dpal rdo rje gtum po thugs gsang ba'i rgyud/
当前为德格木刻版 30a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 30a
- 可引用原文
- 7 行
- 全文规模
- 全经 213 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 83 函 · 德格 30a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཡ་འགལ་གནམ་ལ་མ་འགལ་ས། །ཉི་མའི་སྨན་དང་སྤྱན་ནས་འཆར། །ཟླ་བའི་སྐྱིན་དང་ཞལ་ནས་འཆར། །རི་རབ་རྩེ་དགུ་ཕྱག་ན་བསྣམས། །མི་བཟད་འབར་མ་གཏུམ་ཆེན་མོ། །ཕྱག་ན་རྡོ་རྗེའི་བཀའ་ཉན་མ། །འདུལ་བའི་གཉེན་པོ་ཀླུ་འདུལ་མ། །ཐུགས་དམ་ཀླུ་ཡི་བན་དྷ་འདྲེན། །ཟས་སུ་ཀླུ་ཡི་ཤ་ལ་ཟ། །ཀླུ་ཡི་གནས་རིས་དབང་དུ་སྡུད། །སྔགས་བཀའ་སྩལ་པ། ཨོཾ་ནཱ་ག་ཞུང་ཐུན། ཛྭ་ལ་ཛྭ་ལ། ཙྪིནྡ་ཙྪིནྡ། བྷིནྡྷ་བྷིནྡྷ། ཕཊ་ཕཊ་སྭཱ་ཧཱ། ལས་ཀྱི་གོ་ཆ་དྲུག་ནི་རབ་ཏུ་གཅེས། །ལོག་གནོན་གྱི་སྔགས་
བཀའ་སྩལ་པ། ནཱ་ག་ལི་དུམྤ་ཡ་ས་དོམ་དྷེ་བ་ཀུ་རུ་ཧཱུྃ་ཧཱུྃ། ཛཿཛཿབྷྱོ་བྷྱོ། འཁོར་ལོ་ཚུལ་དུ་ལུས་ལའོ་ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་མཐར་ཐུག་དྲག་པོའི་ལས་ཀྱི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་འཁོར་དེ་དག་གིས་ཞུས་པ། བཅོམ་ལྡན་ཉིད་ཀྱི་མཚམས་བཅད་ཇི་ལྟར་གཟུང་བར་བགྱི་ཞེས་གསོལ་པ་དང་། བཀའ་སྩལ་པ། འདུལ་བའི་ཚོགས་ཉོན་ཅིག །ངའི་རང་བཞིན་ནི་དུས་གསུམ་གྱི་བདེ་བར་གཤེགས་པར་རྟོགས་པར་བྱོས་ཤིག །ངའི་རང་བཞིན་ནི་
སྐྱེ་བ་མེད་པར་རྟོགས་པར་བྱོས་ཤིག །ངའི་རང་བཞིན་ནི་འགག་པ་མེད་པར་རྟོགས་པར་བྱོས་ཤིག །ངའི་རང་བཞིན་ནི་སྟོང་པ་ཉིད་དུ་རྟོགས་པར་བྱོས་ཤིག །ང་གང་ཡིན་པ་དེ་ནི་གསང་བའི་བདག་པོའོ། །ང་གང་ཡིན་པ་དེ་ནི་རྡོ་རྗེ་སེམས་དཔར་རྟོགས་པར་བྱོས་ཤིག །ང་གང་ཡིན་པ་དེ་ནི་ཁམས་གསུམ་རྣམ་པར་རྒྱལ་བར་རྟོགས་པར་བྱོས་ཤིག །ང་གང་ཡིན་པ་དེ་ནི་གཏུམ་པོ་ཆེན་པོ་ཉིད་དུ་རྟོགས་པར་བྱོས་ཤིག །ང་གང་ཡིན་པ་དེ་ནི་ཆོས་སོ། ཆོས་ཀྱི་ཕུང་པོའོ་ཞེས་བཀའ་སྩལ་པས་དེ་བཞིན་གཤེགས་པ་ཐམས་ཅད་དགྱེས་ཤིང་དགའོ། །དཔལ་རྡོ་རྗེ་གཏུམ་
པོ་ཐུགས་གསང་བའི་རྒྱུད་ལས་ཡོངས་སུ་གཏད་པའི་ལེའུ་སྟེ་ཉི་ཤུ་རྩ་བཞི་བའོ།། །།རྒྱ་གར་གྱི་མཁན་པོ་ཨ་བ་ཡུག་ཏའི་ཞལ་སྔ་ནས་ཞུས་ནས། བོད་ཀྱི་ལོ་ཙྪ་བ་ཆོས་ཀྱི་བརྩོན་འགྲུས་ཀྱིས་བསྒྱུར་བ་རྫོགས་སོ།། །།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D458
- 德格版页
- 30a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0458 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。