完整藏文原文 · 德格版页 当前仅加载第 83 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཤྲི་བཛྲ་ཙཎྜ་ཙིཏྟ་གུ་ཧྱ་ཏནྟྲ་ཨུཏྟ་ར། བོད་སྐད་དུ། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ། དཔལ་རྡོ་རྗེ་གཏུམ་པོ་ལ་ཕྱག་འཚལ་ལོ། །དེ་ནས་བརྒྱ་བྱིན་ལྷའི་དབང་པོས་གསོལ་པ། ཀྱེ་བཅོམ་ལྡན་འདས་
D459.083.0030b01.01ཉིད་ཀྱི་སྐུ་གསུང་ཐུགས་ཀྱི་གསང་བའི་བསྟན་པ་དམ་པའི་དབང་ཇི་ལྟ་བའི་གསང་བ་དམ་པ་མཛད་དུ་གསོལ། །དེ་སྐད་ཅེས་གསོལ་པ་དང་། ཆོས་ཀྱི་དབྱིངས་རྣམ་པར་དག་པའི་ངང་ལས་མ་ཧཱ་ཙཎྜ་ཀྲོ་དྷི་ཧཱུཾ་ཞེས་གསུངས་པས། གཡོན་དུ་ཁྲོ་མོ་གཏུམ་ཆེན་མོ། །མཐིང་
D459.083.0030b02.01ནག་ཆེན་མོ་འཇིགས་ཚུལ་ཅན། །དབུ་སྐྲ་ཁམ་པ་གྱེན་བརྫེས་མ། །སྤྱན་དམར་སྡང་མིག་བགྲད་པའི་ཚུལ། །མཆེ་གཙིགས་ཁྲོ་གཉེར་སྤྱན་གསུམ་མ། །ཕྱག་གཡས་དྲིལ་འཛིན་གཙོ་ལ་འཁྱུད། །གཡོན་པ་ཐོད་ཁྲག་གཙོ་ལ་སྟོབ། །ཞབས་གཉིས་གཙོ་
D459.083.0030b03.01ལ་དགྱེས་ཚུལ་འཁྲིལ། །ཧི་ཧི་དགྱེས་དང་ཧ་ལའི་སྒྲས། །ཐམས་ཅད་གཡོ་ཞིང་རླག་པར་བྱེད། །དུར་ཁྲོད་རྒྱན་ལྡན་མེ་དཔུང་ནང་། །སྐུ་ལ་འཁྲིལ་བའི་ཚུལ་དུ་བཞུགས། །དེ་ནས་བཅོམ་ལྡན་དགྱེས་ཆེན་པོ། །དགྱེས་པའི་ཏིང་འཛིན་ལ་གནས་པས། །ཉིད་
D459.083.0030b04.01ཀྱི་མཁའ་ལ་ཧཱུྃ་ཨོཾ་ལྡན། །ནོར་བུ་དང་ནི་རྡོ་རྗེར་ལྡན། །རྡོ་རྗེའི་རྩེ་མོའི་སྦུབ་མར་ཕཊ། །ཡུམ་གྱི་གསང་བར་པ་ཏྲ་ལྡན། །པད་མ་དང་ནི་ཟེ་འབྲུར་ལྡན། །མ་ལས་ཉི་མའི་དཀྱིལ་འཁོར་རོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལས་ཡུམ་རྣམ་པར་
D459.083.0030b05.01འཕྲུལ་པ་དང་། མཁའ་གསང་རབ་ཏུ་ལྡན་པའི་ལེའུ་སྟེ་དང་པོའོ།། །།དེ་ནས་ལྷའི་དབང་པོས་གསོལ་པ། བཅོམ་ལྡན་འདས་བདེ་རྫོགས་གང་ལགས་བཤད་དུ་གསོལ་ཞེས་ཞུས་པས་བཅོམ་ལྡན་འདས་བདེ་རྫོགས་ཆེན་པོའི་ཏིང་ངེ་འཛིན་ལ་སྙོམས་པར་
D459.083.0030b06.01ཞུགས་ནས་འཁོར་ལོ་བདེ་རྫོགས་ཞེས་བྱ་བ་བཀའ་སྩལ་པ། ཉོན་ཅིག་ལྷ་ཡི་དབང་པོ་མཆོག །བདེ་སྐྱོང་འཁོར་ལོ་སུམ་ཅུ་གཉིས། །དུང་དང་ཀུནྡ་ལྟ་བུར་གནས། །མི་ཤིགས་ཧཱུྃ་ནི་ཁ་འོག་བལྟས། །མགྲིན་ཆེན་ལོངས་སྤྱོད་འདབ་བཅུ་དྲུག །དབུས་ན་གསེར་
D459.083.0030b07.01