dpal rdo rje gtum po thugs gsang ba'i rgyud phyi ma/
当前为德格木刻版 35a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 35a
- 可引用原文
- 7 行
- 全文规模
- 全经 87 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 83 函 · 德格 35a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྣམས་ལ། །ས་ཡི་དྲི་དང་མ་གི་ཏ། །ཤུ་དག་ལྕེ་བོག་རུ་རྟ་དང་། །གུ་གུལ་ནག་པོ་དྲི་མ་དང་། །རོ་ཡི་རོ་དང་བཙན་དུག་དང་། །བྱི་ཀུ་ཅིག་སྐྱེས་མི་ཕག་བཅུད། །ཡང་ན་བཙན་དུག་ལྕེ་པོག་དང་། །ལྡོང་རོས་དང་ནི་ས་ཡི་དྲི། །ཞུན་ཆེན་དྲི་ཆུས་བསྡུས་ཏེ་བསྐུ། །གུ་གུལ་ཤུ་དག་ཤིང་ཀུན་དང་། །གླ་རྩི་བཙན་དུག་རོ་ཡི་རོ། །རུས་ཆེན་བཏགས་ཏེ་ཞུན་གྱིས་བསྡུ། །རིལ་བུ་བྱས་ཏེ་བསྲེགས་ནས་ཀྱང་། །ཡང་དང་ཡང་དུ་སྣ་བུག་བདུག །དུག་ཆེན་ཀླུ་དང་དེ་ལས་གྲམ་པའི་གདོན། །སྐྱེ་
དགུ་འཚེ་བྱེད་གདོན་རྣམས་གང་ཡིན་ཡང་། །གདུག་པ་ཆེན་པོའི་དྲི་འདི་ཚོར་བ་ཡིས། །གདུག་པ་ཅན་རྣམས་ཀླད་པ་རབ་ཏུ་འགས། །ཉི་མའི་འོད་ཀྱིས་མུན་པ་ཇི་བཞིན་ནོ། །ཤ་ལ་ཞུགས་པའི་གདུག་པའི་དུག་རྣམས་ལ། །བྱུག་པའི་རྫས་རྣམས་ཕྱི་ནས་བྱུག །བདུག་པ་ཅན་གྱིས་རྟག་ཏུ་བདུག །མ་གི་ཏ་དང་དྲི་ཆུ་གྲང་མོར་སྦྱར། །བཀྲ་ཞིང་ཁོང་དུ་གཏན་དུ་བཏང་བར་བྱ། །ནད་རྣམས་འབྱང་ཞིང་སྤུ་སོགས་བྱི་བ་སྐྱེ། །རྩ་དང་ཆུ་བ་དག་ལ་གནས་པའི་དུག །བྱུག་པ་བདུག་པ་ཆུ་བོའི་གཞུང་བཞིན་དུ། །ཁོང་
དུ་བཏང་བའི་རྫས་ནི་འདི་ལྟ་སྟེ། །མ་གི་ཏ་ནི་དྲི་ཡི་ཆུས་སྦྱངས་ཏེ། །ཨ་རུ་ར་དང་སྦྱར་བ་རྒྱུན་མི་བཅད། །རྩ་ཡི་གནས་སུ་ནད་རྣམས་དངས་སྙིགས་འབྱེད། །དངས་སྙིགས་ཕྱེད་པའི་ནད་ནི་ཕྱི་རུ་འབྱུང་། །གངས་ཀྱི་རི་ལ་ཉི་མ་ལྟ་བུའོ། །དུག་རྣམས་རུས་པ་དག་ལ་རྒྱས། །ཁོང་དུ་བཏང་བའི་རྫས་ནི་རྒྱུན་དུ་བཏང་ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལས་གདུག་པའི་དུག་རྫས་ཀྱིས་གདུལ་བའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ལྷའི་དབང་པོས་གསོལ་པ། ཀྱཻ་བཅོམ་
ལྡན་འདས་གདུག་པ་ཅན་ཤིན་ཏུ་ཡང་ཚར་གཅོད་པའི་ཐབས་བཀའ་སྩལ་དུ་གསོལ་ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། ཉོན་ཅིག་དབང་པོ་ཆེན་པོའི་ལྷ། །གདུག་པ་ཤིན་ཏུ་ཚར་གཅད་ན། །བསྲེག་པའི་ལས་ལ་ཤིན་ཏུ་བརྩོན་པར་བྱ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D459
- 德格版页
- 35a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0459 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。