། །བདེ་ཆེན་འཁོར་ལོ་བདག་ལ་གསུངས། །སྲིད་གསུམ་ཐིབས་པོ་སེལ་མཛད་ཅིང་། །མྱ་ངན་འདས་ལ་མི་གནས་པ། །ལུས་ཅན་ཀུན་སྐྱོབ་བརྩེ་ཆེན་པོ། །འདྲེན་པ་ཁྱོད་ལམ་བསྟན་དུ་གསོལ། །བློ་གྲོས་སྙིང་རྗེ་བརྟན་ལྡན་པས། །ཐབས་ནི་གང་
D476.083.0245a06.01ཞིག་མངོན་བསྒོམས་ན། །སྐུ་ལྔ་ཕྱག་རྒྱ་འགྲུབ་འགྱུར་བ། །གཙོ་བོ་དེ་ནི་འདིར་བཤད་གསོལ། །རྡོ་རྗེ་དཀྱིལ་འཁོར་ཆེར་འབྱུང་བ། །འབུམ་ཕྲག་རྒྱུད་ཆེན་ལས་གསུངས་པ། །རལ་པ་གཅིག་ཕྲེང་དཀྱིལ་འཁོར་གཙོ། །སྦས་པ་གང་ལགས་བརྩེ་བས་གསུངས། །ཞེས་
D476.083.0245a07.01