dpal rdo rje gtum po thugs gsang ba'i rgyud/
当前为德格木刻版 27a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 27a
- 可引用原文
- 7 行
- 全文规模
- 全经 213 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 83 函 · 德格 27a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སངས་རྒྱས་ཐམས་ཅད་དང་། །སེམས་དཔའ་སེམས་མ་ཁྲོ་བོ་ཁྲོ་མོའི་ཚོགས། །མཆོད་པ་ཆེན་པོ་དེ་མཉེས་སྦྱིན་བྱའི་སེམས་ཅན་ཚིམ། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་ཐུན་དྲག་མཆོད་སྦྱིན་གྱི་ལེའུ་སྟེ་བཅུ་བདུན་པའོ།། །།དེ་ནས་ལྷའི་དབང་བོ་ལ་སོགས་ཏེ། རི་རབ་དང་བར་སྣང་ལ་སོགས་པ་ལ་གནས་པའི་ལྷ་ཐམས་ཅད་ཀྱིས་ལྷ་རྫས་ཀྱི་མེ་ཏོག་དང་། ཕྲེང་བ་དང་། སྤོས་དང་། ཕྱེ་མ་དང་། ལྷའི་ན་བཟའ་དང་། ཞལ་ཟས་དང་། རྒྱན་སྣ་ཚོགས་པ་དང་། བདུག་
སྤོས་དང་། སིལ་སྙན་དང་། བྱུག་པ་དང་། སྒྲ་སྣ་ཚོགས་པ་དང་། སྤོས་སྣ་ཚོགས་པ་ཐོགས་ནས་ལྷགས་སོ། །འཇིག་རྟེན་པ་དེ་དག་ཀྱང་རང་རང་གི་མཆོད་པ་སྣ་ཚོགས་པ་ཐོགས་ནས་ལྷགས་ཏེ། ཞེ་ས་དང་གུས་པ་བྱས་ཏེ་ཐམས་ཅད་ཀྱང་མགྲིན་གཅིག་གི་ང་རོས་གསོལ་པ། ཁྲོ་རྒྱལ་སྐུ་ལ་དྲི་མ་མི་མངའ་ཡང་། །དཀར་ཆབ་དང་ར་ཆབ་སྤོས་ཀྱི་ཆབ། །སྨན་ཆབ་བདུད་རྩིའི་ཆབ་ལ་སོགས། །ཁྱོད་ཀྱི་སྐུ་ལ་ཁྲུས་ཆབ་གསོལ། །ཨཱ་ཧ་ར་ཧཱུྃ། ག་བུར་བཟང་དྲུག་སྨན་གྱི་དྲི། །ཨ་ག་རུ་དང་དུ་རུ་སྐ། །གླ་རྩི་སྤོས་ཀྱི་དྲི་ལ་
སོགས། །འགག་པ་མེད་པ་ཤངས་ལ་འབུལ། །དྷཱུ་པ་པཱུ་ཛ་མེ་གྷ་ཧཱུྃ། །རིན་ཆེན་ལྔ་ཡི་མེ་ཏོག་དང་། །ཆུ་ལས་སྐྱེས་དང་ཐང་ལས་སྐྱེས། །ཡིད་ཀྱིས་སྤྲུལ་པའི་མེ་ཏོག་རྣམས། །རྡོ་རྗེ་འཛིན་གྱི་དབུ་ལ་འབུལ། །པུཥྤ་པཱུ་ཛ་མེ་གྷ་ཧཱུྃ། །འབྲུ་ཡི་མར་མེ་རྩི་ཡི་མར། །འདམ་བུ་སྣང་གསལ་རིན་ཆེན་སྒྲོན། །སྤོབས་པ་བཅུད་ལེན་སྒྲོན་མ་རྣམས། །ཁྲོ་བོ་གཏུམ་པོའི་སྤྱན་ལ་འབུལ། །ཨཱ་ལོ་ཀེ་པཱུ་ཛ་མེ་གྷ་ཧཱུྃ། རྣམ་ལྔའི་སྤོས་དང་སྨན་ལྔར་སྦྱར། །ར་ས་ཡ་དང་ཨ་མྲྀ་ཏ། །རྡོ་རྗེ་འཛིན་ལ་དྲི་མཆོག་འབུལ། །གན་དྷེ་པཱུ་ཛ་མེ་གྷ་ཧཱུྃ། །
རོ་མཆོག་བརྒྱ་ལྡན་བདུད་རྩིའི་མཆོག །བདེ་བར་བཞེས་ཏེ་དགྱེས་པར་དགོངས། །ཨ་མྲྀ་ཏཱ་བྷ་ར་ཧཱུྃ། ཀུན་ཏུ་གྲགས་པའི་སྒྲ་རྣམས་མ་ལུས་དང་། །དམ་ཆོས་སྒྲ་སྒྲོགས་སིལ་སྙན་འབུལ། །སྒཱ་ར་ཎ་ཁཾ་ཞེས་མགྲིན་གཅིག་གིས་གསོལ་ནས་དེ་ཉིད་དུ་སྤྲོ་བའི་ཚུལ་གྱིས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D458
- 德格版页
- 27a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0458 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。